عند ميلان وشجاع وصلو الديره وقف السياره وشاف سيارت رجال عند البوابه حقت الحوش و المدخل وجنب البوابه باب صغير لمدخل الحريم التفت لميلان الي تظبط نقابها نطق بحده: اصبري شوي لا تنزلين انا با انزل اشوف لك درب؟
ميلان تجاهلتها وفتحت الباب ونزلت شجاع انصدم وبنفس الوقت عصب ناضرها كيف مرت جنب الرجال وتجاهلت كلامه نزل بعصبيه وكل شياطين الارض راكبتنه صكر الباب بقوه دخل بهيبته كانو كل الناس يهابونه ويحترمونه وبنفس الوقت يخافون منه اذا عصب وصل عندهم رفع يده يسلم ونطق بصوته العالي و الخشن: سلام؟
كلهم ردو السلام بصوت واحد دخلو المجلس كلهم وبدو يقهوون الضيوف كان شجاع مستغرب سبب وجودهم الان خلصو قهوه وجلسو
نطق الجد: تراكم كلكم معزومين لعرس حفيدي شجاع بن هزاع بن شاهين ال سيف على بنت عمه ميلان بنت محمد بن شاهين ال سيف و ان شاء الله بيكون بعد ثلاث ايام؟ كان يحاول ما يبينون لناس سبب زواجهم:
بدت تعلو اصوات التباريك لشجاع و التهاني وخلصو وكل شوي يفضاء المجلس من الضيوف تبقاء عائله ال سيف
نطق راكان: تراء انا بعد شوي بروح اودي البنات الرياض يخلصون؟
كلهم هزو راسهم بمعنى تمام خرج راكان هوه يفكر بميلان يحب ميلان كثير لدرجه ندم انه تكلم معها بهاذا الاسلوب يوم الاسطبل خلاص نسي الموضوع وحب يرجع علاقته بميلان ومعاد يهمه الي صار هو كان يحب يجلس يسولف لميلان ويفضفض لها وكانو كل يوم يتجمعون في السطح البنات و ركان ويسولفون حب يرجع كل شي زي مكان بس مش داري هل بتتفهمه ميلان نفاء كل هاذي التفكيرات وتوجه عند البنات في الحوش الخاص بل البنات
عند البنات كانو جلسو حول بعض و الشاهي و المكسرات حولهم كانو يخططون لزواج ومنتضرين ميلان دخلت ميلان وناضرتهم متجمعين ابتسم لهم واشتاقت للجلسه مهم تقدمت وعلى طول نطت اريج وحضنت بقوه تالمت ميلان بقوه اثر الجرح الي بضهرها حاولت قد ما تقدر ما تبين لهم شي وخرت اريج وشافت وجه ميلان احمر استغربت ونطقت: ميلو فيك شي شجاع سوا فيك شي؟
ابتسمت ميلان: لا وش با يسوي فيني مثلآ بس سولفنا وجينا بس ايوه وش تسوون بدوني يا خونه؟
ابتسمو كلهم من شافو حالت ميلان بدت تتحسن وترجع زي اول كلهم جلسو و يسولفون بين السوالف نطقت ميلان: خير وش تخططون له و فرحانين كذا؟ ميلان ما كانت تدري انه تحدد زواجها:
كلهم استغربو ونطقت رفيف: سلامات يا هوه فين انتي نخطط على وش نسوي في عرسك؟
رفعت حاجبها بعدم فهم ونطقت: هي انتي وياها وش زواج؟
نجد نطقت: ميلان ان كانك تستغبين علينا بلا هبل خلينا نجهزك وترا بعد شوي عمي ركان با يودينا السوق الرياض؟
ميلان انصدمت بقوه وقامت: وش تقولون انتي وياها وش زواجه تراء ما ادري بشي ون كان مقلب من مقالبكم المخيسه بلا هبل؟
اريج قامت وهي مستغربه ونطقت: ميلان وش فيك ما علمك شجاع مو انتو رحتو تتفقون على الزواج جدي قال ان الزواج بعد ثلاث ايام و عزم الكل؟
ميلان بدت تعصب ونطقت بحده: وش تقولون انتو وش بعد ثلاث ايام مو يعني اني قبلت اتزوجه خلاص يمشون كل شي على كيفهم تراء مسخوها كثير بس عاددد مو كذا ونا مارح ارضاء الان يسوون الي يسوونه معي اخر امتحانات من الثنويه واخر ترم واتخرج بعد اربع ايام بتبداء ماني فاضيه لهاذي المسخره؟ راحت وتركتهم بصدمتهم
نطقت رفيف: بنات شكلها ما تدري وش فيهم صدق مسخوها غصبوها تتزوجه ومو لذي الدرجه الان يغصبونه على الزواج؟
سحاب نطقت: بنت ولله صدق احسها مارح تركز في الامتحان تراء ان نقصت درجه راح يروح تعبها كله؟
قامت اريج ودخلت شافت في الصاله امها و عمتها وجدتها تقدمت وجلست قبال جدتها
ونطقت اريج: تكفين يا جده كلمي جدي ياخر الزواج شوي؟
نطقت ام شجاع: وش تقولين يا اريج وش ياخره تراء هو مو لعبه الزواج وخلاص خلصنا عزمنا الناس?
الجده فاطمه نطقت: وليش تبغينا ناخره؟
اريج نطقت: اول حاجه تراء ميلان الان علمنها وهي ما تدري كانت يعني المفروض هي تدري قلبنا كلنا وثاني حاجه تراء معنا اخر امتحان بعد اربع ايام و تخرجنا يعني مارح تقدر تركز حرام عليكم مو كذا يا جده؟
تنهدت الجده بتعب على حاله حفيدتها تحب ميلان اكثر شي ونطقت: وش بيدي يا بنتي تعرفين اذا قال شي جدك هوه يتنفذ ونا ما اقدر اسوي شي وميلان ولله ويشهد علي الله اني ماني براضيه على الي يسوونه فيها بس وش اسوي مافي بيدي شي؟
نطقت نوره: لا تخافون ان شاء الله ربي بيسرها و با تتزوج و با تروح لامتحانها و با تتخرج بس لا تحاتون ميلان شاطره في دراستها ومارح تخليها؟
راحت اريج بياس منهم وخرجت عند البنات وجلسو يسولفون دخل عليهم راكان ونطق: وش عندهم الحلوين زعلانين؟ تقدم وجلس عندهم وحضن اريج وسحاب
نطقت أريج بتعب: عمو تكفى رح حاكي ميلان تراء عصبت على موضوع الزواج ما تبغاه الان؟
قام راكان واشر على خشمه ونطق: على هاذا الخشم ابشرو انتو روحو تجهزو شوي وبنحرك لرياض وميلان انا بنزلها معي؟
ابتسمو البنات وراحو يتجهزون وراكان توجه لغرفه ميلان ما يدري كيف يا يحاكيها عقب الي سواه تنهد بتعب ودق الباب
أنت تقرأ
بيني وبينك حب ما يعرف النهايات ولا يوقف عند الحدود
Randomهو عسكري من الديره معروف بعصبيته المفرطه وهيبته بالمكان يكره طاري الزواج ويهرب منه ولا يحتك بجنس حواء يطيح بحب بنت عمه المعروفه بدلعها ورقتها تزوجو بل الاجبار سبب قصه صارت لبطلتنا واطرو يتزوجون وتجننه بتصرفاتها ويحاول ما يبين حبها له يبين لها انه يك...
