ذراري الهجرس

الفصل الخامس والثلاثون

سكون عم بداخلي..
الحياة لا تتطلب الحب احيانا..
لكن هل يقنع القلب ام يكون العقل هو الحاكم..

قبل لا تبدون البارت تصويت ومتابعة للحساب أعزائي 😊❤️

*********************************

الفصل الخامس والثلاثون...

بقلمي : زينب أنمار ✨

ترانيم..........

لحظات صمت مرت علينه صحيح تفاجئت من طرح عليه هذا السؤال بس جنت مصممه على قراري الي اتخذته من فترة : اني هم اريد اتطلك

اجه صوت نوح : ترانيم شنو هذا الحجي

شفع : هاي هيه أوراق طلاقج نافلة راح يمشيها همام هنا اما نوح طلكها هسه

نوح : لو تطلع براسك وراسها نخلة مااطلك

شفع : لا عزيزي تطلك يلا بدون ماتتعبني

نوح : كتلك وارجع اكلك مااطلك بل حلم تشوفني اطلكها

صاح عمو ضياء : نزل السلاح شفع بل تفاهم ينحل

نوح : كتلك لو تكتلني هم مااطلكها خل تصير ارملة ورا مااموت تخلص مني

شفع : اي هاي هيه هو ارملة ومطلقة نفس الشي

ضياء الدين : وخر شفع تخبلت هسه شصار اذا ماطلك هسه بعدين يطلك لا تضخم الموضوع وانتي طيرة اكو ضرر اذا بقيتي على ذمته

: لا ماكو ضرر

ضياء الدين : لعد عوفه مايحتاج هل العركة

شفع : هين تتذكر من كتلك ماتشوفها اعتقد تتذكر هاي المره بعد تحلم تشوفها عود اكمز هنا وكول مااطلكها

نوح : ميخالف المهم على ذمتي

مااهتميت للسالفة بس مادريت راح ايدي ندم على هذا القرار ويجي اليوم الي اكره نفسي على عدم اهتمامي

حرت بنافلة ليش تطلك مو كالت احبه شنو الي تغير متعاركة ويا أوس لو شايفة او سامعة شي او من الممكن هي ورا مافكرت قررت تطلعه من حياتها احتمالات هواي فكرت بيها والجواب كله يمها هي

ماانتظرت وكلت : نافلة اخذيني للغرفة اريد ارتاح

نافلة : تمام

كومتني من ايدي بس وكفنه صوت نوح : نافلة اريد احجي وياها

نافلة : بدون مشاكل نوح

نوح : لا والله مااسوي شي بس اريد احجي وياها شوي

عافت ايدي وراحت هو ماحجه شي تنهدت وكتله : اذا ماتحجي اريد ارتاح

نوح : ليش هيج اهون يمج

عقدت حواجبي : ليش

اجه صوت ضحكه : لا تخبليني مو هسه كلتي طلكني يعني حتى مافكرتي لو كلتي عشت ويا شهور شنو من بشر انتي ماادري