#غزال الأجرام
بقلم: الـڪِاتبة دجـلة
عِيوني وچذبن ويَاي!
وين ألگه الصِدگ عِدمَن؟
ـــــــــــــــــــــــــــــــــــــــــــــــــــــــــــــــــــ❥❥
نامت على الارض غرگانه بدمها شكيت ثوبي وضليت اصرخ والنسوان التمت عليه
ام قاسم:- اويلي عليج يبنيتي
النسوان التمن فوكاها والزلم برا ورمي وابو قاسم اغمه
عليه قاسم وعمكم صارو بنص الزلم مكسروين
وهمام يريد يفوت يكتل نسرين على اساس يغسل عاره بس
ما خلوهم يدخلون ياخذوها كالوله نتأكد بنفسنه واختنه تشرفك وتشرف عشيرتك
والبشارع نصهم كالو احنه نشهد طب قاسم لكاها نايمه رفعت ايدها اله وماراح عليها
قاسم:- ما اضحي بيها اذا اكتلها اكتل روحي وراها
راح عمكم عليها ورفعها من الارض ونومها على الفراش وغسل وجها وجاب القران كللها
_اريدج تحلفين على القران بما انتِ بنيه طاهره ومتدينه وتعرفين الله تحلفين محد مسج وانتِ طاهره
رفعت ايدها وكالت
نسرين:- اقسم بالله اني طاهره ومحد مس شعره مني وزوجي ما تقربلي اول ما طبيت بيتهم بلش يضربني
كدام اهله وامه تكوله حرام عليك وابو يكله مينلام بيها خلوها شويه تنكسر عينها هيه وابوها العار
قاسم:- ميحتاج تحلف اختك احنه نعرف شنو تربيتنه ..
ابو قاسم صحـه وشال السلاح وكال
ابو قاسم:- اني اموت نفسي وارتاح احسن ماضحيي بـ بنتي ماخلي احد يتقرب الها يولو ماضحيي
وضل يلطم على راسه
قاسم:- بنتك طاهره وما عاش اليحجي بشرفها
4 ايام ونسدت السالفه وجدج راد يسكت الناس ماهتملهم وضل قوي رجعها تدرس وهيه من حجي الناس حته بالشارع ما خلصت "تكول اني ميته" من كسرتي
عليها وخوفي تروح للمدرسه وترجع استمرت هالحاله 7 ايام انتهى كلشي عمكم و قاسم ميطلعون من البيت بس جدج يروح للشغل ويرجع
و بيوم من الايام قاسم وعمكم راحو يجيبون مسواك وجدج نايم جوا وهيه دوامها ضهري وقبل لا تروح الضهر كلتلها "يمه تغدي"
كالت
نسرين:-" ماريد يمه اني راح اموت"
ام قاسم:- اسم الله عليج يمه لاتحجين هيج ان شاءلله بعدوينج
راحت المدرسه و بوقت رجعتها جانت الدنيا عصريه مدري
ليش كلبي احسه راح يطلع من صدري كعدت بالباب ارشه
كل مره هيه ترش الباب هالمره اني رشيته شوي و اجت ناجحه وفرحانه بنتيجتها
أنت تقرأ
غزال الأجرام
Romanceالفڪره مـن حُبك شنو؟ لا بـي فـرح لا شـي حـلو غـشيتني بـ ڪلمة دفو طلـعِت احضانـك بارده لا تنحـزر لا تنفـهم تجـرح ومـا عـِندك عِـلم خليـني اصحى من الحـلم ليـش الأذيـه الزايـده ...
