البارتات الاضافية للاطلس دمليج الاسود (نسخة الكتاب)

تكملة افتتاح البارت 16 من رواية الاطلس (الجزء المحذوف)

خزرني حيل وگام رجع يفتر ويلعب بالزنجيل الي بيده، يفرفره
ومخنزر حطيت ايدي على حلكي مفرفحة...

-فاهد: ليشششش تبچييييين

زدت بالبجي ومغطية وجهي ارجف تهت ضعت وحدي احتاجیت سند اسند لشوكت ابقى بهذا العذاب

نزيت على صوت طرق الباب بقوة اندار فاهد عليه فاتح عيونه..
-اتصلتي بأحد ؟؟؟

-لا لا ماتصلت لا

-اني اعلمج سارة بس انطيني صبر

-ما كلت لاحددد. ما گلتتت

-فاااااهد فاااااهد افتح البااااب فااااهددد

جفل وجحظ عيونه حط اصبعه السبابة على شفايفه وهمس..
-اشش لا تحجين شي ماريد صوتج يطلع فهمتي!

-أي أي

ماعرف منو هذا الي فاهد انرعب منه عدل ملابسه وحمحم يسوي روحه طبيعي ووكف
بجانب الباب بدون لا يفتحها..

-فاااهد ادري بيك هنا تفتح الباب لو اكسرها ؟؟؟

غمض عيونه وحرك براسه موافق كأن الي بره ديشوف حركاته، فتح جزء بسيط من الباب ورسم ابتسامة على وجهه..

-فاهد: شهيب ؟ شجابك هنا

-شهیب: تعال بره

-فاهد: أي بس ثواني جايك

-شهيب: هسة كلت

اسمعهم وكلبي يدك بقوة ابتعدت اختل روحي بزاوية الصالة والرطمت بالتعلاكة الي معلكين عليها جاكيتاتنا، شهكت خايفة من انفتح الباب على وسعه ودخل شهيب، صرت انتفض من شفت عيون فاهد راح تطلع من محجرها من الخزر

-شهيب: شديصير هنا؟

-فاهد: شنو يصير يعني

-شهيب: انتِ سارة صح ؟؟

هزيت راسي أي وفاهد مستمر بالخزر، نزلت راسي امسح عيوني وداخلي راح ينفجر من
الخوف..

-شهيب: شبيها ملابسها فااهد ؟؟ ليش متمزقات؟!

-فاهد: واني شكو بعد تريدني اجيب ابرة وخيط اخيط ملابس العالم

-شهيب: سارة فاهد ليش وياج هنا؟ اخوج يعرف بهذا الشي لو لا؟!

- سارة: تعرف اطلس ؟

همستها بحس خافت وعيوني وروحي تعلقت بهذا شهيب حسيته نزلي من السما وهو راح يحميني..

-فاهد: اهووو شبيك انت شجابك هنا امشي نطلع بره امشي

- شهيب: أي اعرف اخوج سارة واعرفه عدل هم امشي فاهد نطلع وحسابك...

ما خليته يكمل وعطت واني اغطي وجهي بأيد وجسمي بالايد الثانية احمي روحي..

- فاهد فااهد راد يأذيني فاااهد

اني گلت هیچ لو فاهد انگلب شیطان رجیم عيونه طلعت گدام وراد يهجم عليه وشهيب
فوراً كتفه من وره...

-فاهد: سااااقطة جذابة هااي جذاابة

-شهيب: فاهد!! كلمة ما اسمع منك فاااهد

فاهد يصارعه يريد يتملص منه وذاك شاده بقوة الي خدمني وريحني شوية شهيب ضخم ومسيطر على حركة فاهد...

فاهد اندمج والله اندمكمممم كلكم !!!

سارة: لا لا عوف اهلي عوفهممم

-اليوم اعوفج بس ما راح اعوفج العمر كله اربطج بيه !! واذا حجيتي لبشر عن حديثنا والصار انهييييج وانهيهم وانتِ تعرفيني منوو وشنوو

-شهیب: گدامي وتهدد حضرتك!!

-فاهد: شُهيب لا تلزمني شهيبب لا تمتحن صبرري هدددني

-شهيب: اهدك بس لو شفتك تقدمت خطوة وحدة خطورة بس بأتجاه البنية انهيك فاهدد
وانت تعرفني عدل!!

هده وابتعد خطوة، وكف فاهد يلقط أنفاسه ويباوعلي بحقد راح ياكلني نزل شال قفازاته من الكاع، شد على رباطه وعدل جاكيته وطلع من الكوخ وطبك الباب وراه

وكعت بالگاع انهاریت دگیت لطمت ملخت روحي تملخ وين انطي وجهي وين اضم روحي شيردون مني ذولة المخابيل المرضى النفسيين شيردون

گمزت اوگف على حيلي من سمعت صوته بعده ،بره رحت اقفل باب الكوخ بأحكام وفتحت جزء من الشباك اشوف بعدهم الثنين واكفين يتناترون ويتعاركون فاهد نار بركان وشهيب يجاوبه ببرود

-فاهد: شتريد انتَ شجابك للمغرب شجابك ؟؟؟
-شهيب: عجبني

-فاهد: شعندك هنااا شنو لاحگنه انتَ شتريد ؟؟؟

-شهيب: بكيفي ياخي شنو حضرتك تحاسبني ؟

-فاهد: شمعرفك بيه هنا ؟؟؟؟

ضحك شُهيب بخفة وسد دكمة الكوت ميل فمه وعدل مقدمة شعره بيده، دفعه فاهد من
صدره بقوة وعاط..

-فاهد: احجي ابن الشووم احجيي!!

-شهيب: ابن الكلب!!!

وصار ملاطم واحد لازم الثاني من ياخته يهد وينثني، مضارب على بوكسيات على راشديات
شهيب ولى فاهد ولية فصخه تفصخ ، واحد يسب بالثاني وواحد يحجي على ام الثاني..

-فاهد: ابن ماريا ام الزلم مسترجل ههههههه

-ابن شمسون الوصخ كبراان

-ماكو وصخ غيرررك ولك ابن الدايحة

ثبت شهيب ركباته على ظهر فاهد الواقع بالگاع و شد ایده وره، همس شي بأذنه واضح
استفز فاهد بس ماگدر يحچي گام عنه شُهيب وتمشى كم خطوة واندار مرة ثانية يباوع
بأتجاهي

وخرت بسرعة من الشباك ارعش خوف شافني اباوعلهم شافني...