🦋 إسكريبتات شروق حسام 🦋

الجزء الثالث 🦋

بقلم شروق حسام 🦋

_" اعععع فيه إيه يا كلبة البحر بتزعقي لي ليه أنا مخصماكِ إبقى شوفي مين اللي هيروح معاكِ بقى "

عنود بغضب " تالة هي مش نقصاكِ هو مش دعاء وفهد قرفوني من أول مرة شوفتهم فيها هتيجي أنتِ وتكملي عليا "

تالة بضحكة " يابنتي سيبك منهم عالم كرينج كبري دماغك أنتِ أعقل من كده حصل لك إيه بس "

عنود بهدوء وتفكير " إممم معاكِ حق يا توتي عالم مستفزة "

أكملت بضيق وغيظ " لا مش هقدر أنا متضايقة جامد عالم...عالم.....عالم بااااردة اااه قال إيه إبعدي شوية يا آنسه كده حرام نينينيني اللي هو إزاي يعني إزاي "

تالة بضحكة مكتومة " عنودي أنتِ مش ملاحظة إنك إتكلمتي كتير عنهم "

_" ما أنتِ عارفة اللي فيها يا حجة إنِ لما بحب حد أوي أو بتضايق من حد بتكلم عنه كتير "

تالة بضحك وسخرية " علي كده بقي أنتَ بتحبيهم "

عنود بعصبية " اعععع تااالة هموووتك "

تالة جريت من قدامها وعنود فضلت تجري وراها لحد ما خرجوا بره الكلية

مسكت عنود تالة من دراعها وعضتها جامد فيه

_" اااااه إبعدي يا بت ااااه إلحقوني إبعدي عني هو أنا مصاحبة كلبة بلدي ااااه "

عنود بعدت عنها وقالت بصدمة مصطنعة " إيه ده يا تالة أنتِ كويسة دراعك وجعك لو مش وجعك قولي لي أكمل عليه وعلي أخوه "

تالة بخوف " لأ لأ هو واجعني إبعدي عني خلاص آسفين يا ريسة يلا نروح "

عنود بغرور " أيوه كده ناس مابتجيش غير بالعين الحمرا "

أكملت بمرح " يلا بقي نروح عشان جووووعانة "

تالة بغيظ وهمس " أنتِ أصلًا طول الوقت جعانة "

عنود وهي بتبص لها وبتضيق عيونها " قولتي حاجة يا تالة "

تالة بنفي " لا بقول يلا نروح عشان جوووعانة أنا كمان "

_" ماشي هعمل نفسي مصدقة يلا قدامي "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد ساعة
علي سفرة الأكل في بيت عنود

_" شكلك كده يا سما داعية عليا النهاردة قبل ما أنزل مش كده "

سما بدهشة " بعد الشر ليه حصل إيه "

_" النهاردة قابلت إتنين ماقولكيش علي ذوقك أوي والإتنين متدينين أكتر من بعض "

_" كملي وبعدين حصل إيه "

عنود وهي بتاكل بشراهه " ولا قبلين مفيش حرقوا أعصابي بس دعاء والدكتور الشيخ فهد الفهود حاسة إنِ سمعت عنه قبل كده بس فين ماعرفش "

سما بإستفهام " دكتور وشيخ ده قد أبوكِ يا بنتي كنتِ نفضتي له وخلاص "

_" ما أنا كنت بحسب زيك كده طلع شاب في التلاتينات واللي عرفته عنه من تالة إن باباه كان في أزهر وكان شيخ ومتدين أوي بس فهد ماحبش يدخل أزهر ودخل حكومي بس بقى شيخ بردوه "

سما بصدمة بتحاول تداريها " وتالة عرفت منين كل ده "

_" هههه الكلية عندنا بتعرفي فيها كل حاجة البنات هناك معجبين بيه أوي فعرفوا كل حاجة عنه فدقايق "

أكملت بشك "بس أنا حاسة إن في حاجة غلط إيه هي ماعرفش بقى "

سما بتتويه للموضوع " كملي أكلك يا حبيبتي وماتشغليش دماغك "

_" مش شاغلة بالي بس دمي محروق المهم يلا بقي يا سمسمة روحي فرغي لنا طبقين بسبوسة يروقوا عليا وعليكِ يا مامتي الحلوة أنتِ "

_" ماشي يا حبيبتي من عينيا "

عنود بمشاكسة وغمزة " تسلم عيونك يا جميل "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

عدي شهرين

بس في الشهرين دول دعاء ماسبتش عنود في حالها وكانت بتحاول تصاحبها بكل الطرق بس عنود مش قابلة الفكرة

والنهارد  كان آخر يوم في إمتحانات نص السنة

_" أوف بقى يابنتي بطلي كل شوية تيجي ورايا أنا زهقت بقى إرحميني "

دعاء بدموع لأنها أحرجتها قدام كل الكلية " أنا أنا آسفه "

عنود بندم وهي بتحضنها " أنا اللي آسفه حقك عليا أنا اللي بقولك أهو أنتِ من النهاردة صاحبتي الأنتيم زي تالة "

دعاء وهي بتبص لها بدموع " أنتِ بتقولي كده عشان شايفاني بعيط مش كده "

عنود بمرح " أنا يابنتي تقولي عليا كده أخس عليكِ أخس أنا سحلانة وبما إن النهاردة آخر يوم إمتحانات ف الغداء بتاعي أنا وتالة وأنتِ علي حسابك "

تالة بضحكة " أقول إيه بس مفجوعة هانم أهم حاجة عندك الأكل "

_" طبعًا يا بنتي الأكل أهم حد يقول للسي فوود ولا للبيتزا لا ده يبقي أهبل "

دعاء بإبتسامة " خلاص يبقي هستأذن من أخويا ونخرج نتغدا بره "

عنود بمرح " يلاااا إتصلي بيه بسرعة بسرعة بسرعة أنا جوووعانة خالث مالث ده أنا هدفعك اللي وراكِ واللي قدامك هههه "

_" أختي مش محتاجة تتصل بيا لأنِ دايمًا معاها "

#شيخ_في_محراب_قلبي
#شروق_حسام