نجوم محرقة وليل "دامس"

بارت ٥١

#نجوم_محرقة_وليل_دامـس

تصويت وتعليق بين الفقرات لطفاً

للتواصل انستگرام \\ ze8.h
الواتباد \\ zai9_hr

""""""""""""""""""""""""
خَليني جگاره بچفك المتعُوب
ورثني اعلى كِيفك سَاعة الخنگة
واحرگني گبل لا تحتركلك رُوح
واشهگني لـَو ان تِرتاح بالشهگة

ليل ونجمــــة .
""""""""""""""""""""""”"”"""""""""”"""""""

مـــــــروة ::- مرات الإنسان شكد ما تكون عنده طاقة تشيله للحاضر .... لكن بمجرد ما نصفن بينه وبين نفسنا راح نرجع مية الف خطوة للماضي الشكد ما عانه وتلوه حتى يكون بهالمكان تحديداً ..... بـــــس  للاسف الماضي احسه عايش وياي اكثر من الحاضر الجاي كوه اتعايش بيه

حالتي نگول نصف عايشه اما النصف الاخر هو مات
بحرب ذكريات الماضي

لـيـل بعد نص شهر تدوير على هادي يله لگاه واخذ من
عنده وكاله عامة ، وعرض بيتنا الچنه بي قبل لا توگع
امي ويشيلون للكوت للبيع ..... زهــــير كاله شنو تلگه
قطعة ارض بيت اني جارك فـ على هالاساس جاي يدور ابين ما ينباع البيت

كاعده اكتب النجمة الصلاة والفروض وكل شكد التشهيد والشهادة والادعية ..... وهي اسمعها ترطن
بحرگة وما خلت احد ما تسبه لان الليلة عــــمر مسافر
يسوي عملية لرجله ولان زهــــير حالياً بالدوام ووهب
صار يومين من راح البيتهم هناك حتى يدبر اموره ويجي يخطب ..... شكد غلط على لـيـل لان ما ادري
كم يوم يبقون مسافرين وخاف يجي يخطب ومحد
هنا فـ عاد لـيـل موصي خــــــاله ام عــــمر تجي من يدك ويگول اني جاي اخطب لان ألـهام تجي هنا ومنا
تنخطب

دفتر على رجلي وكل شوي اخذتلي صفنه واذكرت الادعية بـــــس ااووف نجمـــة ولسانها اليدردم ويــن تنطي مجال اذكر ... وكل شوي ونسيت وشخبطت وطلعت ورقة جديده نوب ما تحملت والغسالة احنا مخلينها بالمطبخ لان ماكو مكان هواي بالطرمة وصوتها صوتها دبگ براسي صار كل فكري وتركيزي على سبها .

شمرت القلم ودرت راسي وحيل صحت
::- نجمـــة الخاطرر اللــــه شبيج تخبلتي كــافي صار ساعة ترطنين ما يبس حلگج

وعلى نفـــــس الثانيه بـــــس راسها مدته تحجي
بنتر
- أنـــــتِ ياهو يمج مستكين بله حاجيه بلسانج

يو هاي شبيها
::- خيه مو جاي اكتب مجاي تخليني اركز اذا معصبة
لهدرجة على رجلج لا تخلي يروح وخلص سدي الموضوع

- مو هذا راس الثور بكد البعير خايف يروح دولة وحـــــدة هي هاي هم تنحسب زلم