Unicode
" သေချာစစ်ထားတယ်မလား "
" စိတ်ချစမ်းပါ ကောင်းမြတ်ရ
ငါ့ကြောင့်မင်းကား
ဘယ်တုန်းကဖောက်တာရှိဖူးလို့လဲ "
" အေးပါ မင်းသိတဲ့အတိုင်း
လမ်းခရီးမှာကားပျက်တာမျိုးတွေကို
ငါစိတ်ညစ်လို့ ခရီးအချိန်ကြာတယ် "
" ဒီတစ်ခါက ဘယ်လဲ "
" ရှမ်းပြည်ဘက်
မင်းရောလိုက်ဦးမလား "
" လိုက်ချင်ပေမယ့် မအားဘူး
မင်းဘာသာပဲဂရုစိုက်သွား "
" ဟုတ်ပြီ ဟုတ်ပြီ
ငါသွားတော့မယ် မနက်ကျစောစောထွက်မှာမလို့ "
" အပြန်ရှမ်းမလေးတစ်ယောက်အပါခေါ်ခဲ့
ငါ့အတွက်ပြောတာ "
ပြုံးရယ်ရင်းစနောက်နေသည့်သူငယ်ချင်းကို
လက်ခါပြခဲ့ပြီး အိမ်အပြန်လမ်းဆီဦးတည်ခဲ့သည် ။
ဘယ်ကရှမ်းမလေးလည်း လုပ်စရာအလုပ်တွေနဲ့တင်
အိမ်ကဖေဖေနဲ့မေမေကိုတောင် အချိန်သိပ်မပေး
ဖြစ်တာကိုတစ်ခြားသူကိုရှာဖို့ အချိန်သေးသေးလေးတောင်ကျွန်တော့်မှာရှိမနေ ။ ဒီတစ်သက် ဒီအလုပ်တွေနဲ့ပဲနှစ်ပါးသွားဖြစ်တော့မှာကိုမြင်ယောင်ရင်း
တစ်ယောက်တည်းရယ်လိုက်မိတော့သည် ။
......
" ဂရုစိုက်သွားနော် သား
အရမ်းမကြာဘူးမလား "
" တစ်ပတ်လောက်ပဲ "
" မေမေ့အတွက့်ချွေးမလေးရှာလာပါဦး
ကိုယ်နေ,နေတဲ့မြို့ကလည်းရှာမလာပေး
အခုလည်း ခရီးသွားတိုင််းပြောသာနေရတယ်
ဘယ်တော့မှမေမေတို့ဆီခေါ်လာမလဲမသိဘူး "
" သားအလုပ်ကောင်းကောင်းလုပ်ပါရစေဦး "
" ကောင်းကောင်းလုပ်တာလွန်တောင်နေပြီ "
" ကဲပါ ခရီးသွားမယ့်ကလေးကို
မင်းပြောလို့မပြီးတော့ဘူးလား
အချိန်တန်ရင်ဖြစ်လာမှာပေါ့
သားအသက်ဘယ်လောက်ပဲရှိသေးလို့လဲ
၃၀ တောင်ပြည့်သေးတာမဟုတ်ဘူး "
" အဲလို ၃၀ မပြည့်ခင်အချိန်ငယ်တုန်းရွယ်တုန်းကို.. "
