🦋 إسكريبتات شروق حسام 🦋

الجزء الأخير 🦋

بقلم شروق حسام 🦋

عدي كام يوم من بعد حفلة التخرج اللي بعدها عنود بقت مهندسة ومُعيدة في الجامعة بعد ما قدمت شوية ورق عشان تتعين في الكلية

_" عنود يا حبيبتي "

_" عريس مش كده "

سما بإبتسامة واسعة " صح عرفتي إزاي "

عنود بتنهيدة " لأنك يا ست الكل مش وراكِ غير الموضوع ده "

سما وهي بتسيبها وبتمشي " ما بصي بقي ياروحي أنتِ هتوافقي يعني هتوافقي وجهزي نفسك العريس جاي علي بعد العصر "

عنود بصوت عالي " يا سمسمة إستني بس طب قولي لي مين العريس أنتِ عايزة تخلصي مني بسرعة ليه حرام أنا لسه صغيرة سماااااا يا ماماااا "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد شوية
كانت قاعدة علي السرير وبتكلم دعاء

_" يا دودي أنا مش عايزة أتجوز أنا تعبت من كتر ما ماما بتلح عليا في الموضوع ده "

دعاء برزانة " يابنتي إستهدي بالله بس وصل علي النبي "

_" عليه أفضل الصلاة والسلام "

_" بصي يا أختي أنتِ هتشوفيه وتقعدي معاه في الرؤية الشرعية وساعتها ممكن ترتاحي له ونفرح بيكِ بقي "

عنود بعبوس " وأنتِ كمان يا دعاء عايزة تخلصي مني زي ماما أخس عليكِ أخس أنا سحلانة "

دعاء بضحكة " يلا يا عصفورتي ده مش وقت زعل روحي إجهزي وماتحطيش ميكب علي وشك "

كملت بجدية " أولًا عشان حرام الزينة لغير المحارم ثانيًا عشان أنتِ حلوة من غير أي حاجة وأبقي إلبسي الفستان اللي جبتهولك الصبح "

_" حاضر يا معلمتي العزيزة بس سؤال هو إيه حكاية الفساتين اللي بتجبيهالي أنا وتالة بقى لك فترة "

_" مش صحابي يا أختاه وكمان كله سلف ودين يا حجة هههههه "

عنود بمرح " طب يلا بقى يا ملكة الإستغلال مع السلامة "

_" سلام خلي بالك علي نفسك "

_" وأنتِ كمان "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد كام ساعة

كانت عنود قاعدة في أوضتها وماتحركتش من مكانها زي ما مامتها قالت كل اللي كانت بتعمله إنها بتقرأ في كتاب الله

عنود بصوت خاشع

{ وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى  قَالَ رَبِّ لِمَ حَشَرْتَنِي أَعْمَى وَقَدْ كُنتُ بَصِيرًا  قَالَ كَذَلِكَ أَتَتْكَ آيَاتُنَا فَنَسِيتَهَا وَكَذَلِكَ الْيَوْمَ تُنسَى }