البارت 28

8.3K 955 457
                                    

#طشت خرز

كنوز القحطاني

وَلي

الدهر عنده عشاير.... گاومني
وخذن سنين عمري... گوه مني
لون رجلين عندي..... گومني

بلا رجلين  وتوچه اعلى اديه

********************************
ولايه

ما انتظر سيف يفهم كلامها لان عرف دموعها و الفزع المرسوم ع معاني وجها واديها تأشر بعشوائيه ع بيتهم فهم اكو شي ابيتهم راح يركض وهي ورا مشت حجابي من
الحبل و ركضت وراهم نهروان وحتى امي طلعت اجت ورانا وصلنا للبيت ماكو شي رايه واگفه بنص الهول بذهول تعاين عليه من طلع من المطبخ يشرب مي وهو كأنه استغرب تواجدنا أشر براسه و حچه

وَلي :- شكو؟؟

تنهد سيف يأشر ع رايه و يشرحله سبب تواجدنا كلنا ابيتهم

سيف :- هو اني اريد اسئل شكو اجت اختك تركض علينا تبچي عبالي احتركتوا صاير شي

هز راسه بنفي يحچي ويا سيف مجعد مابين حواجبه و عيونه ع رايه عبالك يتفقدها بعدها بصدمتها ونطق ابرود

وَلي :- كلشي ماكو احتمال حلمانه لو تمشي هي و نايمه

رفع سيف حاجبه ما مقتنع بكلامه و لا اي احد منا اقتنع كلامه لو اگوله لاختي نور هم ماتصدگه اليمشي هو نايم يكون ابطء و هدوء مو ركض و بچي فزيت ع صوت رايه من صاحت بي بلوعه

رايه :- مو چنت صافن حتى ماترمش احچي وياك ما ترد أديك متشنجه و وگعت من طولك هنا گدامي

نطقت كلامها تأشر ع المكان الوگع بي و دموعها تصب كملت كلامها تحچي بغصه

_ ذبيت عليك مي احچي وياك اهزك ماكو لا حس ولا حركه

عاين الها بقلة حيله و أصر ع كلامه رغم محد صدگه

وَلي :- ماكو هيج شي متوهمه

طلعنا من بيتهم رجعنا لبيتنا مسحت دموعي ماعرف شوكت طلعن حتى همزين محد شك بيَّ لان طبعي رغم كل قوتي حتى الغريب اذا بچه ابچي وياه

ذبت امي عبايتها و گالت بنبرة قهر عليهم

نازك :- هذا اخوها بي شي ما يقبل يگول الها

مسح سيف ع راسه بحيره صافن كأنه يفكر بكلامها و يحلله شويه و گال

سيف :- ع حسب الگالته عنده شحنات بالدماغ لو صرع

نطق كلامه بلامبالاة او تعود ع هذا الكلام حسب مهنته يحسبه هين مايدري شصار بيَّ احس گلبي ارتچى ع ضلوعي
عفتهم بساع ودخلت لغرفتي احس عالمي نهار يعني فوگ الصار النوب المرض مسحت دموعي ع سريع من نفتح الباب اخذت راحتي من طبت نهروان زمت شفايفها بغيض و گالت بحسره

نهروان :- سرق الاضواء مني هسه منو يبچي عليَّ

ضحكتني واني بعز قهري اعرف كلامها هذا حتى تخفف عني مو صدگ اجت گعدت يمي صديت عليها

طشة خرز حيث تعيش القصص. اكتشف الآن