رواية ( أحمد )
رواية ليبية
للكاتبة lil_sara_lil
.
.
.
.
______________♡♡♡♡♡_______________
.
.
.
.
__في اليوم التاني__
انس: يا عمي البندول مينعطاش للأطفال قوي عليهم هلبا
الراجل: به الولد يقول راسي شن بنديرله
انس: ممكن الواز ولا حرارة انقله للمستشفى احسن ما يزيد مرضه ولا جيبه عندي انشوفه لكن ننصحك بالمستشفى
الراجل: ايه والله صدقت ياولدي حننقله للمستشفى ربي يرضى عليك ويرحم والديك
انس: بارك الله فيك ياعمي هذا واجبي
طلع الراجل وقعمز انس وقعد يفكر في انتقامه وكيف وامتى حينفده
__عند احمد__
يتكلم با التلفون
احمد: بالله عليك؟
طه: ايه والله بالاسم نادونا
احمد: مش على الأساس عطلة الشهر هذا
طه: وشن عرفني اني هكي قال النقيب تعال انت وأحمد غدوة ضاروري
احمد: تنهد .. يصير خير هي مع السلامة
وصكر الخط وهو متنكد كيف بيقول لأمه انه مبعوث لشرق في مهمة
احمد: مسج على وجهه .. لا حول ولا قوة الا بالله يارب عيني
وناض ينادي في امه بيش يقوللها الاخبار الحلوة يلي تخليك تبكي وتتنكد منها خاصة أن يلي بيمشي هو ولدك الوحيد
حنان: شنهو؟ ليش
احمد: هذا هو يا امي شن بندير هي كل يوم براي
حنان: ياولدي قلتلك سيب الشرطة خلاص استقيل واخدم اي شي هنا حتى لو في محل الخدمة مش عيب
احمد: يا امي انتي تعرفي اني كنت نتمنى انكون ضابط من لما كنت صغير بتجي تمنعيني توا
حنان: ماهو...
احمد: مش حيصير شي صدقيني معاي صحابي والمهمة مش صعبة اسبوع اسبوعين تلقيني هنا
حنان: بدت تبكي
احمد: يا امي يا امي خيرك هكي مش حيصير شي ولدك مش صغير ولا هو غبي نعرف اندبر روحي
حنان: ربي يحميك يا ولدي ربي يرضى عليك
---
جي اليوم الثاني ومشي احمد وطه لنقيب وقاللهم على المهمة وهي القبض على تاجر مخدرات كان يبيع في منطقتهم وبعدها مشي لشرق يكمل في عمله
وقاللهم كل المعلومات والخطة والمكان يلي بيسكنوا فيه المدة هذي وعلى طول مشوا ركبوا في السيارة وتوجهوا لشرق *حيث يقبع المجرم*
كان طه يسوق واحمد موخر الكرسي ومتكي
احمد: والله جت المهمة في وقتها صح الشهر هذا عطلة واختي جايتنا لكن والله خاطري انفش غلي في حد
طه: الله يرحمه من توا
احمد: من هو؟
طه: التاجر
وقعدو يضحكو ويهدرزو بيش يكمل الطريق بسرعة
__في حوش محمد__
محمد: عيب عليك يا ولدي والله ما تبات الا في حوشنا كيف تبي تأجر شقة
رامي: والله مانبي أنثقل عليكم ساد بتت اليومين هذينا
محمد: ياولدي اني زي بوك وعمره في ولد يثقل على بوه
رامي: بارك الله فيك يا عمي والله فضلت على راسي
محمد: لا فضلت لا سو انت ولدي الثاني والله انت زي ولدي أحمد مافي فرق
