ظلام اليالي

بارت (5)

{بســــم الله الرحمن الرحيم}

بقلمـي:  شهد آل ابراهيم
Sh9hd_96

بنات لا تنسون التصويت
والتعليق بين الفراغات
بدعمكم نستمر بعون الله ♥
ـــــــــــــــــــــــــــــــــــــــــــــــــــــ

يلم بيـة الحـزن ساعـة وألـم بيـه
وعليڪم گلبي يوجعنـي وألم بيـه
الحزن تفصال ومخيـط وألم بيـه
لبستة وما قبل يعتـگ عليـه....

--------------------------------------༻

﷽

ليـال:-

من كلامة ضليت لا اخذ ولا انطي بس اباوع عليهم وعلى مهزلة هل رجال اللي مدري منين طلع النا صفح يحچي وهوة مسيطر والوض بل تمام و يمة جداً هدوة وعادي ولا ڪئنما جاي احترگ بنار من حچية اللي مال واحد يچفص بطنة..

مُنفـع: ها حجي شگلت بس انا اگول حت لو رفعت دعوة عادي المهم تنطينة هل نعمة العندك يعني.   وأن شاءلله تكون بدون اعتراضات ووو انتَ تعرف ههههه

كمل كلامة وضحك ضحكة مستفزة على انتصار ومبين عليه حيل واثق ولا يهمة كلام احد
رد عليه ابوي وهوة محمل غضب..

احمد: شو انتَ ما تستحي بنص بيتي وهيج تحجي على بنتي گوم منا لا بارك الله بيك ياا عديم الشرف اطلع وبعد لا تجي على بيتي يلاااا اطلعععع

صاح عليه ابوي وهوة ولا يمة رمة ستكانة الجاي على الميز وگام يعدل بسترتة بكل هدوء فتح الدگم. وحط اديه بجيوبة ورفع راسة وهوة يحچي ويا ابوي بكل هدوء بس ممزوج بغضب ومركز وكلامة مبين انو على تهديد...

مُنفـع: تمام حجي على راحتك العلية انا جيت وانطيتك خبر حتى اذا صار شي بعدين لا تلومني لان تعرف كلش زين شنو اگدر اسوي
ولا نطول يمكم انا رايح وبكل هدوء وتعرف ورة الهدوء شنو يصير حجي احمد حذرتك بعد.

احمد: شنو انتَ تهدد وبنص بيتي شو صدگ بايعها احترم نفسك احسلك مُنفـع لا عبالك ساكت خوف منك بس لان چنت اعرف شنو افضالك وانا مو ناكر للجميل مثلك ف امشي منا وبدون مشاكل وراك احسن للجميع

مُنفـع: لا تخاف انا طالع،
وانتَ ما خلصت السافة وياك يا حلو

حچة اخر كلامة وهوة يباوع علية طلع ورحت طبگت الباب حيل وراه وانا افوور لان ابوي ما قبل احچي وما اگدر اكسر كلامة رحت عليه وانا محملة طن شكوك وشنو اللي خلى ابوي يشتغل وياهم وشنو الفضل اللي سواه هاذا الحقير وهاي اول مرة اسوف ابوي هيچ.

ليـال: بابا شنو شغلك وياهم وشنو الفضل اللي مسوينة عليك وشجابك يم هيچ ناس احچي وفضني خلصني من دوامتيي