جبروت الصعيد

البــارت الرابـع والعشـرون

انتهي الجميع من فطوره وتوجه كل واحدآ الي وجهه مختلفه

عند ميسا وليث

كانت ميسا تتجهز للخروج مع ليث وحرصت علي ارتداء شئ طويلا وواسع ولفت حجابها ولم تظهر ولا خصله واحده منه ولم تضع نقطه مكياج واحده انتهت من تجهيز نفسها وتوجهت نحو ليث النائم: حبيبي

ليث: همم

ميسا: انا خلصت زي ما قولتلي

ليث: طيب هاخد شاور واللبس شوفي هتعملي اي لزين عشان لو عيط

ميسا: جهزتله ببرونه لبن صناعي

نظر لها ليث بهدوء: قولت اي انا

ميسا: اي يا حبيبي

ليث: مش عايز لبن صناعي يدخل جسمه ابدا رضعي طبيعي

ميسا: يا حبيبي ما انا برضعه طبيعي علي طول وانت عارف بس عشان خارجه ومش هعرف ارضعه في اي مكان عشان كده مضطره اعمل لبن صناعي

ليث: ماشي يا ميسا بس متعودهوش علي كده

ميسا: حاضر يا قلبي

ابتسم ليث: قلبك مره واحده

ميسا بخجل: ايوه قلبي وجوزي وحبيبي وكل ما ليا في الدنيا دي

ضحك ليث علي خجلها وقبل خدها: ربنا يخليكي ليا يا قلب البابا انتي

خجلت ميسا بشده وابتعدت لتحمل زين وهيا خجوله

قهقه ليث علي شكلها: يخربيتك في اي لدا كله انتي بقيتي طمطمايه

دمعت عيني ميسا: بس بقي

ظل يضحك عليها وعلي دموعها التي نزلت من كثرة الخجل ودخل ليأخذ حمام دافئ ليستعد ليوما لا يعلم ما الذي سيحدث به هل س يمر اليوم علي خير وبهدوء ام لا

(تفتكرو اليوم هيعدي علي خير يا فانزاتي🌚؟😂)

بعد وقت خرج ليث وارتدي ملابسه من ثم اخذ ميسا ونزل للأسفل

تقابلا مع صفيه في الصاله

صفيه بسعاده: اي ده اي ده رايحين فين

ليث: هنروح نغير جو كده

صفيه بإبتسامه سعيده: يااه اخيرا هتفك عنها دي قربت متشوفش الشمس

ضحكت ميسا: لا ما هو افرج عليا خلاص وقرر يخرجني

صفيه: ربنا معاكو خدو بالكم من نفسكم وخدي بالك من زين يا ميسا

ميسا بطاعه: حاضر يا ماما متخافيش

ليث: طب يلا ولا اي

صفيه: روح انت قدامها جهز عربيتك عبال ما اقولها حاجه كده

اومأ ليث وخرج بينما وقفت ميسا تتابع صفيه

صفيه بتحذير: ميسا خلي بالك من نفسك ومن زين ومتعمليش حاجه تنكدي بيها علي نفسك وخدي بالك من لبسك خليكي جمب جوزك وطرحتك كل شويه تسحبيها وزين اكيد اخداله لبن في الببرونه