السلام عليكم ورحمه الله وبركاته
انا حاسه اني مليش عين اتكلم سيكه بصراحه يا جماعه انا كنت مشغوله جدا جدا جدا
عارفه إني اتأخرة بس مش بايدي وهحاول علي قد ما اقدر اني انزلكم بارتين في الاسبوع
واتمني منكم كلكم تدعموني ب الكومنت والفلو الجميل عشان نوصل الف فلور بسرعه ومتنسوش النجمه الحلوه الي بتعرفي إذا كان البارت حلو ولا لا
واحب اشكر كل الي بعتولي على الفيس بوك و اهو انا وافيت ب وعدي ونزلت بارت
الفصل الخامس....
اسد : انا اتجوزت وجوزتك بدر العزايزه يا زجل .
شعرت زجل بصدمه كبيره تحتلها لا تعلم ولا تعي ما يقول اخيها هل يمزح اسد الصعيدي تزوج وايضا زوج شقيقته التي لم يسمح لاحد التحدث معاها او للاقتراب منها..
زجل بتوتر : اسد انت بتهزر صح انت مجوزتنيش.
اسد بتنهيده طويله اقترب منها وامسك يدها بحنيه وقال بحنان ابوي فا هو يعتبرها ابنته ليست شقيقته
اسد : انتي واثجه فيا صوح واثجه اني ماهعملش حاجه تأذيكي .
زجل : ايوه انت مش اخويا بس انت اخويا وامي وابويا انت عيلتي كلها في نفس الوقت يا اسد مفيش حد في العالم اغلي منك عندي .
اسد : كويس جوي انا لما جوزتك من غير ما تعرفي مكنش عشان اني خايف انك ترفضي لع ده لان الحج هشام العزايزه حطني في حيطه سد مكنش ينفع ارفض اتجوز بنت ابنه وكان الشرط الي حطه هو اني اجوزك لبدر حفيده عشان الثار الي بين عيله العزايزه والصعيدي يوجف .
زجل بدهشه : ازاي جوزك حفيدته وهو ممنوع بنات العزايزه تتجوز من عيليتنا .
اسد بحيره : ده اللي مش فاهمه ليه هشام العزايزه عمل اكده وهو عارف ان ممنوع بنات عيلته يتجوزو من عيليتنا
هتجنن حاسس انه حطني في جفص معرفيش اخرج منيه واصل .
زجل : وطبعا انا جزء من الصلح ده.
امسك اسد يداها وضغط عليها وقال بحنان
اسد : ايوه يا زجل بس لو مش عاوزه الجواز دا يا حبيبتي مش هجبرك وهرجع في كلامي وهطلجك منيه ومش مهم حتي لو صغرت جدام الناس المهم عيندي هو انتي لانك اغلي من اي حاجه .
زجل بهدوء : هوافق يا اسد لكن عندي شرط واحد من غيرو مش هوافق
اسد بستغراب : وإيه هو الشرط ده .
زجل وهي تسحب يداها وتعتدل وتتحدث بكل قوه وجراءة لاول مره تحدث اخيها الكبير هكذا
زجل : انا هوافق يا اسد لكن لو فكرت تاذي حد او ترجع لموضوع التار محدش هيقفلك غيري وسعتها
مش هكون اختك اللي بتحبك سعتها هكون ست متجوزه إنا هتجوزه وهعتبره جوزي وحياتي هبدا معاه حياتي من جديد انا عارفه اني اكيد هتعب في الاول لكن بعدين هنستقر وهبقي ام ومش هسمح لحد ياذي عيلتي حتي لو اخويا ومش هسمحلك تكون جوزتني كده علشان توقف دم وانت مش هتوقفه علشان كده عاوزه وعد ان انت مش هتفكر في التار تاني ومش هتيجي جنب اي حد من عيله العزايزه ابدا .
شعر اسد وكانه للمره الثانيه اليوم يقف في مكان مغلق ليس له باب لا يستطع الخروج منه نعم تزوج ولكن الثار له وقت جتي لو تاخر قليلا
اسد بغموض : أوعدك .
زجل برفعت حاجب : تمام وانا موافقه وصدقني لو خلفت ب وعدك مش هكون اختك اللي ربيتها هتكون اللي قدامك وقتها حرم بدر العزايزه يا اسد .
اسد بضحكه ساخره : ها ماشي يااا حرم بدر العزايزه .
زجل : ماشي الا صحيح مراتك مين واسمها ايه .
اسد وهو يحاول ان يتذكر اسمها
اسد : معرفيش عشق باينه اكده او عائشه مخبرش .
زجل : ههههههههههه ايه ده يالهوي مش عارف ابسط حاجه اسم مراتك .
اسد : بجولك ايه فكك منها دلوجتي انا عاوزك تجهيزي نفسيك الفرح كمان اربع ايام .
زجل بصدمه : نعم بسرعه اوي كده ليه.
اسد : هو اكده هتروحي تجيبي كل اللي ناقصك بكره صوح .
زجل : ايوه بكره هنزل قنا اجيب اللي ناقصني انت وترتني اصلا بكلامك .
