< العصر ، الديرة >
طلع عزيز بركض ينطق : يمه ماشفتي مبروكة ؟
ام محمد : لا ماشفتها
ناظر الباب مفتوح طلع يشوف سلطان يسقي الشجر
عزيز بصراخ : سلطان ماشفت مبروكة ؟؟
هز سلطان راسه بالنفي طلع عزيز من البوابة يدور لها عند البيوت شاف البيت اللي بجانبهم مضوي استغرب لانه ماكان فيه احد شاف الباب مفتوح راح عنده جيّم مكانه من عرفها من عيونها شعرها الاشقر الغامق وبحضنها مبروكة قطوته حك حاجبه من جمالها وفستانها الاسود صّد ونطق : ياهل البيت
فزت من مكانها من سمعت صوت غريب وقد سمعته من قبل راحت ورا الباب ونطقت : هلا مين انت ؟
ابتسم من تأكد انها هي من صوتها عزيز : شفتي قطوه بيضاء ؟
هو يعرف انها معها بس مايبغاها تدري انه شافها
ونطقت بابتسامه : هذي قطوتك ؟ مره حلوه
ناظر للباب عزيز : اي قطوتي
عقّدت حواجبها تنطق : انت اللي كنت بالسوبر ماركت ؟
ضحك يهز راسه بالايجاب ونطق : انتوا جدد هنا صحيح ؟
نطقت بابتسامه : ايه رجعنا من امريكا كنت ادرس هناك
عزيز باعجاب : اما عاد وش سوء المنقلب ذا من امريكا للديره ؟
ضحكت وضحك من ضحكتها ونطقت : جدي لزّم نرجع من امريكا للديرة ورجعنا
عزيز باستغراب : ومنهو جدتس ؟
هي بابتسامه : جدي احمد بن فيصل ال نايف
عزيز بصدمه : دقيقه اخوتس مُلهم ال نايف ؟
عقّدت حواجبها تنطق : اي من وين تعرفه ؟
عزيز بابتسامه : صديق الطفوله
شالت مبروكة ونطقت : طيب نتفق اتفاق يا...
قاطعها ينطق : عزيز
ابتسمت تنطق : تشرفنا ياعزيز معاك وطن
عزيز : اسمتس حلو
وطن : ثانكيو
عزيز باستغراب : وشهو !
ضحكت وطن : يعني شكراً ياعزيز طيب نرجع للاتفاق
بعطيك رقمي عشان تكون قطوتك بيننا عاجبتني موافق ؟
عزيز : ايه عادي
سجل رقمها ونطقت : وش اسمها ؟
عزيز : مبروكه
ضحكت بصدمه وطن : تمزح !
عزيز : والله
وطن بابتسامه : ممكن تجلس عندي اليوم وتاخذها بكره ؟
عزيز : ايه عادي انتبهي لها
هزت راسها بالايجاب ونطقت : مع السلامه ياعزيز
حك حاجبه ينطق : الله يحفظتس
راح يركض لجده بالديوانية ونطق : ياجد رجع احمد ال نايف
فز الجد ونطق : تحكى صادز ؟
عزيز : والله ياجدي
ابتسم الجد بفرحة من عرف برجعة اخوه وصديقه وعشيره من الطفولة وهم مع بعض وتفارقوا بسبب يروح يدرس حفيدته بامريكا ونطق بابتسامه لعياله : روحوا للحريم قولولهم عندنا ضيفه اليوم اخوي وصديقي احمد رجع
قاموا العيال يجهزون للضيفه وعزيز راح يقول للحريم
ورجع عند الجد ونطق : ياعزيز امش نروح لهم
هز راسه بالايجاب يروح مع جده تقدم يرن الجرس دخلتهم الخدامه وجلسوا بالحوش طلعوا الجد وخَلفه حفيده مُلهم صارخ الجد احمد من شاف الجد محمد حضنوا بعض وهُم يبكون نطق الجد محمد : ارحب ارحب ياغلا من جاء
