تجاهلهم شجاع وخرج بعصبيه واختناق من الي يشوفه و الورقه الي بيده وخرج من المستشفى ودخل سيارته وفتح ازارير بدلته العلويه ياخذ نفس ومد انامله يبعثر شعره بعدم استوعاب من الي صار حس بلحضه ما يبي يشوف احد جلس بكل انكسار على الكرسي وانحنى ضهره ورفع كفوفه لراسه واغمض عيونه جفونه بقله حيله يشعر بثقل كبير في صدره تجتاحه لحضه رغبه بالبكاء من يزداد الالم بصدره يا ثقل كلمه الطلاق ثقيله عليه مثل جبل على صدره تضاربت كل مشاعره مع بعض من هاذا الخبر هاذي المره الاولى الي يشعر بالضعف و الانكسار ورغبه البكاء: شد على اسنانه بقهر وخوف خايف من فراقها رجفت شفته ينطق بكل كسر: مقدر مقدر على فرقاها؟ اخذ نفس وغطى بكفوفه يحاول يقوي نفسه هاذا الخبر كبير على قلبه بعد كلامه لها وكان يبغاء يعترف لها بحبه بعد ما تطلع من العمليه بس ما تركت له مجال شخص مثله تحمل مصائب الدنيا لآكن مو قادر يتحمل فقدها ولا غيابها: اخذ نفس وهوه يرجف ووده يصرخ ويطلع كل الي بقلبه كل شي يهون بس هيه ما تهون عليه وكل شي يتعوض الا هي ما تتعوض
داخل المستشفى
راكان كان مصدوم من الي يسمعه لف لعمر
ونطق: عمر وش له توصلونه للطلاق تدري انه ابغض شي عند ربي الطلاق انا ادري مو ميلان الي طلبت الطلاق؟
وقف عمر بعصبيه ونطق: وش يعني تبغونها تعيش طول حياتها معه وهوه موب معتبرها شي كم جلست في المستشفى يالله تكلم كم جلست ما يدري عن هواء دارها يعني الان عرف انه متزوج؟
تنرفز راكان ونطق: اسمع حياتهم مالك شغل فيها فهمت حيات موب حياتك لا تدخل فيها وتخرب بين زوجين هم يحلون مشاكلهم بنفسهم؟
نطق عمر: يعني اكتف ايدي واجلس اتفرج لحياتها الي تدمر؟
مسك راسه بعصبيه ونطق راكان: عمر لا تجنني يرحم والدينك انته امداك نسيت وش سويتو تركتوها ومين صار معها مو شجاع تزوجها؟
اقترب عمر من راكان ونطق: انا احترمك لانك عمي وما ابغاء ارفع صوتي عليك واختي ومالك شغل وش بنسوي فيها و الكلام انتها ميلان وقعت على الورقه باقي الاخ يوقع ويورينا عرض كتافه؟ تجاهلهم وراح مكتبه
اما اصيل كان ساكت ولا نطق بحرف واحد يسمع كلامهم بس ما حب يشاركهم النقاش الي يهمه الان ميلان و قرارها هل هي الي طلبت الطلاق او هاذا كله من تخطيط عمر
لف راكان ونطق: اصيل امسك اخوك لا اجرم فيه انا؟
وقف اصيل ونطق: اترك ميلان تخرج من العمليه وبنسالها على قرارها اذا طلبت الطلاق انا معها ومارح اتركها واذا كان هاذا قرار عمر هوه الي خطط هاتيك الساعه لنا تفاهم ثاني؟
خرج راكان يدور على شجاع راح لمواقف السيارت وناضر سياره شجاع تقدم نحوها ودق الشباك
شجاع كان ساند ضهره على الكرسي لف من شاف راكان، مد ذراعه يفك الشباك ونطق: راكان اذا جيت تكمل الباقي ترا مالي نفس اسمع كلمه وحده؟
تقدم راكان للباب الثاني الي جنب مرتبه السواق وفتح الباب وركب ولف يناضره ونطق راكان: اسمع لا توقع على الورقه؟
زفر بتعب ونطق: ومن علمك اني بوقع انا قلت وبعيدها مره ثانيه ولله لو سيوف الارض كلها تنحط برقبتي مرح اطلقها؟
نطق راكان: انا ادري ميلان مارح تطلب الطلاق من نفسها اكيد عمر قايل لها شي ومعبي راسها لانه من دخلت المستشفى لين الان هوه عندها وادري انه قايل لها شي وضغط عليها لين وقعت الورقه؟
مسك رأسه بعصبيه وعدم تفكير ما يدري وش يسوي لف نضره لراكان ونطق: عمر مارح يهجد لين اطلقها ادري اذا ما طلقت بيروح المحكمه بيخليها تخلعني ونا اعرفه مارح يسكت؟
نطق راكان: بنحلها الان سلطان بنكلمه وبنشوف يدور حل لاخوه الي مدري وش صار له في يوم وليله؟ ناضر شجاع كيف كان شكله
وكمل: تحبها؟
لف من سمع الكلمه ما يدري وش يرد ولا وش يقول بس اجاء اليوم الي معاد يقدر يسكت ويخرج كل مافي قلبه تحمله كم اسابيع
فيه ونطق هوه يناضر الشباك: اخخخخ اشوفها حلمي وشمسي وقمري والضي الي منور فؤادي الغلا ياكثره مهو شوي ولو بايدي احط اسمها بكرت ميلادي؟ لف يناضر راكان وكمل: احبها اي ولله احبها واعشقها ما كنت اعرف بيجي يوم واتعلق باحد بهاذا الكثر بس في الاخير ناضر وين وصلنا؟
ابتسم من تعبيره عن حبه لها كيف انها قدرت تغيره من شجاع القديم الي شجاع ثاني صعب احد يعرفه غيرت احاسيسه نطق راكان: دامك تحبها لهاذي الدرجه حارب ولا تستسلم من اول مشكله تواجهكم حاربو كل الناس وميلان مضغوطه هاذي الايام ما تدري وش تسوي اصبر عليها كم يوم؟
سند راسه على الدركسون بهدواء هواجيس تجيبه وتوديه
أنت تقرأ
بيني وبينك حب ما يعرف النهايات ولا يوقف عند الحدود
Randomهو عسكري من الديره معروف بعصبيته المفرطه وهيبته بالمكان يكره طاري الزواج ويهرب منه ولا يحتك بجنس حواء يطيح بحب بنت عمه المعروفه بدلعها ورقتها تزوجو بل الاجبار سبب قصه صارت لبطلتنا واطرو يتزوجون وتجننه بتصرفاتها ويحاول ما يبين حبها له يبين لها انه يك...
