🦋 إسكريبتات شروق حسام 🦋

إسكريبت 🦋 شيخ في محراب قلبي 🦋

إسكريبت 🦋 بقلم شروق حسام 🦋

_" مستحيل أتجوزه مستحيل "

_" لا هتتجوزيه يا عنود ده أنا طول عمري كنت بتمني إنه يتقدم لك وياخد بإيدك للجنة "

_" وأنا قولت لا يا ماما أنا أتجوز شيخ ويفضل يتحكم فيا أنتِ راحة فين إلبسي ده ماتلبسيش ده إلبسي نقاب سيبي تعليمك وبعدين لو إشتغلت يقول لي سيبي شغلك لااااا مستحيل "

_" يابنتي عشان خاطري وافقي "

_" خاطرك غالي عليا أوي يا ماما بس لا بردوه مش هدمر حياتي وأتجوز شيخ هو مش من توبي ولا أنا من توبه يروح يشوف واحدة غيري تكون زي ما هو عايزها أما أنا مش بفكر أتجوز أصلًا دلوقتي وهفضل قاعدة علي قلبك للأبد يا سمسمة "

_" سيبك منها يا ماما أنا أتجوزه دي بت فقر "

عنود بعصبية وهي بتمسك أختها اللي عندها 10 سنين من ودانها " بقى أنا يتقال لي بت من حتة عيلة مفعوصة ده أنتِ واقعتك مهببة يا مريم الكلب بس مش دلوقتي بعدين مش فاضية دلوقتي يلا روحي علي أوضتك يا عفريتة "

مريم وهي بتجري ناحية أوضتها وبتتكلم بصوت عالي " يوووه أنا مش عفريتة أهو أنتِ يا بت يا عود القصب "

_" مش هرد عليكِ عشان أنتِ محتاجة إعادة ضبط مصنع "

_" نفسي أفهم هي طالعة كده لمين "

سما برفعة حاجب " مش عارفة لمين "

عنود ببراءة مصطنعة " لا "

_" مش هتوافقي علي العريس بقى"

_" تاااني يا ماما مش كنا قفلنا علي السيرة دي "

_" تاني وتالت ورابع وعاشر لحد ما توافقي "

_" هو يوم باين من أوله أنا نازلة الكلية مع السلامة يا ست الكل خلي بالك علي نفسك "

_" وأنتِ كمان"

سما بإبتسامة واسعة بعد ما عنود مشيت " لا بقى ما هو أنتِ هتتجوزيه يعني هتتجوزيه مش هلاقي أحسن منه ليكِ وربنا يجعله من نصيبك إن شاء الله "

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

_" كركر علي كركر في كركر !!! بس أوعي تكركر لي إبتسامة أتمناها لم أجدها بين الغمزات أرهقني الآلم والخروج من هذا الآلم مستحيل "

_" الله عاش يا فنانة "

عنود بتكبر مصطنع " تشكرات تشكرات عارفة إن أي حاجة بقولها بتبقي روعة "

أكملت بهيام " بس هو فين بس أنا عايزة الغمازة اللي هتحبني بكل حالاتي "

تالة بمرح وهي بتضربها بخفة علي رأسها " يلا يا متكبرة هانم ماتسرحيش في العالم البينكِ بتاعك ورانا النهاردة محاضرة مهمة وفيه دكتور شيخ جديد جاي "

عنود بتعجب " دكتور وشيخ اللي هو إزاي "

_" زي السكر في الشاي ههههه يا ستي دكتور وشيخ مش محتاجة شرح يعني "

_" نينينيني بت أنتِ شكلك عايزة تموتي النهاردة ده أنا هعضعض فيكِ لحد ما تقولي يا بس "

_" خلاص خلاص يا إنشراح فيه إيه هي سما قالبة عليكِ المواجع وجاية تقلبيها عليا "

عنود بتنهيدة " زهقت يا تالة آخرتها أصوم أصوم وأتجوز شيخ أنا أتجوز واحد ماعرفهوش ولا شوفته قبل كده وهيقضيها تحكمات لا مستحيل "

_" ومالهم بقي الشيوخ يا آنسه علي الأقل أحسن من الشباب الصيع بتوع اليومين دول "

تالة وعنود بصوا لبعض بإستغراب

عنود برفعة حاجب " أفندم ده رأيي وكل واحد حر في رأيه أنا مش برتاح لهم مش بمزاجي يعني "

_" لا بمزاجك كل حاجة الإنسان بيعملها بمزاجه إذا كانت حب أو كره "

_" يا إسمك إيه لا للتدخل والحشرية شكل فيه وشوش جديدة ظهرت في الكلية "

_".....

#شيخ_في_محراب_قلبي
#شروق_حسام