ابد مو مَالت ودَاع
هستونة متلاگين
بعدها عيونةٌ
من المستحِة مَدنگة
بعدها تشوُفنا
عيون الشمس ظلين
ما لحگنا نكسر عينها بشبگة .
الكاتبه بنين ال مسلم
•••••••••••••••••••••••
ابتسمت بخفه وحضنت بابا
دارني عليه يضحك
:-شكو بابا عليش تضحك
كرص خشمي وكال
:-يعني ميصير نضحك
:-اي بابا غير تكلي عليش تضحك
:-بعد ما نضحك خوش راضي علينا سحر
سحر:-اي بابا اي
كلتا بضحكه ورحت اكمز للمطبخ شفت ماما جاي تطبخ ضحكت وصحت
:-هلااا رفولهه
رفل:-يا يا باع بنتك حسن
حسن:-خليها تدلل علينا
رفل:-وتصيحلي رفوله لاا انت طلعت عينها هواي
سحر:-يا رفوله العصبيه متفيد تسبب لج تجاعيد
شمرتني بل جفجير ودخلت للصاله دردم
ضحك بابا وحضني من كتفي دخلنا يمها
نشاقه ونضحك بس حته تضحك وتحجي ويانا اخير شي زهكت وصاحت
رفل:-يبووو رضيت بس وخرو عني
عفتهم كاعدين ودخلت للغرفه مالتي غيرت ملابسي
وطلعت تربعت ع قنفه شغلت التلفزيون
خليته ع توم جيري
سمعت صوت بابا يصيح
حسن:-سحوره بابا تعالي اتغدي يلا
سحر:-اجيت بابا اجيت
شلعت الفيشه ورحت للمطبخ جانو كاعدين
كعدت كلت واني اكل
سحر:-بابا اليوم المدرسه انطتنا واجب
حسن:-اي
سحر:-اي واريدك تساعدني بي
حسن:-صار بابا كملي غداج وجيبي دفترج وتعاي للحديقه ندرس
هزيت راسي ورجعت اكل
سمعت ماما كالت لـ بابا
رفل:-اليوم اتصلت عمتي
اتوقف بابا عن الاكل منتضرها تكمل
رفل:-كالت عمي يريد يشوفك حالته الصحيه كلش تعبانه
اتنهد بابا وصفن كال وهوه ينفض ايده عن الاكل
حسن:-الله كريم
التفت عليه وكال بابا من تخلصين جيبي كتابج وتعاي
هزيت راسي ورجعت اكل
سحر:-ماما
رفل:-ها
سحر:-احنا ليش ولا مره رحنا لبيت جدو اني حته مشايفتهم
رفل:-من تكبرين تعرفين
سحر:-ليش ما هسه اعرف ماما ترا اني كبيره
أنت تقرأ
غرفة "412"
Horrorانتَ خليك بمكاني نهر وتعوفه الجروف انتَ الحنين قسيت شلون ترحمني الظروف الكاتبه بنين ال مسلم
