وقار الغريب

خِتَامُهُ مِسْكٌ

.
﷽

وقَار_الغريب
. حوراء السعيدي

التصويت قبل القراءة+ رأيكم بين الفقرات
+ مُتابعة لـ حسابي hawraalsaidi

قناة التلگرام 📌 Harahir

حسابي الانستا 📌
Instagram: hawraalsaidi

<___________________________>

" قصة أماني وقصي ألغت نهائيًا من الواتباد ❌ "

. وَهج .

جهزنه نفسنا علمود نرجع للبيت ماكو شهر عسل وهالسوالف
لأن أبني ما اگدر أتركه عنده دوام ، وصفا حامل مو مال تنشغل بي
وهيَّ أساسًا صحتها مو زينة بسبب الحمل أخذت جنطتي
لزمت أيده طلعنه من الفندق ، إلي بالبيت منتظرينه
صعدت بسيارة عميد الدين و هو يحجي ويا ابو الفندق دقائق ورجع .

عميد الدين : جبتي كل غراضج ما ناسية شي
وَهج : أي .
صعد وأنطلقنا البيت جدي ، باوعت الأيدي والأيده
للحلقات إلي لابسينهن أني وياه ، أبتسمت براحة
بقيت ماسكة أيده حد ما وصلنه للبيت نزلنه أتلگونه
وذبحوا جوا رجلينا ، عميد الدين ضم وجهي بصدره
علمود ما أشوف المنظر من يذبحون ولا الدم .

دخلنا للداخل اتلگتنه باجي سلمى و جدة زهرة وعمه نجاة
بالهلاهل والجكليت وهوسات سلمنا عليهم والكل يتبارك ويدعيلنا بالسعادة
البنات نفس الحالة يحضنن بيَّ فرحانات الفرحتي
اسراء موجودة هم ، گعدنه بس عميد الدين طلع يم الزلم إلي جايين .

رونق : عيني عيني شوف الوجوه موردة من الصبح
اسراء : طبعاً غير البارحة عرسهم .
باوعتلهن بطرف عيني وهن يتغامزن عرفت شقصدهن الادبسززيات .
طلعوا الغده لأن عندهم ناس اصدقاء عميد ومعارف جدي
بس نسوان ماكو بس أحنا ، عمتي ناهدة ما وصلت العرسنه
أتعذرت گالت جنتها علىٰ أبواب ولادة ما تگدر بس هو الحقيقة
هي ما تحبني لا اني ولا اخواتي فـ ما أتريد تجي عرفناها براحتها .

أجه سَند جابوه الي ضميته الحضني للعصر گاعدين أنسولف
لكل موجودين لأن الناس خفت و الولد دخلوا يمنا گعدوا
ويتحارشون بجدتهم دخل وارث بس مو مثل عادته عيونه بگصته
عميد الدين بقى يباوعله هو وجدي وريم لازمه بنتها واگفة بقت تباوعله بأستغراب .
عزام : شبيك وارث..؟! .