جــــبروت ابــــي

part-29

بقـلمي || زهراء

#جبروت_ ابي.

" باࢪت التاسع والعشࢪون"

" بــسم ألله الرحــمن الرحـــيم "

( يِــــا عَـلــــيٌ )

~.~.~.~.~.~.~.~.~.~.~.~.~.~.~.~.~
لطفاً لاتنسون التصويت والتفاعل بين
الفقرات
~.~.~.~.~.~.~.~.~.

بعد فترة طويلة وصلنة ،نزلوا همة وانه نزلت وراهم
آراي - حـور امشي ورانه وصعدني عباتچ على وجهچ.
هزيت راسي وخليت طرف العباه على وجهي مغطيتة
مشوا هشام وآراي
وجون لزم ردان العباية ويمشي ، كل خطوة اخطيها
جسمي كلة يرجف وياها

دخلنة لمكان گبال غرف المركز
آراي - مانگدر نفوتها لجوة اكثر ، الاماكن جوة تخوف والسجون هواي ، راح اشوف اگدر اطلعة لهنا .
ضليت اعاين على المكان من برة يخووف يخووف من جوة شلوون وعمو شلون عايش بي
صرت ابچي وارجف ، طب هشام ورا وضل يمي بس جون

جون - اش حــور لا تبچين .
- ماگدر جون ، شووف المكان من برة شلوون عمو عايش بهذا المكاان شلوون .
- يتحمل ، هسة اذا گدرو يجيبونه لهنا وشفتي لا تبچين حـور صيري قوية ولا تبجين گدامة .
هزيت راسي بسرعة وانه امسح دموعي واوعد نفسي ما ابچي گدامة

شوية وطلعوا هشام وآراي
جون - هاا بشروا ؟
آراي - للحديقة الجوة .
- چا يلا .
مشوا وانه امشي وياهم ، دخلنة بممر من باب الي فتنه منها
ونهايتها اكو مخرج هم
مشينة بالممر وانه داخل يصرخ من الخوف ، اصوات هوواي ، اصوات حچي ، واصوات صراخ ، واصوات ضحك
كلهن داخل هذا المكان
كلما اخطي خطوة ارجف اكثر من الخوف هذا المكان مررررعب حرفيًا

عبرنة الممر وتفاجأة من الي شفتة
چانوا نااس هواي ، اكو هواي سجناء وكل واحد واگف يمه شخص
واكو نسوان وكبار وصغار وكلهم واحد يحض الثاني
اعتقد هاي عوائل وجاية تشوف اولادهم او ناس قريبة الهم بالسجن
بس منضرهم چان يخوف كل سجين چان بوجهة علامة
وجوهتهم من الضرب ماتنشاف
صرت يادوب اگدر اشوف كم شخص منهم وجهم عباره عن كدمات واثار زرگ كلش تخووف

مشيت وياهم وعيوني تفتر عليهم
لحد ما وگفت عليَّ ، وگفت بمكاني وفاتحة عيوني على وسعها وانه اعاين عليًّ
عيونة ، شعره ، طولة ، شفتة ، وجهة كلة
مو نفسة ، هذا مو ذو الفقار الي شفتة اخر مرة مو هوَّ
متغيررر متغيررر
ضعفان وشعره ولحيتة طولانات والتعب ماخذ ثلثين حيلة
بدون تردد او خوف
ركضت عليَّ وهوَّ يعاينلي وعيونة تحچي قبل لسانة
حضنتة حيلل وصرخت بصوت عالي
- عمووووووووووو .