نجمة سهيل

༘26✶ ⋆｡

‏{وَمَا تَوْفِيقِي إِلاَّ بِاللَّهِ عَلَيْهِ تَوَكَّلْتُ وَإِلَيْهِ أُنِيبُ}

حساب الانستا
@to_et23

⊱──────────⊰
نجمة سهيل
بقلم الكاتبه
نجد الدليم
⊱──────────⊰
نجمة
^
^

صعبةة الدنيا لمن تخيرك بين مواقف ، صعبة الدنيا لمن تخليك تفكر باشياء اكبر من عمرك واكبر من طاقتك ، نزرعت فكرة بينا بسبب الظروف العايشيها لازم تدرس وتقرا وتكمل وتشتغل وتكون نفسك ، حتى تكدر تعيش مرتاح بالمستقبل ، بس على حساب منو !
على حساب صحتك وناسك اللي تحبهم واصدقائك وعلى حساب كلشي بيك !
بس الى متى !!
من تصحى على نفسك وتكول مو كلشي شغل ولا فلوس الدنيا مو بس هيج ابدددد ، كلشي ممكن يتعوض بدنيا ، بس اذا فقدت  ناس تحبهم محد راح يكدر يعوضهم او يغطي مكانهم.
من تقرر تصحى وتفكر بناسك اللي تحبهم واصدقائك واهلك راح تشوف الكل مبتعد عنك وبعيد والكل اتخلى عنك ، السبب هو فوات الاوان.
شكد صعبة الدنيا والاصعب هو الثمن اللي دفعته نتيجة تفكيرك اللي هو مو غلط ، بس لازم توازن بين الاشياء قبل فوات الأوان
بلاخير راح تكول ياريت لو كلشي يتصلح بعد ما نضجت ووعيت وصرت اعرف شلون احكم عقلي

ضي _ الباب تكسر من كد ما اندك وعمه ما قبلت تفتحه نتصل على بابا ما يرد

قمر _ خلوني اطلع عليها هدوني

سما _ محد لازمج

ضي _ نسمع صوتها تسب وتغلط على عمه وعليه لان ما نفتح الباب

شمس  _شكد وقحه

ضي _ ما جانت هيج

قمر _ ماما اتصلي على خالو صرعتنا

دلال _ ما يرد

شمس _ اكيد ما يسمعه اتصلي مره ثانيه

ضي  _كعدتنا كلنا بغرفتها وقفلت الباب خافت علينا

قمر _ يربي بيتنا وخايفين

سما _هي وحدها واحنا خمسه نسحلها من شعرها

شمس _ هسه يجي خالو ويمردغها

دلال _اشش خل اسمع الووو
...سهيل الووو

ضي _ كلنا تمددنا وحده على رجل وحده من عمه صاحت وكفنا على طولنا

دلال  _يمه سهيل وينوو ليششش

ضي _ شبي بابا عمه احجي

قمر _ اصبري خل تكمل

دلال  _أكدر احجي وياا
يا مركز ياربي دخيلك

ضي _ عمه عليج الله احجي شبي بابا

دلال _ جايه الشرطه ماخذته