الجد احمد : الله يبقيك يالغالي
حضنوا بعض عزيز ومُلهم عزيز : اقسم بالله اشتقت لك ياحمار
مُلهم : والله حتى انا يالخوي
ناظرها عزيز تناظر من الشباك ابتسم واستحت تقفل الشباك جلسوا عزيز ومُلهم مع بعض والجد احمد والجد محمد سوا ، بمنظر حلو الاحفاد اصدقاء والاجداد اصدقاء
عزيز بابتسامه : كيف امريكا ؟ باين غيررتك
مُلهم : ياخي والله مافي زي نجد هناك نفسيه ينامون تسع الليل
عزيز : والله طفشت من سلطان زين انك جيت
مُلهم : كيف هو سوسو والله اني مشتاق له الحيوان ؟
عزيز : ابشرك بخير امش نروح له
قام مُلهم مع عزيز دخلوا الحوش ونطق مُلهم بعلو صوته : ياسوسو
ناظر سلطان وابتسم من عرفه من صوته : مومو ؟
ضحك مُلهم يروح له يحضنه ونطق : كيفك ؟
سلطان : نحمد الله كيفك انت ؟
مُلهم : بشوفتكم عز الله اني بخير
عزيز : الله يسعدك ياشيخ كبرت ثقتي بنفسي
ضحكوا العيال ونطق سلطان : نورت نجد والله
مُلهم : ياحبيبي والله بنورك
سلطان : عز الله ماعاد بنشوف جدي
ضحك عزيز ينطق : اي والله عشان جدي احمد جاء
ضحكوا يجلسون مع بعض ويسولفون
< عند ابطالنا >
قامت تشوفه على جواله ويدخن بالبلكوانه راحت للحمام وطلعت لبست فستان احمر ضيق وحطت ميكب خفيف وطلعت له نفث الدخان من شافها كذا تأمل كل آنش فيها حكت حاجبها بخجل من نظراته وجلست بالكرسي اللي قدامه ونطق : تعالي بجانبي
قامت تجلس بجنبه ضمها من على جنب وحاوطها واختلط ريحة الورد مع العود انزعجت من قُربه اللي يوترها ونطقت بربكة : مانطلع ؟
ذياب : إلا بنروح حاجز بمطعم
آلماس : طيب قوم اذن العشاء ترا
قام يلبس انزعجت من ريحة الدخان اللي بالبلكونه
ناظرته لابس بدلة رسميه ابتسمت باعجاب وقامت له ونطقت : شكلك حلو اول مره اشوفك كذا ! قبل عصبه وثوب
ضحك يبخرها معه ونطق بغيره : لا تطلعين بفستانس ذا
آلماس : شدعوه بلبس جاكيت طويل لا تخاف
راحت تلبس كعبها وتاخذ جاكيتها وشنطتها وتطلع معه للمطعم مسك يديها وركبوا السيارة وراحوا للمطعم تعشوا وخلصوا وقام ينطق : الحين نروح عند برج إيفل نتمشى
قامت تمسك يده ويتمشون وصلو لبرج إيفل طلعت جوالها تصور حضنها ذياب بنص التصوير ضحكت وصورته مسك يدها يدورها ووثقت كل شي بجوالها ضحكتها ودلع ذياب لها وخجلها راح ياخذ لهم ايسكريم ابتسمت تناظر ونطق بغمزه : اخذت لتس ايسكريم وردة مثلتس
ضحكت تصوره فتحت التيك توك وحطت ساوند روز بتريس وتصوروا مع بعض وهو يأكلها الايسكريم
طاح الكاب من على شعرها وانتثر كله انصدم وغطاها بسرعه ونطق : اخو العيال
ضحكت بعّلو صوتها آلماس : اخو العيال حتى بباريس !
