رواية ( أحمد )
رواية ليبية
للكاتبة lil_sara_lil
.
.
.
.
______________♡♡♡♡♡_______________
.
.
.
.
فوزية: والله ماعرفت ليش جي الولد هذا هكي من بين خوته
مريم: ياعمتي متغششيش روحك إحمد ربي ان الحاج ميلاد مشكاش عليه
هناء (ام انس): تهمس بشوية .. ياريته شكي عليه وريحنا منه
حنان: سمعتها .. اصص تو تسمعك عمتي
جت رقيه بصفرة القهوة
رقية (مراة عبدالرحمن): الحمدلله جت خفيفة ومتنسيش ياعمتي سلفي حمزة صغير وطايش
فوزية: صغير مزال ناقصه كُبر؟
هناء: تنهدت .. امالا وين البنات
حنان: في الحوش
رقية: مش على الأساس عند حوش عمهن علي
حنان: خدت فنجال القهوة .. لا احمد روح بيهن
مريم: العفو خيرهن
حنان: انتي عارفة اني هنا من بيدير العشي لخوهن
فوزية: ربي يسامحك وحوش جداهن شن يدير
حنان: هذا يلي صار ياعمتي والله لو الود ودي جبتهن معاي
_____عند احمد_____
يسوق في السيارة ويتنفس بصوت عالي
احمد: في خاطره .. هو يعلم ان البنات بيجن لحوشهم وهذا ليش قعد فيه الحيوان .. مسح على وجهه .. استغفر الله، بالك مش قاصد، ااخ
وقف قدام دكان صغير نزل وخدي مشروب طاقة وقعمز قدام المحل، طلع تلفونه واتصل با طه
طه: هاا شن في متصل بيا
احمد: تنهد
طه: خيرك شن في خلعتني
حكاله احمد القصة كلها
طه: تخيرك ياولد واضح انه مش قاصد بالله عليك انت تعرفه كويس معنداش الحركات النذلة هذي من الاول
احمد: مش قادر ننسى فتح عليا باب قديم
طه: انسى ياوخيي انسى يلي صار زمان مش انت السبب فيه
احمد: خايف
طه: ليش خايف
احمد: يصير زي يلي صار زمان
طه: تعود من الشيطان ياولد خيرك، راهو صوابع ايديك مش زي بعضها لو كان انس نذل ناجي مش زيه
احمد: وشن يضمنلي انه مش زيه
طه: حرام عليك تظن فيه ظن السوء، واضح انها صدفة خيرك انت
احمد: تنهد بقهر .. كلهن صدف هنا
طه: احمد خيرك انت هدي روحك مش حيصير شي صدقني
احمد: تنهد براحة .. تصدق اني تريحت بعد كلمتك
طه: ايه أرخي روحك ومتفكرش في الموضوع واجد
صكر احمد التلفون ومشي لسيارته وولى للحوش
______عند ناجي______
كان امقعمز في داره ويرسم على اللوحة كان امركز على التفاصيل بشكل دقيق، كان يرسم في ملامح نور كانت ساكنة في دماغه، فقرر يرسم ملامحها بيش مينساهاش
ناجي: وهو يرسم .. اي وحدة من بنات عمي تكوني؟، اه قوليلي
كان يرسم والبسمة مش امفارقة وجهه ويتذكر في شكلها كيف كانت مصدومة ويضحك
عند البنات
تسنيم: جايبة صفرة عشي خفيف .. هيا تفضلن لازم اناديكن يعني؟
انسام: امالا شنو حسن الضيافة هذا
خولة: خوك رفعتيله؟
تسنيم: لا والله انسيته بكل
انسام: اتجي زي انفال يلي روحت بيش متخليش خوها جيعان
تسنيم: ننن .. وناضت
خولة: وين ماشية
تسنيم: بنسأله جيعان ولا لا
انسام: يلي بيدير خير ميسألش
تسنيم: درراه .. ومشت بيش تسأله ولما وصل عند الباب سمعاته يتكلم
