نطقت ميلان بغصه: وش اقول هاه اقولش ان فهد تحرش فيني ومحد راضي يصدقني كلهم صدقو فهد ونا ليش قولي لي ليش؟
ناضرت فيها بصدمه وعدم استيعاب نطقت: وش وش الي تقولينه تسمعين وش تقولين فهد ولدي ما يسوي كذا اذا تبغين تتهمين احد وتعملين فضايحك فيه وخري من ولدي وخري؟ خرجت من عندها وهي معصبه ومش مستوعبه وش الي تقوله ولدي فهد ما يسوي كذا؟
(عند الرجال وصل الشيخ)
نطق الشيخ: يتقدم عندي العريس و ابو العروس؟ تقدم شجاع وعمه جلسو قبال بعض
نطق الشيخ: قل زوجتك ابنتي على سنه الله ورسوله؟
ابو ميلان كان يحاول ينطقها بس يحس بسكاكين بصدره واحساس حرقه تمنى يزوج ابنته وهو فرحان بس مش بذي الطريقه تكلم بغصه وعيونه تحجرت دموع: زوجتك ا ابنتي على سنه الله ورسوله؟
التفت الشيخ لشجاع: قل قبلت؟
شجاع كان في هاذي الوقت يفكر كيف بتكون حياته وحياتها من بعد ما يرتبط اسمها باسمه يبغاء يعيشها حياه ما تتمنها لانها من سببها تزوج بهاذي الطريقه نطق: قبلت؟ خلصو كل شي و التوقيع نطق الشيخ: تفضلو اعطو العروس توقع؟
نطق الجد: عمر اعط اختك توقع؟ حمل العقد واتجه لاخته وهو يرتجف كان كاره شوفتها بس مايبغا يكسر كلمت جده تقدم عند باب المجلس ونطق: خلو تنزل ؟ استكثر حتى ينطق اسمها الي كانت كل ما يتضايق يروح يفضفض لها بس الان حتى اسمها استكثر ينطقه
راحت نوره تنادي ميلان نزلت ميلان كانت خلاص معاد يهمها شي في الحياه اهلها وتبرو منها و زوجها غصب عنها وهي ما سوت شي تقدمت عند عمر رفعت راسه تناضره منزل راسه يناضر الارض كانت تشوف تحجر دموعه بس تذكرت كلامه يوم قالها ماعندي اخت حملت العقد وقعت وهي تبكي خلصت وناضرت عمر نطقت بحرقه: مارح اتكلم كثير بس با قولك كلمه بيجي اليوم وتعرفون وش سويتو وتعرفون غلطكم وانكم دمرتو حياتي بنفسكم بس مارح اقد اسامحكم؟ نطقت كلماتها وراحت من عنده
عند عمر سمع كلماتها رفع راسه وناضرها يوم راحت شاف توقيعها ون اسمها ارتبط باسم شجاع تنهد بغصه وحرقه حاول يهدي نفسه قبل ما يدخل دخل واعطاهم العقد وخرج كاره المزرعه ويلعن الساعه الي اجو فيها اتجه للمستشفى يحاول يشغل نفسه بشي
عند ميلان تعبت من البكي صارت ما تتكلم ولا تاكل ولا تنام كانو البنات يحاولون يكلمونها بس هي تعبت من الكلام وصارت تتجنبهم لبست طرحتها وغطت نص شعرها وكانت لابسه مخور هادء خرجت وتوجهت كان في المزرعه مشتل صغير كان فيه ورد وكانت امها الي زرعته توجهت للمكان وجلست فيه تبكي بحرقه
عند شجاع بعد ما عقدو ناضر في فهد بصدمه شافه يبتسم وبنفس الوقت متوتر عقد حاجبه ونطق: فهد تعال معي ابغاء اكلمك؟ عند فهد بعد ما سمع شجاع يناديه توتر ورجف خاف انه كشفه جاته افكار انه اكيد كشفه توتر وخرج توجه عند شجاع نطق فهد بتوتر واضح: و وش تبغاء؟
رفع حاجبه شجاع بصدمه يوم شافه متوتر نطق: ابغاء اتكلم معك بس انته ليش خايف وترجف؟
ابتسم بسخريه ياحاول يخفي توتره نطق: وليش اخاف و اخاف منك انت الا اقول وش عندك لاني ماني بفاضي لك؟
شجاع مسك فهد من ياقته بهدواء ونطق: اذا بتتكلم معي تكلم باحترام فهمت واعرف تتكلم مع من بس فيني فضول كيف عرفت ان ميلان في الاسطبل؟ هاذا السوال شاغل بال شجاع يبغاء يعرف كيف اجاء؟
نطق فهد بتوتر وفضح نفسه: مدري مدري خلاص لعاد احد يسالني انا شفتها و علمتكم؟ راح جري من عند شجاع؟ عقد حاجبه بصدمه وشك شافه توتر وخاف من سواله اذا كان صادق با يتكلم دون خوف بداء الشكوك تضهر لشجاع بس كل ما حاول يبريها يتذكر ليله البارحه يوم شاف واحد يحضنها عند الشجر توجه لباب المطبخ وقف وتذكر يوم دخل وشاف ميلان وخر تفكيراته وطق الباب خرجت له اريج نطق شجاع: نادي لي ميلان؟
تافافت اريج ونطقت: خير خير وش تبغون فيها خلاصص عاد ارحموها شوي من البارح نسمع شهقاتها ولا رضيت تاكل من البارح خلاص عاد اذا جاي تجرحها بكلامك رح الي فيها يكفيها؟
نطق شجاع بعصبيه: اقول يا البزره صوتك لا يرتفع وثاني شغله مالك دخل وش ابغاء بحرمي فهمتي نادها وبس؟ سكت واستوعب يوم نطق حرمي حس بشعور غريب بس تجاهله نطقت اريج: شفتها راحت لعند الورد بس تكفى شجاع الي فيها مكفي؟ قاطعها من راح شجاع تافافت وراحت
أنت تقرأ
بيني وبينك حب ما يعرف النهايات ولا يوقف عند الحدود
Randomهو عسكري من الديره معروف بعصبيته المفرطه وهيبته بالمكان يكره طاري الزواج ويهرب منه ولا يحتك بجنس حواء يطيح بحب بنت عمه المعروفه بدلعها ورقتها تزوجو بل الاجبار سبب قصه صارت لبطلتنا واطرو يتزوجون وتجننه بتصرفاتها ويحاول ما يبين حبها له يبين لها انه يك...
