حبايبي انا اسفه كتير عن التأخير اعذروني تعبانه اوي اوي💔
🪸💓🪸💓🪸💓🪸💓🪸💓🪸💓🪸💓
مر شهرين علي غياب ليث خارج البيت برغم اتصال ميسا الدائم به وبكائها بأن يأتي بأسرع وقت
عزيز بغيظ: ومراتك الي سايبها دي ليك شهرين وابنك
ليث: الشغل لفوق راسي يا ابوي وانا جاي النهارده خلاص قولتلك
عزيز: وانت تقعد ليه لحد ما الشغل يتراكم عليك للدرجه دي وسفيان بيعمل اي
ليث: سفيان بعيد عن شغلي وملوش دعوه بيه
عزيز: براحتك يا ولدي اني مش هتكلم تاني في الموضوع ده خالص مرتك كانت عايزه تكلمك دقيقه... صفيه يا صفييه
اتت صفيه مسرعه وهيا تدخل غرفة الجلوس: اي يا حاج
عزيز: فين مرت ولدك
صفيه: قاعده في المطبخ مع الواد زاقيها المر الي في الدنيا كلها
عزيز: طيب خدي اديها جوزها علي التليفون
اخذت صفيه الهاتف بلهفه: الو يا ابني عامل اي قلبي عليك يا حبيبي اتأخرت كده ليه يا ولدي توجع قلبي بغيابك ده كله يا ضنايا
ليث: يا امي هما كلهم شهرين اومال لو قعدت اكتر من كده كنتي هتقولي اي
صفيه: لا يا ابني مش اكدي انت سايب مرتك وولدك موريها الويل بقت هفتانه كيف العصايه لا بتاكل ولا بتشرب منه مبتلحقش تعمل حاجه ويبكي
ليث بتنهيده: جاي النهارده يا امي فينها هيا بس اديهالي
دخلت صفيه المطبخ وهيا تعطيها الهاتف: خدي يا بتي ليث عايز يكلمك
ميسا بلهفه وهيا تركض سريعا: بجد يا ماما هو فين
اعطتها صفيه الهاتف: علي التليفون اهو كلميه
اخذت ميسا الهاتف سريعا وهيا تخرج لغرفة الضيوف وتتحدث: حبيبي انت وحشتني اوي حرام عليك اقسم بالله حرام عليك قلبي واجعني
ليث بإشتياق: قلب بابا وعمره وحشتيني اويي
ميسا ببكاء: والله لو وحشتك مكنتش اتأخرت عليا كده وكنت جيت انا تعبانه اوي من غيرك تعالي
ليث: النهارده بالليل جاي وجايبلك هديه هتحبيها اوي
ميسا بسعاده: جاي بجد بالليل يا ليث احلف كده والنبي
ليث: واللهي يا عمري جاي مش قادر اقعد تاني من غيرك بعد كده لو سافرت هاخدك معايا
ميسا بسعاده: انا مستنياك متتأخرش عليا عشان خاطري
ليث: حاضر يا قلبي زين فين وحشني
ميسا بتنهد: زين تعبني اوي من غيرك يا ليث تعبني تعبني تعبني
أنت تقرأ
جبروت الصعيد
Randomكلــمته ســيف علــى رقــــبة أى رجــل فــما بــالك بــأمــرأه؟ لا يــوجد فــى قـامـوسه كـلمة لا او مستـــحيل ف هــو المستــحيل بــنفـسه ڪ الرعــد لا يُــقاوم ولا يُــقـهر ولا يُــــثني.
