#طشت خرز
كنوز القحطاني
وَلي
وصل لينا السرا وصرنا مراجيح
وكمنا ويا الهوا ديلاب نفتر
كبل چنا تلول انعاكس الريح
ياهو الي تكظه يكول عنتر
خلانا الوكت من نوكف نطيح
وتمشا الشيب بينا وبينا خظر
ذكرنا ايامنا الچانت تراويح
وظل حتى الدمع بلعين حجر
كبرنا وكبرت ويانا الملاويح
وجثيره جروحنا بدجات خنجر**********************************
اسيابدلت و كملت و زينب تفتر يمي لابسه الكعب مالتي خلت راسي يوجعني من الصبح
اسيا :- زينب كافي لا توگعين
باوعتلي تضحك و تزيد اطگطگ رجليها أكثر فتحت الباب صوت ليال تصيح من جوه البيت صار هوسه ولا عبالك توه الصبح كملت حطيت الابتوب بالجنطه و أوراق الطلاب
صححتهن هماسيا :- يله زينب ذبي كافي راح ننزل خاله خاله ليال تصيحج
هزت راسها بعناد ترص رجليها ع كعب أكثر
زينب :- ما... انزل بي
تنهدت بتعب گدتها و نزلنا و كل شويه تريد توگع ع درج ليال گاعده ع كرسيها بنهايه الدرج ادردم بغيض
ليال :- صرت جلب من النبح وانتِ ولا يمج ساعتين ياله تنزلين
اسيا :- شبيج اليوم گاعده من الصبح
ليال :- سمعت صوت سيارات و هوسه باوعت من الشباك أبوج مدري شعنده
شلت زينب نزلتها اخر درجتين و وگع الكعب هم نزلته وراها
اسيا :- ليال من تگولين أبوج احسج شايله طوبه و تشمريها عليَّ گولي ابويا شنو مشكلتج
شمرت شعرها ورا ظهرها مبتسمه و نطقت بعنجهيا
ليال :- لساني بي عظم
رفعت حاجبي هذه البنت لسانها متبري منها حطيت غراضي ع كرسي بين ما اروح لدوامي صرت وراها دفعت كرسيها و زينب ورانا اطبطب بالكعب اول ما فتحت الباب لفحني الهوى البارد التفت ع زينب
اسيا :- ضلي هنا الجو بارد لا تتمرضين ا
بعدني ما مخلصه كلامي عبرت گدامنا محد طلع عينها غير ابويه جريت نفس بتعب طلعنا وراها الحراس شاعلين نار واگفين داير مدايرها يتهامسون بموضوع
وگفت ليال العتلات بديها و ندارت عليَّ براسها
ليال :- كافي كافي عوفيني هنا خل اسوي تحقيق
هزيت راسي بيأس منها صاحت ع الحرس ضلت تحچي وياهم ،، رحت ع غرفة الحرس فتحتها شفت ولد شاب
نايم ع تخم و نوماس مسؤول الحرس ابويه يثق بي دا يسحب
دم من منه و ابويه واگف صافن عليه بترقب من فتحت الباب التفت عليَّ من شافني نحلت عگدة جبينه سئلته بأستغراب

أنت تقرأ
طشة خرز
Mystery / Thrillerطشت سنين المحبّة و من بگاياهن شلمّ ؟ مرّة تغفى جروحي بيّه و مرّة أحنّ وانلچم