جبروت الصعيد

البــارت العشـرون

استيقظت ميسا في الصباح الباكر واخذت ترتب شقتها واخذت زين الذي استيقظ حممته وتحممت هيا بعد

وضعت زين فوق فراشه وذهبت لفراشها هيا وليث اخذت تهز كتفه: حبيبي اصحي

همهم ليث بنعس ولم يستيقظ

قبلت ميسا خده بحب: ليث قوم بقي كفايه نوم

سحبها ليث في احضانه بنعس واردف بصوت رخيم: في اي يا بت نامي

ميسا: انام اي سيبني كده الساعه سته ونص

تركها ليث وهو ينظر لها بغيظ: سته ونص ومصحياني ليه

ميسا: منا صحيتك عشان نازله اجهز الفطار مع ماما وتقوم تاخد شاور عبال ما نخلص

وقف ليث وهو يفرك عنقه: ااه يا راسي مصدع اوي يا بت

ميسا: الف سلامه عليك يا حبيبي مالك

ليث: مصدع

ميسا: بعد الفطار ابقي اجيبلك برشامة صداع

ليث: هاتي دلوقتي

ميسا: بعد الفطار مينفعش تاخد علاج من غير ما تفطر

فرد ليث عضلاته وتوجه لسرير زين الصغير: قلب بابا وروح بابا

ميسا بسرعه: لا يا ليث الله يخليك ابعد عنه منوماه بالعافيه

ليث: ليه هو عيط مسمعتوش انا يعني

ميسا: ده زقاني المر علي ما حممته ويصرخ ويعيط عدو الميه والنضافه ده وجيت ارضعه مش عايز وبيعيط برضو مسمعتوش ليه ده انت طلعت نومك تقيل

ليث وهو ييضع يده فوق رأس زين الصغيره: لسا طفل يا قلبي اكيد بيخاف من الميه.. انا ممكن مسمعتوش عشان مصدع لو قومت من النوم ولقيته بيعيط كنت هفرمك

ميسا وهيا تضع يديها علي خصرها: ليه ان شاء الله انا مالي الله

ليث وهو يقترب منها ويرفع حاجبه: في اي يا بت

انزلت ميسا يديها سريعا: م مفيش حاجه

ليث: طب اتكلي يلا انزلي

ميسا: طب اخلي زين هنا ولو صحي نادي عليا

ليث: لا خديه معاكي بقولك مصدع كفايه كلام

ميسا: طيب خلاص ماشي وعايزه اتكلم معاك في موضوع لما تكون فاضي

ليث: لما افضي بقي ها فيه حاجه تانيه نسيتي تقوليها

ميسا وهيا تحمل زين: لا مفيش انا نازله باي

نزلت ميسا للأسفل وتوجهت نحو المطبخ لتجد صفيه وخديجه وساميه: صباح الخير

ردو النساء: صباح النور صاحيه ليه بدري

وضعت ميسا السرير المتحرك الخاص ب زين ووضعته بداخله: ما قولت خلاص كده الاجازات بتاعتي خلصت وكفايه عليا لحد كده