البارت 30

7.9K 823 421
                                    

#طشت خرز

كنوز القحطاني

فاطمه

مَن وَعيت وانه ضايعَ
مَاكو عِنـوان اعتِنيـله
ولاكو واحد دَكلي صَـدره
وكلي ذب حَملك واشيله
بَيه حــزن الناس كِلهـه
وعَيني بالدَمعِه بخيلـه
وهَمي ما سَولفته لأحـد
خاف يحسبني اشتكيله

***************************'' '

فاطمه

_ ضاري مو هيج هدها

سمعت صوت واحد يحاول يخلصني من بين أدين ضاري من ورى شعري و دموعي كلشي ماشوف چلبت برجله اتوسل

فاطمه :- دخيله اني عندك لاتعوفني

جرني ضاري حيل من شعري يسحبني عليه لزم ايده الثاني يفگ شعري من ايده يحچي ما راضي ع تصرفه

_ عوفها ضاري الناس تعاين شبيك تخبلت

ضاري :- و خر حيدره ما سويلها شي بس اخوفها

حيدره :- من كل عقلك تحچي حاطلك سچينه ع رگبتها وا..

بعده دا يحچي حط ضاري چفه بصدره ودفعه حيل و صاح بغضب

ضاري :- مو انت تعلمني شلون اتصرف حيدره بيك خير چا چبت حگ اخوك و چتلته قبل لا يدخل المصح

نهى كلامه سحلني من راسي جلبت برجلين الثاني اتوسل بيّ

فاطمه :- عليك الله ساعدني لا تعوفيني راح يگتلوني عليك الله

ما هتم وگف جماد حاله حال الاصنام الواگفه تتفرج و ضاري سحلني دخلني لحضيرة الهوايش جر أيدي ربطها بحبل و شدها بحديده مثبته بالگاع واني اتوسل ابشر گلبه من صخر

فاطمه :- بروح اخوك عوفني والله ماعليَّ شنو ذنبي اني

ضاري :- ذنبج العار اخوج و چتال اخوي ابنه انهزموا و عافوج حسبة الفصليه

جلبت برجله قبل لا يطلع اختنگت بالبچي اشهگ و دموعي تصب

فاطمه :- بس اشوف امي عليك الله گلي زينه مو گلبي فرفح عليها بس اطمن ع...

سكتني كاض فكي ضاغط عليه بقبضة ايده حيل حسيت بطعم الدم بحلگي و زمخ بيّ

ضاري :- و روح اخوي اذا سمعت حسج بعد اجنزج اخليج تتمنين الموت بين اديّ فهمتي يو لا

نهى كلامه دفع وجهي بكل قوه وگعني ليورا نضرب راسي بالحايط شاغت روحي طلع و اني ضليت وحدي وجر گلبي ع امي اريد خبر عنها ماكو بللت شفايفي بلساني بعطش
يبس ريگي و مانطوني شربة مي جسمي يرجف مثل سعفه يابسه من البرد حشرت روحي بالزاويه من انتبه عليّ الثور مركز نظره و يبحث برجله الخلفيه بالتراب
صرخت
برعب من اجه يركض عليّ دفرني اريد افل اديَّ شادهن بعگده ماتنفتح رجع يضرب بيّ روحي طلعت من اجت الضربه بضلعي بعد ماگدر اتحرك

طشة خرز حيث تعيش القصص. اكتشف الآن