{ بســـــــم الله الرحمن الرحيم }
بقلمــي:- شـهـد آل ابـراهيـم
@Sh9hd_96
بنات لا تنسون التصويت
والتعليق بين الفراغات
بدعمكم نستمر حبايبي... ♡
------------------------------------------
سهامـك بل گلـب صابـن ، ولاحـن
گلبـي مـا رغـب غيـرك ، ولاحـن
بسببـك صـرت شـاعـر ، ولاحـن
كمـت احـن للمـا يحـن گلبه عليـه
ـــــــــــــــــــــــــــــــــــــــــــــــــــــ༻
﷽
چنت گاعده ويا البنات مثل لمتنا بل عاده
نلتم احنا وبنات عمي بغرفة ونضل نحچي لمات بنات
ومرات هاي اللي تحف هاي اللي تعتني بشرتها
وحده تخابر خطيبها والخره نايمه
وحده صوتها عالي وما تسكت ابد
وحده مگضيتها ساكته من گعدتنا الحد ما نگوم
وحده كاضيتها بس تاكل
والاخره تحش بل عالم ما تخلي بنت ولا رجال ولا شايب ولا عجوز ما جابت طاريهم تحش بل رايح والجاي هاذا شغلها واللي يگول حرام تگول رئي وهية محد. طالب رئيها للعلم.
وهاي لمتنه مثل كل مره لا يتغير شي ولا ابد
لان عمامي الكبار ما يخلونه ندرس بطلونه من وصلنه المتوسطه هاي هية واللي تعارض تروح بيها بعد
ف ماكو لا شغله ولا عمله بس ننجمع وهاي هيه...
وبيوم واحنا مجموعات مثل عادتنا سمعنه صوت جاي من برة صياح بس اصياح مال وحده تصرخ بذمه وضمير الصوت هرجنه هرج...
طلعنه احنا والبنات كلنه مفزوعات وحدة تگول للأخره شنو هل صوت..!؟
بس انتبهت كلهن كامن الا "حـلا " ضلت بفراشها نايمه واللي هية مشهورة بل نوم والكل يعرفها لو طبل يم راسها ما تگوم الا من كيفها.
طلعنا عل صاله بس استغربت ما بيها احد
انفلتنه كلنا نركض من سمعنه صون جُمـانـه...
جُمـانـه: ولچن الحگن هاااي حبوبه گاعده تلطم
بل حديقه والنساوين كلها يمهاااا ملتمااات ويتصااارخن يولنننن.
لطمت عَـدن وهيه تصيح..
عَـدن: يمااا يولييي شصااار، اركضننن يولن اركضن بس لا صار بل ولد شييي.
مشينا واحنا نعدل بشالاتنا ومخبوصات كل ما نتقرب يعلا الصوت اكثر وعلى ركضنه مثل المداهمه وين يلا وصلنه لان ماشاءالله مو بيت قلعه ومعروفين اهل الانبار ببيوتهم..
أنت تقرأ
ظلام اليالي
ChickLitظَلام دامس. خوف محتل المكان خفايا نوايا الناس هل هم اصحاب، أم احباب، أم قلبهم سواد الغراب اتهام، قتل، سلب، اعتراضلت..... بس عيب للأستسلام مو انا ليال اللي يخوفني سواد اليل وأشجارة انا اللي احرگ اخضر يابس بشرارة...
