البارتات الاضافية للاطلس دمليج الاسود (نسخة الكتاب)

مشهد علم فاهد بحمل سارة

مكان آخر، بيت آخر

-بس اسمعني بروح اممك فاهد لا ترووح

-فاهد: هدني هدددني اليوم احركهمم كلهممم ما شفي غليلي منننه

-خلينا نتفاهم فااهد شتريدد انتَ شترريد ؟؟؟

- اريددددهاااااا

صرخها من عمق روحه ووكع على الأرض يصيح ويتعارك وياي يريد يكوم بصعوبة سيطرت عليه وجبته للفندق بألف وا ويلاه اقتنع بس  هسة رجع تخبل..

-فاهد ولك حااامل حاااامل ااااااا يا خوووية ولك معشوكتي حاااامل

-البنية تزووجت استوعب ياخيي استوعب الفكررة

يحرك راسه لا وعيونه تجري هم وحزن وحرمان جسمه يختض بأيدي اريد اسيطر عليه ما جاي اگدر هلكني هلاك..

-فاهد: ما اگدر ما اگدر استوعب سارة تزوجت ما اگدر حسس بیه حسسسس ماتحمممل راح امووت

-جاي احسس بيك ولان احس بيك اكلك اتخطى حبيبي محد راح يتعذب غيرك يا وليددي بس سيطر على نفسك

-اروحله؟ اروحله أي أي اروحله واحط طلقة براسه وبراسها وبراسي وارتاح

-منوو هوو

-حمزززة العااار اخذها مني.. من بين ايديه.. مناا اخذها مناا.. ليش هيچ لييش مو جاي اتغير لخاطرها اريدها خوية احبها هايم بيها

يمدلي ايده ويأشرلي چانت بین ایده حرکت راسي مستسلم ابتعدت عنه وبقى هو على
وضعه كاعد بالگاع و اصابع ايده مضبرة مكسرات والوجه مزرق وذبلان من عدم النوم..

-فاهد: گتلي تساعدني ؟

-اکید

-تساعدني لو بس حتى تسكتني احجي الصدگ !!

-اساعدك اسااعدك انتَ اخوية وهم محترگ گلبي عليك

حرك راسه وسرحت عيونه وكأن لمعت فكرة جهنمية براسه العبقري الصغير، ابتسم
ابتسامته الخبيثة وكال بعيون تجدح

-راح تساعدني نقتل حمزة!