نجوم محرقة وليل "دامس"

بارت ٤٩

#نجوم_محرقة_ولـيـل_ دامـس

للتواصل انستگرام// ze8.h

واتباد // zai9_hr

تصويت وتعليق بين الفقرات لطفاً

'''''''''''''''''''''''''''''
نام ليلك وانة انام
والنة الله الماينام
يشوفنة وعينة علينة
احنة غير الله شبدينة .
'''''''''''''''''''''''''''''''''''''''''''''''''''''''''''''''''''''''''
آســـــيا ;; واكفة اسوي چاي الـ عـــــمو ابين ما خليته
يتهدر رحت خليت العجين بالثلاجة ورجعت طفيته وغسلت الاستكاين وطلعت كاعده يمهم اموت على گعدتهم من صدك احس كاعده ويا امي وأبـــــــوي وبالذات عـــــمو كلش إنسان محترم خلوق

صبيتلهم جاي نسولف على مدارس و الامتحانات ما احس الا مشتاقه الايامي وبالتحديد سوالفنا اني ومـــــروة شقانه ضحكنا طلعاتنه وحتى قرايتنا سوه اووف شكد مشتاقتلها من صدك حسيت اريــــد بهالثانية يمها .

رفعت راسي العمه من تگلي
ام يونـــــــس :: يــــمة آســـــيا احاجيج

هزيت راسي اطلع القوري من الصينية وارجعة بتوتر
احجي
::- اي عــــمة وياج شنو گلتي ؟

- شبيج شو تـــــعبانة وجهج شاحب بيج شي كونج تـــــعبانة يا عــــمة روحــــي ارتاحي .

وفعلاً اجت بوقتها من الصبح ما طابه غرفتي افتر وبعد ما طلعت جـــــــنة بكوني اني البقيت فـ كلشي
عليه طاح هوَّ صح جانت قليل تشتغل بـــــس اقلها جانت تترس البراد ، مرات تغسل المواعين وكعدات عــــمة وعــــمو وچايهم عليها .

هزيت راسي اي وكمت
::- تمام رايدين شي .

جر العوچيه عـــــمو وخرها عن المركة ورتكة يسويلي
بايـــــــده .

- روحــــي عـــــمو روحــــي ارتاحي اذا رادت شي عمتج تصيحج .

طبيت متمدده على ظهري صافنه وبراسي كومة تفكيرات .

قهر تعب ملل من يونـــــــس وتصرفاتة الجافة من بعد
ما رجعني نزل بمعاملته للأسوأ كيفت من طلعت جــنه گلت بلكي يتحسن شوي بـــــس الما حاسبتله كــــــرم يأجر بيت بينا وبينهم بـــــس دربونه كلش قريبين وهو بعد ما طلعوا صار النهار ابد ما اشوفه يجي وحـدة ثنتين من الليل اسأله وگــــال دروس امتحانات وهيج وهيج لحد ما بزعت نفــــسي وبطلت أحاجي ولا اعاتبه والف راسي وانام من وقت المصبرني ومطول خلكي بهالزواج البطني .

جريت نفـــسي مرتكيه على راس جربايه ايدي تتلمس بطني وعلى ذكره والاحساس الجاي اعيشه ابــــتسمت