غمز لها ونطق : مانسينا تناديني البدّوي مع اني موديتس لفرنسا ؟
غمزت له : بتبقى بدّوي وشايب بعد
ضحك ذياب : يعني انا الشوقر حقتس ؟
ضحكت تهز راسها بالايجاب ونطق بصدمه : امشي نرجع للديره اجل
مسكت يده آلماس : لا امزح والله
< بيت الجد احمد ، الديرة >
ناظرت فستانها الاحمر خلصت شعرها ومكياجها راحت تلبس فستانها الاحمر الماسك على جسمها اخذت شنطتها الابيضاء ولبست كعبها الابيض وعبايتها ونزلت لجدها واخوها اللي ينتظرونها ونطق مُلهم باستغراب : وطن مين القطوه ذي ؟
وطن بربكة : لقيتها بالشارع واخذتها
الجد احمد بحده : مو وقت تحقيق وين امك ؟ تاخرنا على الناس
نزلت ام مُلهم من الدرج ونطقت : هذاني جيت
طلعوا سوا ابتسم الجد احمد يناظر الناس اللي يستقبلونه شاف عزيز وطن وامها بين الرجال وراح لهم ونطق : باب الحريم منّا
ابتسمت تناظره وتناظر كشخته رفع عيونه لعيونها اللي تُدل انها مبتسمه ابتسم لها ام مُلهم : انت عزيز ولد بدور ؟
عزيز : الله الله وصلتي خير ياخالتي
بدور بابتسامه : بسم الله عليك كبرت وصرت رجال
عزيز : الله يطول بعمرتس ياخاله
دخلوا وطن وامها من باب الحريم وسلموا على بعض وقلطهم بالمجلس جلست ريناد بجانب وطن ونطقت : وش اسمتس ؟
وطن بابتسامه : وطن وانتِ ؟
ريناد : معتس ريناد ، بسم الله عليتس جمال
مو طبيعي
وطن بخجل : ياقلبي والله انتِ الجميله
ريناد : صدق كنتوا بامريكا ؟
وطن : ايه كنت ادرس هناك
ريناد : ما شاء الله ، اول مره اشوف فستان احمر حلو على وحده
وطن استحت واخذت القهوه تشرب ونطقت : تخليني استحي كذا طيب
ضحكت ريناد تقوم تصب قهوه وتوزع حلا وبالها مع صقر كيف هو قامت وطن لريناد ونطقت : ريناد ياقلبي وين الحمامات ؟
ريناد : اللي هنا صيانه روحي اللي بالحوش من ورا
هزت راسها بالايجاب تاخذ شنطتها وتطلع بفستانها الاحمر الماسك كان ينادي الهنوف تسوي القهوة تنهد وطاحت عيونها على اللي لابسه احمر عرفها من عيونها ركز بتفاصيلها رفعت شعرها من على وجهها تنزل تاخذ روجها اللي طاح عقّدت حواجبها تسمع شي طاح ناظرت يمينها تشوف عزيز طايح على الارض كان بيتخبى بس طاح على المويه اللي بالحوش راحت تركض له وانحنت له تنطق : بسم الله عليك بخير ياعزيز انت ؟
نست من نفسها ومن لبسها العاري والماسك ماركز وش هي تقول مابينهم الا ريحة عطرها وعطره استوعب على نفسه من نادته اكثر من مره ونطق يصد : لا والله ماني بخير
عقّدت حواجبها وهو يقصد انه بعد ماشافها كذا ماهو بخير نطقت بخوف : انادي اخوي طيب ؟
عزيز بصدمه : لا وش اخوتس يابنت الناس
قام وقامت امامه راح للرجال وطلعت الهنوف تنطق : وين راح عزيز ودلّة القهوه ماخذها !
