رُوحي على روحك تنسِحن
حِـن بـويه حِـن ..
حِـن عَمي حِـن .
بـ قلمي روايه المَـريانا
الكاتبه : فَـاطِـمه
___________________________
مَـريانا
_ السلام عليكم .
اكو بيهم ردوا واكو لا مستغربين
اردف رجال جبير
_ منو هاي الي وياك ؟
_ مرتي ، بويه .
من كاله هيج عرفته ابوه
حجه رجال ثاني هم جبير
_ چا هيج هيه لا تحجي لا تكول كبل
جبته تكول مرتي منين نعرفه احنه .
رجعت حجت وياه مره جبيره
_ اي يـ عمه شجاك غير تكول
اذا هيج تريد تزوج جان أخذت بت عمك
احسن من الغريبه شدرانه منين جايبه .
كتفت ايدي وجريت نفس
_ منين جايبني بـ رأيج ؟
_ الله أعلم .
_ الله اليعلم مو أنتِ فـ لا تظنين سوء .
حجت وحده شابه تكله بز تبجي
الدموع بعينه
_ انوب لسان انتَ من ليمته تحب الملسنه سُفيان .
_ يحبني أنا ولساني .
باوعلي رافع حاجبه وكاتم ضحكته
اردف مشدد على كلامه
_ الكل انطه رأيه خلص ؟ بعد لحد يحجي عليها أنا اعرفها زين ومأمن بيها اكثر من روحي
واليحجي عليها بعد يشوف شي ما يعجبه
قسماً بـ الله .
اشرلي امشي وراه وصدك اتبعته
صعدنه فوك طلع مفتاح
وفتح غرفه ودخلنه
مرتبه حمام بدايه الغرفه على صفحه
والغرفه جبيره بيه جربايه نفرين
وقنفه وحده جبيره
وكنتور رصاصي وميز مرايه هم رصاصي
وكراسي اثنين يم الميز
سحبت كرسي وكعدت
_ اهلك خوش بدايه وياهم .
_ تحملي .
_ هاي ياهي الشابه الحجت ؟
_ بت عمي .
_ تحبك مو ؟
باوعلي وسكت ما حجه بهل موضوع
_ رايح اجيب ملابسي من بيتي وجنطتج .
_ اوكف .
_ ها عيني .
رمشت عده مرات واردفت
_ جيبلي حلويات جوعانه .
_ خوش .
طلع وانا افرك بعيوني من البجي
يحركني ،
بقيت كاعده شويه واجه
وياه الجنطه خلاله يمي وراح
سديت الباب وفتحت الكنتور
شفت اكو نزلات سحبت وحده
خليتها على صفحه وسحبت وجه مال مخده
رحت للحمام بللته ورجعت للغرفه
مسحت بيها الكاع متربه مسحتها شكم مره
وعفتها بـ الحمام
رجعت فتحت الشباك ونكتت المخاد وخليت
الهن وجوه وفرشت النزله
عندي كلنس مبلل اخذته
ومسحت بيه الأثاث الميز والكراسي
والكنتور واخذت عطري ورشيت
صارت الريحه حلوه
شباك مفتوح والدنيا بارده وتوه ماطره
والعطر حلو
أنت تقرأ
المَـريانا
Fantasyفَتاة تَمر بِها عواصف مِن الكُمد لَكن هل تزداد هذهِ العواصفُ ثم تَختفي بِـ ظهورهُ ..؟، هَل سَيكون العَوض ونِهايه الحُزن لَها ، وهل سوف تَصبح له شيء ما يَخفي كُل سيء في ذاكِرتهُ ... احدهُما يصبح العَوض لِلاخر .
