نجوم محرقة وليل "دامس"

بارت ٥٠

#نجوم_محرقة_وليل_دامــس

للتواصل او استفسار تعالوا انستگرام// ze8.h
حـسابي واتباد // zai9_hr

تصويت وتعليق بين الفقرات لطفاً

'''''''''''''''''
خلصَت النهار بخير بـــس الليلَ شِيخلصه
من يبدي هدوء الناس تبدي بداخلي الخبصةَ .
'''''''''''''''''''''''''''''''''

مـــــروة :: احس روحــــي جاي تتگطع على كيف وعــيوني دم مورمة واني جاي أشوف اخـــوي كدامي منتهي يجي يرفع راسه ويصيح من غمج گلبه صوته سوالي اهتزاز الكل جسمي

بلا حتى حيل وشلون كدرت ارتكي بالبوفيه الحاطه بيها ملابسي وگمت امشيله برجلين ترجف هوه ماكو
شوي مسافة ابينا كعدت كدامة بعد يبچي عينه تهمل
دموع مطشره على كل وجـــــهة

امسح بخده من الجهتين بايديه اثنينهن ابجي واحجي بهتزاز
- حبيبي يروح اختك وعـــيونها لا تبجي فدوه جاي تموتني وتخليني اتندم لان حجيتلك

رفع راسه عـــــيونة بعيوني حمر وشفته تهتز ملامحة
كلها تغيرت همس وهوه كوه يحجي

- أنـــــتِ أنـــــتِ جاي تتخيلين بنته بنته ولج وگف
راسي مجاي اتوقع شلون شلون ياااااربي دخيلك يابو علي ادركني

وعصر عـــــيونة ويهز راسة مثل يرجعه ورا يريـــــد يطگه بـــــس مجان شي وراه

ثبتت وجـــــهة ابين ايديه اريده بـــــس يسكت بـــــس يستوعب هو صح لو منا البعد سنه ما تتخيل الصدمة ولا يتصدك ، يوم العرفت واللـــه حسيت من صدك راسي وكف

- لـيـل ما لازم هيج تسوي بروحك اني من كلتلك كلتلك حتى تساعدها وبلكي تكدر تلحك ومن يعرفهــا يكدر ينكرها او يكول مشتبه بـــــس خلي يرفع شهادته عنها والبجي والصدمة كلمن بوقته يله كوم ابوسك كوم

وللحظتها مثل الهسه يله استوعب ورجع طبيعي كام
يهز براسه ويتلفت جر الصور كلهن من الگاع وطلع

رحت وراه اركض طب غرفته وسدها دقايق وطلع مبدل حتى ولا باوعــــلي خله وراح يركض .

مسحت عـــــيوني وجريت نفـــــس الغصه مبنيه مو بـــــس على صوتي لا حتى بروحي

فتحت الباب وطبيت على امي لگيتها خطيه مشلوع كلبها امــــــير يبچي بصوت ومو بجيه طبيعيه لا على
نفـــــس واحد ... يسكت دقيقة ويرجع يبچي بفحطه وهي لا تكدر هواي تتحرك مو زين عليها وحايره بيه

اخذته منها وهي تعلمني شسوي كالت اخاف ممتون
سويت الگالتلي عليهن طبگت أيــــدة اليمنى ويا رجله
اليمنى ماكو مساويات ورجله وايده اليسرى مثل وهم
مابيه شي

سويتله ممه ما يرضع ... بــــــس يبچي
ســــعاد :: دگي على لـيـل خلي يجي ابنه مريض
دوم مو طبيعي .