الموت ليس شكل واحد بل له عدة اشكال ومنها موت بفقدان جزء من روحك...
اسف على التأخير عمري هذا اجمل بارت لا تنسون المتابعة والتصويت ويا تعليقاتكم الحلوة بين الفقرات ❤️
*********************************
الفصل السادس والثلاثون...
بقلمي : زينب أنمار ✨
درة........
انفتح الباب وهو انجر من يمي اريد اتنفس مااكدر من الخوف والرهبة جان راح يكتلني بل مقابل الولد الي سمعت اسمه نوح وهمام ويا لزموا مايخلونه يجي يمي
رجع صاح : شنو اخذتي هسه
عقلي فرغ من التفكير وماجاوبته رجع يدفعهم يريد يوصلني صاح نوح : ولج شسويتي
صحت ابجي : والله مادري فتح الباب وبده يصيح عليه مادري
شفع : تجذبين بكل عين صلفة تجذبين اني الج هذا اذا ما خليت راسج تركعي بل كاع مايطلع اسمي طوفان تاخذين هاي الشغلات من وراي
: شسويت ليش تكلي هيجي والله مامسويه شي
هز راسه متحلف الي واجه همام يمي : شسويتي ماخذه شي
هزيت راسي بقوه بس هو راح فتح جنطي وكل شغلاتي واحد واحد فتشهم مالكه شي رجع كال لشفع : شصاير
ضحك وكال لهمام : متعاطية ماتشوف شكلها شكيت بل سالفة بس شكي طلع بمحله
اندالي همام مصدوم واني اصلا مدا افهم السالفة اجه لزمني من ايدي يصيح : ماخذه شي احجي لا تخبليني
بجيت اجر ايدي منه واصيح : لا لا ماماخذه شي منه
راد شفع يلزمني بس قيده نوح من ايده صاح بيه : لا تجذبين تعلميني بهذا الشي بس كيلي من يمته
وكفت اباوع علي وهو ارتخى حسيت كل جسمه يرجف كال بهدوء : من يمته احجي
: من وكت قريب
همام : يعني صدك حجيه
باوعت علي ورجعت نظري للكاع اهز راسي بايجاب : قبل فترة جان يضربني مادري السبب شنو بس ضل ايام يجي يضربني بشكل مااكدر ارفع راسي وراها ورا اسبوعين من هاي الحالة وصلت بيه الحالة اتوسل بي يوكف وهو ماعارض بس انطاني حبوب وكال تاخذين هذا اول شي مااخذت لان خفت منه بس بعد نص شهر من اجه يمي عرف مجنت اخذ
رفعت راسي اباوع بوجه ابوي واكول : ورجع اسوء من قبل من الضرب حتى مرتين كسرلي راسي وجبرني اخذهن مع ذالك تركته مره ثانية لحد مااكتشف اذبهن بل تواليت وصار يخليني اشرب كدامه قبل أسبوعين لحد مااجيت اخذتني
وكف وجهه اصفر وايده ترجف من شفت حالته نزلت دموعي حجه وياي : جيبيهن
التفت ومديت ايدي جوه ميز التواليت سحبتهن وتقدمت انطيته اول ماشافهن وكع من طوله شالوا نوح وهمام وخلوا على الجربايه
أنت تقرأ
ذراري الهجرس
ChickLitعرفنا بمكرنا وحيلنا قيل عنا الغدر والخذلان لكن ما الهجراس التي ولدت فينا الا نتيجة وقع الزمان علينا وازهاق البشر لاروحنا في ازقة المعتقدات والظلامات ابنتي كوني قويه كوني هجرسية فخوف الناس منكي افضل من استعبادهم لك
