نجمة سهيل

༘21✶ ⋆｡

﴿لا تحزَنْ إِنّ اللهَ معَنَا﴾

⊱──────────⊰
نجمة سهيل
بقلم الكاتبه
نجد الدليم
⊱──────────⊰

أَوَل مَرة أَعبر
من ضَباب الجام
لا أَسمَك كتبتَه
ولاعفت ذكرى

نجمة _ مرت ايام عاديه بين تفكير ولوم رجعت أداوم بس بقدر المستطاع أحاول ما احجي ويا ولا التفت له اذا هو بمكان اني اروح لغيرو واذا هو مشى بنفس الطريق اغير مساري
لو فهد يدري بكلامه حته ما يصالحو الا يكسرو مثل ما كسر ارشد

قمر _ ضي شبيج مو عاجبتني صار كم يوم مريضه شي

ضي _ ها لا مابيه شي

شمس _ من رحنا اخر مره لبيت ام فهد رجعتي الطريق كله تصفنين

قمر _ مو بس ضي كلها رجعت تصفن

شمس _ انبجي

سما _ اي صدك حته من تنامين تضلين تتكلبين مو مرتاحه

ضي _ يمكن لان غيرت مكاني

قمر _ صار لج شهر يمنا اليوم يلا حسيتي

دلال _ اذا بيج شي كولي تا اخذج للطبيب

شمس _يمكن من الصدمه الي صارت وياج اخر شي

ضي _ اي يمكن خل اكوم اغسل نحط ريوك

قمر _ اني رح اروح كدامج للمطبخ

ضي _شلون اخليهم ما يحسون بيه هفف لازم اضل طبيعيه ما اتسرع بشي ولا انجذب له يمكن مجرد إعجاب يمه احس كلبي يريد يكف من اذكر اعترافه لي من رحنا عليهم

يمان _ دخيل ربج شطالعه اليوم
تخسين يولي بعد لا تطلعين كدامي ولا اشوفج هيج لابسه

ضي _ حلوو

يمان _دكول حلو بنت الذين يولي صكعه وعثره مو بس حلو

ضي _ ما افهم على مفرداتك

يمان _عجل يأبه ابوج دليمي ما علمج على حجينا

ضي _ لاع اعرف شويات بس

يمان _يولي يا ام شويات كلبي هاويج

ضي _ شنو يعني

يمان _ يعني رايدج