انا لو منه هعمل كده
كان بيقول شاهين الكلام دوت بكل برود اعصاب
بصت رنا ليه بتوتر وهي تقول: شاهين انت فاهم غلط
ضحك شاهين بسخرية: فاهم غلط ايه اللي فاهمه غلط فاهم غلط انك خنتيني انك هربت مع اعز صديق ليا ولا انك ست زباله فاهم غلط في ايه بالظبط انطقي عرفيني ايه اللي انا فاهمه غلط
رنا بدموع: شاهين انا ماخنتكش
حرك شاهين راسه بسخريه وهو يقول: انتى لسه عندك استعداد تكذبي وتكملى فى كذبك عندك استعداد تكملى فى القرف بتاعك انتى اى يا شيخه معجونة بميه الكدب ما تعرفيش في حياتك غير الكذب
رنا بدموع: شاهين انا بحبك انا محبتش حد غيرك هو الى لف عليا هو اللى كان عينه عليا وهو اللى عمل كل حاجه عشان اسيبك لكن انا قلبي مدقش غير ليك انت والله
ضحك شاهين بسخرية:لا يا شيخه بجد كتر خيرك انك بتحبنى وقلبك مدقش لحد غيري ده جميل كبير والله وانا المفروض احطه على راسي بس عارفه انتى تروحى فى ستين الف داهيه انتى مش فارقه معايا انا كل اللى فارق معايا اخويا او اللى كنت فكره اخويا بقا الكسره و الوجع ده ميجيش غير منك انت ليه يا حسان ليه انا عملت معاك اى ليه السكينه اللى تيجى تكون منك انت
حسان بسخرية: عشان انت خدت كل حاجة كنت من حقي انت خدت حاجات كنت المفروض تكون ملكى انا انت السبب يا شاهين لان كنت انا دائما صاحبك الفقير اللى انت بتعطف عليه وبتديه اللي فيه النصيب كنت دايما باخد بواقيك وانا اللي ليا الحق في كل حاجه دي زيك بالظبط ويمكن اكتر كمان
شاهين بسخرية: ليه ان شاء الله انت مين عشان يبقا ليك الحق وبعدين انا عمرى ما عملتك انك صاحبي الفقير كنت دائما بعملك على انك اخويا و صاحبي كنت دائما بعملك على انك حد مهم يارجل بلاش كل ده كفايه ان في بينا عيش و ملح ده حته انت ما صنتوش وما حافظتش عليه
ضحك حسان بسخرية وقال: اصون العيش والملح ازاي وانت كل لحظه بتتعامل انك شاهين بيه ابن الحاسب والنسب و اصونه ازاي وانا شايف ان كل حاجه كانت من حقي انت بس اللي بتستمتع بيها
شاهين بغضب: ازاى ليك الحق فيها ازاى انت مين عشان يبقا ليك الحق فى عائلتى اكتر منى
دخلت فتحيه التى كنت تقف فى الخارج منذ بدايه الكلام وقالت: لانه اخوك يا شاهين من ابوك حسان يبقا ابنى من رافت ابوك
شاهين بضحك:وانتى بقا عاوزنى اصدق الكلام الهبل اللى انتى قولتي ده عاوزنى اصدق ان ابويا اتجوزك انتى
فتحيه بغضب :نفس غرور جدك وكبريائه مش مصدق ان فتحيه الخدامه تتجوز رافت بيه ابن ضرغام باشا صح يا شاهين لا رافت ابوك اتجوزني قبل ما يتجوز امك كمان واتجوزني عرفي لان جدك وقف فى طريق حبنا عشان كدا ابوك قرار يبقا جوزنا فى السر لحد ما احمل وفعلا خلفت وجبنا حسان لكن ابوك كان ضعيف ادام جدك عشان كدا ابوك خده و اداه لناس تأنيه بس هيفضل طول عمره اخوك من ابوك