اسد وهو يهمس لنفسه : والله ما حد متوتر غيري في ام اليوم الي ملوش ملامح ده .
في اليوم التالي كانت زجل في طريقها الي قنا
وصلت زجل الي احدي الاماكن الخاصة للملابس لشراء ما ينقصها .
كانت تخرج من احدي المحلات ولم تكن منتبها حين اصطدمت باحدهم
زجل باسف : سوري بجد انا اسفه مخدتش بالي .
التفت اليها ونظر لها بغضب ناري
هو : كنت ناجصك اني انهارده .
زجل بعصبيه من هذا الشاب المتعجرف
زجل : هو ايه يا اخ انت انا اعتذرت براحه .
هو : الله اما اطولك يا روح امشي يا انسه من اهنيه دلوجتي الله يرضي عنيكي عشان اني متيجش نفسي وممكن اهب فيكي زي العاصفه .
زجل : علي فكره المفروض لما حد يعتذرلك من باب الزوق والادب انك ترد بادب واحترام مش بالاسلوب كده .
هو وهو يقترب منها وينظر لها بقوه اخافتها
هو : وانتي بجه هتعلميني الادب و كيف اتحدتت مع الناس .
زجل بقوه : مظنش لان معتقدش انو هيجيب نتيجه معاك وياريت تبعد عن طريقي لان واضح انك متعرفش حاجه عن الادب والزوق والاحترام .
هو بغضب وهو يفسح لها الطريق
هو : احمدي ربك انك ست والا كنت دفنتك مطرحك وصدجيني لو لينا نصيب نتجابل تاني في يوم من الايام هعلمك كيف تتحدتتي مع الرجاله مليح يا جطه.
زجل و هيا تبتعد وحين رات الحرس يقترب سرعت خطواتها وقالت بسخريه و بصوت مسموع له هو فقطط
زجل : ها قصدك اشباه الرجال .
وجرت مسرعه بعيدا عنه
هو : جبر يلمك يومك اسود من سواد الليل لو شفتك تاني هعلمك كيف تتكلمي معاي زين.
....................
على الجانب الاخر كانت تجلس عشق في حضن والدها تبكي والحزن يكاد يكسي واجهها ترفض الاكل ولا تسمح لاحد بالدخول
فقط ولدها حتي علم الجد وصعد لها .
طرق الباب .
فا نهض والدها حتي يفتح الباب فارس .
والدها وافسح له الطريق ب احترام
دخل الجد وجلس الي جانبها علي التخت
الجد وهو ينظر الي ولده : استناني تحت عجبال ما اتحدتت مع عشق .
هز فارس راسه ونظر الي ابنته بحزن ثم خرج
فتح الجد يديه
الجد : تعالي يا جلب جدك
اقتربت منه عشق واحتضنته وبكت بقوه وانهيار .
عشق ببكاء : انا تعبانه اوي يا جدو حاسه كل حاجه راحت حاسه روحي اتكسرت بعدت عن حياتي كلها واتجوزت واحد مبحبوش وبابا الي جوزهوني ب ايده .
الجد : ابوكي عمل الصح يا عشق انتي لو مكنتيش اتجوزتي اسد كانت البلد كلتها هتسمع خبر موت عيله العزايزه كلتها انا لما اقترحت الاقتراح ده كان عشان مصلحتك ومصلحت العيله كلتها وبعدين اني ما عطتكيش ل اي حد انا عطيتك ل راجل بحج وحجيجي هيعرف يصونك مليح ويحميكي من كل شر يا عشق فهماني .
عشق وهيا تبتعد عن جدها وتمسح دموعها التي لا تجف منذ زواجها منه .
عشق بهدوء : فهماك يا جدو وانا هعمل كل الي حضرتك عايزو طلمه دا ل مصلحت العيله.
ابتسم الجد وطبطب عليها وقال : انا عايزك جويه يا عشق حفيده هشام العزايزه ب ميت راجل عاوز الكل يجول بنات العزايزه احسن بنات في البلد.
عشق بابتسامة هاديه : حاضر يا جدو....
.........................
علي الجانب الاخر في منزل كمال الجبالي احدي كبار عائلات البلد
رجل في الستين تقريبا قاسي شرير يكره الثلاث عائلات العزايزه والصعيدي وابو العز يريد ان يستمر الدم بينهم ف الله يعلم انه هو سبب كل ما حدث
كمال وهو ياخد نفس من السجاره التي بيده..
كمال : يعني هينتهي بالنسب التار هينتهي بينهم بالنسب.
احدي رجاله : ايوه يا بيه دا الي سمعته.
كمال بابتسامه خبيثه : ههه خليهم يفرحوا ليهم حبه اكده لكن مبجاش اني كمال الجبالي ان ما خليت بينهم بحور دم زي زمان والزمن بينا طويل طويل جوي جوي......
YOU ARE READING
فرنسية في الصعيد 🌹
Romanceروايه صعيدي هينزل منها فصلين كل اسبوع أبطالها اسد و عشق بقلم/ 𝓙𝓾𝓭𝔂 𝓨𝓪𝓼𝓼𝓮𝓻 ✨🌷
