****************
https://darkmidnightdesire.blogspot.com မှာ အစအဆုံးတင်ထားပြီးပါပြီ။
နောက်ပိုင်း ဇာတ်လမ်းအသစ်တွေကို blogမှာ အရင်တင်ပါမယ်။
ကြေငြာလဲ မရှိသေးပါဘူး
***************
အခန်း ( ၁ဝ )
တိုးလုံရှိန်သည် မနက်ခင်းမှာ မလိုင်ပျစ်ပျစ်ကို နံပြားနဲ့စားရတာကို ကြိုက်သည် ။
လဖက်ရည်ကလည်း ချိုဆိမ့် ။
ဒီ လဖက်ရည်ဆိုင်လေးမှာ မနက်တိုင်းလိုလို သူ ထိုင်နေကျ ။
ဆိုင်ရှေ့မှာ သူ့ကား ရပ်ထားတာကို တွေ့လို့ စခန်းက သူ့တပည့်တချို့သည် သူ ဆိုင်ထဲမှာ ရှိနေသည် ဆိုတာ
သိကြပြီး ဆိုင်ထဲကို ဝင်လာသည် ။
မတ်ဖ်တီ (အရပ်ဝတ်အရပ်စား )နဲ့ နယ်ထိန်း ချိုသာ နဲ့ ရဲသား တင့်ဆန်း ။
" ဟေ့ကောင်တွေ..လာကြလာကြ...တခုခု စားလေကွာ......"
နယ်ထိန် ချိုသာက " မစားတော့ဘူး..ဆရာ.....ဆရာ့ကားကို တွေ့လို့ ဝင်လာတာ......ကျနော်တို့ သူခိုးမိလာလို့"
လို့ ပြောရင်း အလေးပြုရင်း သူ့ရှေ့မှာ ခုံဆွဲပြီး ဝင်ထိုင်သည် ။
" ဟေ....ဘယ်က မိလာတာတုံး....."
" မနက် လင်းအားကြီး ကျနော်တို့ ကင်းလှည့်တုံး အိမ်တအိမ်ထဲကနေ ထွက်လာတာ ပက်ပင်းတိုးတာ...ခိုးကြောင်း
ဝန်ခံတယ်.....ခိုးထုပ်ထိုးတည်နဲ့ လက်ပူးလက်ကြပ် မိတာ......"
" အေး..အင်း..ကောင်းတာပေါ့....ဟေ့ကောင်...ချိုသာ..မင်း သူခိုးဖမ်းမိတာ ကောင်းပါတယ်..ဘာလို့ ငါ့လာပြောနေ
တာလဲ...မင်းအလုပ် မင်းဆက်လုပ်ပေါ့ကွာ....စခန်းခေါ်သွား အမှုဖွင့်..အချုပ်ခန်းထဲ ထည့်.....လေ.."
တိုးလုံရှိန်သည် ချိုသာ လာ အာလူးဖုတ်နေလို့ သူ အစားပျက်သွားရတဲ့အတွက် ကျွဲမီးတိုသွားသည် ။
နယ်ထိန်းချိုသာကတော့ အပြုံး မပျက်ပါ ။
" ဆရာ စိတ်ဝင်စားမယ် ထင်လို့ပါ ဆရာ...အဟဲ......."
" ဟေ.....ဘာ.....ဘာပြောတယ်....."
နယ်ထိန်းချိုသာ တင် မက အနောက်က လက်ကလေးနှစ်ဖက် ရှေ့ယှက်ပြီး ရပ်နေတဲ့ ရဲသားလေး တင့်ဆန်းကလည်း ပြုံးလို့ ။
YOU ARE READING
ကံဆိုးမ သွားလေရာ မိုးလိုက်လို့ရွာ
Mystery / Thrillerခေတ်ပျက်ကြီးထဲမှာ အိမ်ဖော်ကောင်မလေးတွေ နဲ့ အမျိုးကောင်းသမီးတွေကို အနိုင်ကျင့်နေတဲ့ အိမ်ရှင်တွေ၊ ရဲတွေ၊ အုပ်ချုပ်ရေးမှူးတွေကို ကလဲ့စားလိုက်ချေပေးနေတဲ့ မရဏ နဲ့ သူ့ခွေးကြီး အကြောင်း
