بقـلمي || زهراء
#جبروت_ ابي.
" باࢪت الثــلاثــون"
" بــسم ألله الرحــمن الرحـــيم "
( يِــــا عَـلــــيٌ )
~.~.~.~.~.~.~.~.~.~.~.~.~.~.~.~.~
لطفاً لاتنسون التصويت والتفاعل بين
الفقرات
~.~.~.~.~.~.~.~.~.
شهگت ولزمت صدري الي أحسة نخسف على اثر رفستها
وگعت بالگاع لازمة صدري واجر النفس گوة
احس ختنگت
ضليت اشهگ واريد اتنفس ماگدر اجر النفس گوة
اريد اگوم، رجعت رفستني على ضهري، وگعت على الصبة
وبعدها ماحسيت بشي..
ضوة، صوت، صياح، بچي
كلهن احس بيهن يم راسي بس ماگدر احچي
شهگت وحطيت ايدي على صدري
سمعت صوت ارجُمان وهيَّ تبچي يم راسي
- حـور العين حووور، شبيهااااا دكتوررر.
فتحت عيني على كيف
شفتها، چانت هيَّ وهشام وآراي وجون واگفين يم الباب
من فتحت كلهم تقربوا وگفوا يم راسي
هشام- هاا حور؟ شتحسين؟
عاينتلة وهمست گوة
حور العين- صدري هشام.
- طبعًا صدرچ غير ماكلة رفسة.
ارجُمان- شوداچ هناك حور شوداچ؟؟
الدكتور- لا رجاءً لا تجبروها تحچي هيَّ حاليًا ماتگدر تحچي بسبب الضربة
ومن تحچي صدرها راح يصعد وينخفض
فه بهيچ حالة تتأذة خلوها شوية ترتاح وتستقر حالتها يلا تگدرون تحچون وياها.
طلع الدكتور وهمة گعدوا يمي
آراي- شچاچ بابا شوداچ هناك، غير ديرين بالچ.
ارجُمان- والله العضيم احلف عليهن هنة سون بيها هيچ.
هشام- اذا صدگ هنة احرگ البيت على روسهن.
جون- مو اذا صدگ أصلاً هنة سونها.
ارجُمان- بس خل تصير زينة ونرجع والله كريم.
ضليت لليل نايمة لحد ما رجع الدكتور وگال تگدرون طلعوها
الحمدلله الضربة مچانت هلگد قوية لان لو قوية
چا کسرت القفص الصدري بس الضربة ألي براسي أذتني اكثر
سندتني ارجُمان هيَّ وجون، طلع آراي قبلنة
اخذوني للسيارة
رادو يجيبون کرسي متحرك بس ماقبلت
صعدني جون بالسيارة وصعد يمي هوَّ وارجُمان
رجعنة للبيت چانوا كلهم واگفين بالباب يمكن يعرفون يجيتنة
عاينت على ارجُمان وهمست
- همة يعرفون؟
- اي طبعًا أصلاً همة خابروا علينة ومحد چان ماخذچ للمستشفى لحد ما اجينة احنة وأخذناچ.
فتح الباب جون وساعدني انزل
نزلت هيَّ وفترت الجهة الثانية وسندتني
چان راسي مضمد وضهري لافينة لفة قوية
تلگونة بالحديقة رادوا يحچون
رفع أيدة آراي
- بعدين نحچي مو هسة.
ابو ذو الفقار- آراي.
- عمي مو هسة الحچي الصدگ جوة يصير.
أنت تقرأ
جــــبروت ابــــي
Romanceحقيقية.. الأب هوَّ الأمان هوَّ الحضن الي يلمنة بعد كل رحلة من التعب هوَّ السند هوَّ الشخص الي نلتجأ ألة بكل ضيق لكن ألأب بهذه الرواية بجبروتهُ وتحكمة يجعل ابنتهُ فريسةً سهلة لهذا المجتمع الذي يحارب المࢪئة لكن هناك من يقضي على هذا الجبروت وهذا التح...
