في قبضة البازخ

- محطة النهاية -

#في قبضة البازخ

بقلمي : ميرال علي

الطفاً لتنسون التصويت والتعليق ومتابعة حساب واتباد

أخذني من التعب يمك
چگارة بچفك أشعلني
أموت بسد أصابيعك
أخذني وياك من عندي
أخذني بأي حلم أرتاح
مو شرط بحلم وردي؟.

<~~~~~~~~~~~~~~~~~~~~~~~~~~~>

~ قُمر ~

واگفة مصدومة مـن كلامة وبابا صدمتة ما تقل بشي عن صدمتي بكلام محامي وكلام بازخ عرفت وحق الله عرفت راسم مخطط براسة وعرفت وره سكوته وهدوء مالته عاصفة مستحيل يخلي امور تمر بسلام .

بازخ : سيدي زوجتي احبها وما مفكر انفصل عنها وزوجتي كذالك تحبني بس ولدها يضغط عليها ؏ مود فلوس ويريد يبعدها عني .

_ احس مـن صدمة وكأنه اجة شخص وضربني راشدي بكُل قوته يا فلوس الـي دايحجي عليها باوعت ؏ بابا وجهها أصفر متعرق گعدت ؏ كرسي ما عندي طاقة بعد اوگف او اگول شي  انتهت جلسة بعدم قبول الطلاق احس صارت نغزات بگلبي قوية ضاق نفسي اريد اسحب نفس ما اگدر شفت موت بعيوني غوشت عيوني واخر شي اذكرك صرخت بازخ وركضته عليَّ .

صداع قوي نغرات بجانبي ايسر ريحة ديتول قوية فتحت عيوني مغوشة روئية غمضت ورجعت فتحت عيوني توضعت روئية واول شخص صار مقابيلي بازخ واگف متلهف دورت بعيوني ؏ بابا بس الاسف مشفته افكار صارت تتصادم براسي لـيـش بابا ما موجود يمي ؟؟ وين راح ؟ معقولة عافني ؟ بس هوه گال نسافر سوه لعد وين هسه ؟