راحت وطن للحمام تعدل مكياجها ابتسمت تناظر بنفسها باعجاب
< عند الرجال >
رجع عزيز للرجال ونطق سلطان بحده : ياحمار وين الدلّه ؟
حك حاجبه عزيز : نسيتها
ضحك مُلهم : مانت على بعضك ياعزيز الله واعلم وش شفت
عزيز بنفسه : اجل لو داري وش شفت بتكفخني هنا
جلس عزيز بجانب مُلهم ونطق سلطان : وتجلس بعد اقسم بالله مانت بصاحي
عزيز بملل : ياخي طفشت من اليوم وانا اصب يدي تعضلت حتى
ضحكوا العيال عليه جاء محمد ونطق : ياحمار انت وياه علامكم ماتقهوون الرجال ؟
عزيز : بحط لهم الدلّه بالنص وكل واحد يبي قهوه يقوم يصب لنفسه
سلطان : فكره حلوه والله
عزيز بهمس لمُلهم : مُلهم انت وحيد ؟ ماعندك اخوان
' يبي يعرف عمر وطن '
مُلهم : لا عندي اخت وطن
عزيز بتمثيل : اما كم عمرها ؟
مُلهم : 20 سنه
هز راسه بالايجاب عزيز وبينهم خمس سنوات
الجد محمد بصراخ : ياعزيز وين الدلّه
عزيز ماشاف سلطان ونطق : سلطان راح يجيبها
سلطان بضحك : ياغبي هذاني بجنبك
عزيز بخوف : بسم الله كيف جيت هنا
ضحك سلطان عزيز شاف عز يروح للحمام ونطق : ياعز الله لايهينك جيب الدلّه معك
عز : سمّ
سلطان : الله ياخذك كيف توصي الضيف ؟
عزيز : عادي وش فيها ؟ وبعدين تعبت انا اعتقوني لوجه الله
مُلهم : قم انا بساعدك يالخوي
عزيز قام بابتسامه وحضنه : سوسو ابشرك صار عندي عضيد مثل ذياب وصقر
ضحك سلطان بعّلو صوته وناظر ضيدان بجانبه ونطق : اخبارك يابو فهد ؟
ضيدان : الله يسلمك ياسلطان بخير
سلطان : دوّم ياحبيبي
ابتسم ضيدان يفتح جواله يناظر وهج رسالتها اللي هي : انت موجود بالعزيمه ؟
رد عليها : ايه بغيتي شي ؟
وهج : لا سلامتك
ضيدان : مالي نصيب اشوفتس ؟
وهج : لا ماقدر
قفل جواله بغضب
< عند عز >
ناظر المطبخ ودق الباب طلعت له الهنوف اللي تحسب انه عزيز شافها بفستانها الابيض وشعرها الاسود منفرد على ظهرها زفر بتوتر ولاول مره يشوف وحده غريبه كذا حك حاجبه يصد ونطقت الهنوف بصدمه : عز ؟
عز بابتسامه : كيفك يابنت الاجاويد ؟
الهنوف : الحمد لله بخير كيفك انت ؟
عز : نحمد الله
الهنوف : شفت اسمك افضل دكتور بالمملكه الف مبروك تستاهل
عز : الله يبارك فيك
الهنوف باستغراب : وش تسوي هنا ؟
عز : عزيز وصاني اجيب الدلّه
ضحكت الهنوف : شفيه عزيز ماهو من جده !
رفع كتوفه بعدم معرفه ودخلت تجيب له الدلّه اخذها ونطقت : كيف عهد ؟
عز : تسلم عليك
الهنوف : الله يسلمها وسلملي عليها
عز : يوصل
راح ورجعت تدخل عند الحريم
< عند عزيز >
آخر الليل يحاول ينام ماقدر تنهد بطفش وكل افكاره وتخيلاته عنها وعن فستانها الاحمر وخوفها عليه وشعرها الاشقر غطى وجهه بتعب يقوم من المقلط طلع للصالة يشوف الكل نايم مافي احد اخذ جواله يرسل لمُلهم مارد قفل جواله وفكر اكيد انه نايم طلع من البيت يناظر الهدوء بالليل والقمر تعمق بالنظر للقمر ونطق بابتسامه : مير انك تذكرني بخلّي ياقمر
ضحك وراح للديوانية يسوي له شاهي على الجمر حط الحطب ونطق وهو بهواجيسه :
أنا الظاهر اني طحت فالحب ماسميت
تغيرت لي يومين ماعرف وش جاني
أنت تقرأ
الله ياغرامٍ اعذّب من قصيَد
Poetryالكاتبة ألين انتي دليل الشعر لا حَل هوجاس أحيان أصب الشعر وأحيان أصبّتس شوفتس يشد العين ويشدّ الأنفاس مفتون منهو ذاق جرحتس وطبتس الياس ما يدخلتس والقد ميّاس يالمايس اللي كل ما ضقت أذبّتس أحيان أحبتس مثل ما تفعل الناس وأحيان لا والله "...
