البارتات الاضافية للاطلس دمليج الاسود (نسخة الكتاب)

مشهد

-نعسانة فراشتي ؟

-لا قلبي بس مليت

-تكدرين تساعديني بشي ؟

-اممم اذا عليها زيادة بالراتب ليش لا

ضحك وجر ارنبة خشمي ضحكت وياه وكعد يعلمني شنو يريد مشى الوقت واحنه تعبنا
گمت اسویلنا صحن فواكه ناكل ونسولف ونشتغل بنفس الوقت اخذت موبایله اشوف
ساعة بيش ولاحظت جايله اشعار من واحد اسمه "شُهيب"..

-اگلك اطلوس هذا اشعار من شهيب جايك منو هذا ؟

اخذ الموبايل من ايدي يفتح الرسالة بدون لا يجاوبني فز من مكانه بسرعة واتصل عليه
بنفس اللحظة.

-شبيك اطلس ؟

حرك راسه ماكو شي وصار ياكل بشفته جاوبه الطرف الثاني واطلس انهد بي..

-وینن لگيتهم؟؟ متأكد شهیب؟؟؟ رايح اني.. رايحلهم گلت..

طفر من السرير يبدل ملابسه سألته كم مرة وين رايح ميجاوب قضاهة عليه هسة جاي وما اتأخر، باس راسي وطلع مهرول من البيت گعدت انتظره قلقانة

هذا شهيب اشوفه هواي يتواصل ويه الاطلس بس ولا مرة حچالي عنه.. بعد اكثر من ساعة ياله رجع الاطلس نازع السترة والوجه مغيم وشعره مخربط ، ركضت اشوف شبي وقبل لا انطق گال..

-لگوهم

-منو همه ؟

-الي..

-منو

ذب نفس وفرك وجهه وشعره بقوة، مسح على لحيته كذا مرة وكال بقهر ...

-الي رادوا يأذوج بيوم عرسنا

بهتت ملامحي سكنت جميع حواسي ما همست حرف

-الاطلس: ميتين

-ماتو ؟؟؟

-أي كاتليهم

-منوو؟؟

-ما عرفنا بس

-يعني انت عرفتهم منو ؟؟ أسمائهم و...

-أي عرفت وكلبت الدنيا عليهم ماكو واحد ما سألته عنهم، أخير شي اضطريت اروح لـ
شهيب ما رضى يتدخل وگال طلعني من هالسالفة

-ليش ما قبل يساعدك

-قصة طويلة.. المهم سأل هواي وبحوش وراهم عدهم نفوذ همه ويعرفون كل الصايعين ولفوهم رحنا نريد نشوفهم وين گالولنه ذولة ميتين صارلهم فترة طويلة

-يممة !!

-تأكدنا من تاريخ الوفاة بعد شهر من يوم عرسنا الأول، توفوا بحادث سيارة ثنينهم حسب كلام المحقق الحادث غير متعمد

-زين منو السبب ؟؟ منو الراس الجبير اطلس

-مادري مريم ضاع راح من ايدي رااح رااااح

حچاهه بتعب وكعد على القنفة حاط ايده على راسه ،تایه گعدت بجانبه امسح على ظهره اطمأنه..

-ميتين هنا بالمغرب؟

-لا بمصر

-مصر ؟؟؟؟

-أي

-شوداهم ذولة يمةة

-مادري مادري

-حبيبي خلي الله يأخذ حقي منهم

- ماعوف جبيرهم والله

سند راسه على القنفة نمت على كتفه وسرحنا نفكر بهذا الموضوع، أيام بقينا لا ليلنا ليل ولا
نهارنا نهار الاطلس متغفى عينه ومن اتصال لأتصال حچه ويه محققين وضباط كبار هنا
ودفع فلوس يابو فلوس حتی بس نلگه منو سبب هالجريمة ما كدرنا نعرف

......

ملاحظة : باعو القصة هواي انذكر بيها اسماء ابناء الحسوم وشهيب بس اغلبهن مشاهد موجودة بلرواية يعني خوما انزللكم مشهد كامل انتو قاريه بس علمود جملة وحدة مثلا من حچو انو شهيب جان مرتبط بلواتباد مذكور انو البنية اجنبية وبلكتاب انو هية عراقية والاطلس يعرفها لكن مريم ما عرفت هية نورسين فهيج مثلا مزيود جملة وحدة وها بعد شغلة باعو كلش تعبت من دورت المشاهد اضطريت اعيد الكتاب بس اكو مشهد قبل هاي الاحداث اني متذكرة قاريته بس مدالكاه هوا مشهد ما اله علاقة بابناء الحسوم بس جان اكو اجتماع وي شخص اجنبي وحاول يتحرش بمريم واطلس جان مموجود بس شافهم من الكامرات واجه كتله وضل فاير المهم هلمشهد راسي كام يوجعني واني ادور عليه المشكلة مادري مكانه بلضبط وين بالكتاب وعدت الجزء الاول اكثر من مرة حتى ادوره وملكيته لذالك اعتذر منكم ممكن اكو نقص بلمشاهد وهم بعد شغلة اذا اكو اخطاء بترتيب الكلمات هاذ مو مني من الواتباد هوا ينزل الحچي جوا انب من كتبته كله صح لان بسكانر اسويه وهم ارجع اتاكل منه فالخطأ الوحيد الممكن يصير مني هوا خطأ املائي