البارتات الاضافية للاطلس دمليج الاسود (نسخة الكتاب)

ختمة البارت 26 (من اطلس نام برا البيت)

-راح تصير الشراكة بيناتنا اطلس عجبك او لا

-هذا الشي مو مهم بابا

-الاطلس: جاي اكلك انطيني فرصة احتاج وقت اجيب شريك اقوى من شمسون يا بوية
ليش مستعجل انت!!

-محمد: العندي گلته

-الاطلس: واني العندي كلته ونشوف كلام منو راح يمشي !

خزر محمد ابنه معصب و عيونه تقرا ،خطر گام من مكانه بهدوء وصار يدور بالصالة ...

-محمد: ليش جبتنا لبيتك شعندك ؟!

-الاطلس: حتى ما تفضحنا بالشركة ونتكاتل گدام العالم

-محمد: يعني تعرف راح تنكتل حضرتك ؟

قفز من مكانه والنار كابة بي تقدم على ابوه بخطوات جريئة صاروا عين بعين..

-الاطلس: شتريد مني ؟ ما كفاك الاخذته والدمرته ؟؟؟

-محمد : ما دمرت شي انتَ البديت وانتَ الي لازم تتحمل يله سلام....

تركه واگف يضرب اخماس بأسداس شلون ورطة ورطوا ارواحهم شمسون لا يمكن يسكتون على هالاهانة وراح يطلعوها بطريقة أو بأخرى، محمد يوقع ويتعاقد وياهم على الشراكة تالي بين ليلة وضحاها ينلغي كلشي..

اخذ معطفه الثقيل وقرر يرجع للبيت عند مرمرته يطلب منها الأمان والراحة يريح سمعه بصوتها ويعقم عيونه بطلتها المريحة، بطريقه لباب البيت رن الجرس فتح الباب وچان تظهر امامه..
-نورسين ؟؟

-نورسين: هلو حياتي

تقربت رادت تحضنه وابتعد عنها بسرعة بطريقة ميحسسها بالاحراج، كعدها على القنفة وعيونه تقره توتر من وجودها...

-الاطلس: قلقتيني نوره صاير شي؟

نورسين: لا بس اجيت ازوركم شنو وينهه زوجتك ؟

-مو هنا

-ها احم اريد شي اشربه عطشانة اطلس

-شنو رأيج نشرب شي بره

-ليش ؟!!

-ماكو سبب بس مريم مو هنا ومو حلوة كعدتنا وحدنا

-وشنو تغير عن قبل ؟؟؟؟

-تزوجت

-گول ماریدج هنا وخلصني اطلس

-نورسين اترجاج افهميني

تقربت عليه بجرأة وجسارة تلمست اطراف جاكيته و همست بخفوت

- ماريد احرجك وياهه بس تره زوجتك كلش مصختها شدعوة عليها يعني تريد تقنعني هي
ماعدها أصدقاء ؟

-لا ماعدها

-ها ومالك ؟

-شبي مالك ؟؟؟

-مادري اشوف عيونه عليها

سحبها من زندها بقسوة وعاط بحركة ...
-شنو هالخرررط انتِ واعية على نفسج ؟؟؟؟