نجمة سهيل

༘29✶ ⋆｡

﴿ وَأَنْ لَيْسَ لِلإِنسَانِ إِلَّا مَا سَعَى ﴾
﴿ وَلَسَوْفَ يُعْطِيكَ رَبُّكَ فَتَرْضَى ﴾

⊱──────────⊰
نجمة سهيل
بقلم الكاتبه
نجد الدليم
⊱──────────⊰
عِندي الك شوگ وَ مَحبه وَ ذكريات
كُلشي عِندي وَ أنتَ ماعِندك عِلم

نجمة _مرت أيام يمان مارجع سهيل وفهد يطلعون يرجعون وقت الظهر مرات لليل ضي صرت ما اختلط بيها من تتصدد عني تواصلت ويه هواي عيادات كدرت احصل لي شغل لكن الا اروح مقابله استفسر أكثر كعدت اتريك ويه امي وخالتي

دلال _ يمه كعدي البنات

شهد _خليهن ما نامن للصبح

نجمة _ ضي كاعده ناديها ما تعشت

ضي _ لازم اخلي الها حدود ما تدخل تريد تتقرب من بابا عن طريقي هفف شوكت اطلع من هينا

نجمة _كمت اخذ ملابسي لكيته كاعده واضح عليها ضايجه واحس بيها لان عاشت نفس شعوري ايام ما كنت اريد افضفض اريد احد يكلي شبيج اني وياج شخص يسندني..ضي

ضي _ خير

نجمة _ روحي تريكي ولا تفكرين بشي كلشي ينحل

ضي _ ينحل اذا غيرتي تفكيرج وتخلينا بحالنا

نجمة _ ما رديت كملت عفتها وطلعت اتصلت على فهد
وين صرت

فهد_ جيت بس انزل العمال

نجمة _ باوعت سيارته يم المعمل من ضمنهم نزل سهيل

ضي _ سحبت جهاز قمر دخلت لحسابي لكيت ماما دازه رساله

_حبيبتي ضي ادري زعلانه على الي صار واني من القهر سويت هيج اجيت اخذج وياي نرجع حته اامن عليج لا تصدكين احد يحبج بكدي حته ابوج يجي يوم ويعوفج خسر كلشي البيت الوظيفه مكانته بين الناس لان حاول تحرش بالمراجعه اني شردت منه لان هو خاين وعنده علاقات هواي ويطلع ويه بنات
رجعت حته اخذج تكملين بالخارج ابوج حته فلس ماعنده شلون رح يعيشج بعز ودلال
اريد التقي بيج اشوفج كلشي

ضي _ عيوني تفتر على كل كلمة اقراها مرتين مستحيل اصدك
هو معاد يداوم تذكرت كلامه ويه نجمة من انقفل الباب اديه ترجف كتبت الها تجي قريب من المزرعه سمعت صوت عمه قفلت جهاز حته ابين نايمه

نجمة _وصل فهد صعدت ريحة سيارة كلها عطر وجكاير

فهد _وين اوصلج