الله ياغرامٍ اعذّب من قصيَد

33

ابتسم من الفكره اللي جتّه ويبي يشوف اذا هي تحبه ولا لا ارسل : اخت زوجة ذياب لا تعلمين احد
شهقت ونزلت دموعها وكانت تحسبه بيقول انتِ بس خاب توقعها قفلت جوالها وطلعت غرفتها جلست على فراشها ونطقت : مستحيل ريناد لا لا ياضيدان ليه تسوي كذا فيني !
ناظرت جوالها من وصلتها رساله منه : وين رحتي ؟
رمت جوالها بقهر ومسحت دموعها وفتحت جوالها ترسل له عشان ماتبين له انها تحبه : موجوده بس ماتوقع ريناد بتوافق صغيره هي !
ضيدان ضحك من عرف انها تحبه وارسل : ماعلينا متى دوامتس ؟
وهج : مالك دخل ، وبعدين ليه تراسلني وانت تحب وحده ثانيه !
ضيدان : ابي جلسات نفسيه عندتس
وهج : روح احجز بمستشفى """""""" ماتجيني برقم جوالي
ضيدان : نسيتي انتس انتِ اللي معطيتني كرتس ؟
وهج : هذا قبل لا انقبل بالمستشفى
ضيدان : طيب متى يبدا دوامتس ؟
وهج : بكره بالصباح ان شاء الله ، ليه بتجي ؟
ضيدان بابتسامه : لا عندي دوام مايمدي
قفل جواله وهو بس عنده توقيع مو دوام يبي يفاجئها
< عند ابطالنا >
طلعت الشنط بحماس وفتحتها تجهزها للسفره دخل عليها ذياب وابتسم من شافها تجهز جلس على السرير ونطق : شرايتس نروح للمول ؟
آلماس : ليه ؟
ذياب : نتقضى للسفر واشتري لي ملابس
هزت راسها بالايجاب وقام وقال : شوفيني تحت انتظرتس
اخذت عبايتها وشنطتها راحت عند المرايه تتنقب وحطت ماسكارا ابتسمت ونزلت تشوف ذياب مع اخوانه يسولف ناظرها وقام قفطهم عزيز وقال : على وين يالكناري ؟
ذياب بضحك : وش تبي يالملقوف ؟!
طلعوا ذياب وآلماس ناظر ذياب بعبايتها وقال : ليه ذا العباه ؟
آلماس باستغراب : وش فيها ؟
ذياب : تلمع
ضحكت وركبوا السيارة
آلماس : كم نقعد بفرنسا ؟
ذياب بابتسامه : اسبوع واذا تبين تمددين ماعندي مشكله
آلماس : تدري ؟ ماتوقعت ابد انك حق سفرات الخارج
ضحك ذياب : ليه ؟ ترا قد سافرت اكثر من مره مع اخوياي
آلماس : قد رحت لفرنسا ؟!
ذياب : ايه اكثر من مره ورحت كورشوفيل مره وحده
ابتسمت آلماس ونطقت : تزلجت هناك ؟
ذياب : ايه كانت جميله لو اروحها معتس بتكون اجمل متاكد
اتسع مبسمها آلماس : ياقلبي
مسكوا خط للرياض ابتسم ومسك يدها وهو يغني :
فدوتك ماراح من الايام واللي عاد جايه
يابعد عمر مخاسيره معك عندي غنيمة
ابتسمت بسحى
< بالديرة >
نزل من الدرج يشوف عزيز وسلطان يلعبون سوني وبينهم عمر ابتسم من شاف امه جالسه راح يجلس بجنبها ونطقت : هلا بصقر ، تبي شاهي ؟
صقر بابتسامه : ياهلابتس يايمه ارتاحي انا بصب لي
قام يصب له شاهي ويجلس بجانب امه
ام فهد : والله ودي ازوجك ونفرح فيك
صقر : مو الحين يايمه
قام من سمع الباب يدق فتحه اتسع مبسمه من شافها توترت ونطقت : آلماس موجوده ؟
هز راسه بالنفي وقالت ام فهد : ياصقر من اللي عند الباب ؟
صقر بابتسامه وهو يناظر بعيونها : بنت راشد الصغيرة
ام فهد : ريناد ادخلي يابعد روحي
بّعد صقر من عند الباب ودخلت ريناد سلمت على ام فهد وجلست بجنبها وهي متوتره من نظرات صقر
ام فهد : صقر صب شاهي لريناد
قام صقر : ابشري
صب لها واخذته ونطقت : شكرا
هز راسه بالايجاب بابتسامه ورجع يجلس
ام فهد : والله يابنتي كنا نسولف نزوج صقر وهو مو راضي شرايتس بالموضوع ؟
رجفت يدها بتوتر وانكب الشاهي على يدها ركض لها صقر وسحبها من يدها للمغسله اخذ شنطة الاسعافات ياخذ كريم الحروق ويحطه على يدها اللي حمراء غمضت عيونها بألم وقال : يحرق ؟
ريناد بهدوء : بتتزوج صدق ؟
صقر بابتسامه : اذا أني بتزوج ماباخذ غيرتس ويحرم علي بنت غيرتس
ابتسمت من كلامه وقالت : وأذا جبَروك ؟
صقر وهو يناظر بعيونها : ماحدٍ يجبَرني
نزل نظرها على يدها اللي ماسكها عشان الكريم سحبتها ونطقت : بروح انا
هز راسه بالايجاب وهو مبتسم راحت ورجع يجلس معهم
ام فهد باستغراب : وين راحت ريناد ؟
صقر : راحت بيتهم
هزت راسها بالايجاب
< عند آلماس وذياب >
نزلوا من السيارة يدخلون المول دخل محل يوريها شورت ابيض مع تيشرت اسود ونطق : شرايتس ؟
آلماس بابتسامه : واو مره حلو
اخذت الكاب اللي شافته واعطته حطها بالسله ومشت عند ملابس الحريم وهو يلحقها اخذت جاكيت ابيض طويل آلماس : شرايك البيج ولا الابيض ؟
ذياب : الابيض
هزت راسها بالايجاب تحطه بالسله وتكمل تختار وهو وراها اخذت كعب طويل اسود مع فستان اسود جلد قصير ابتسمت باعجاب ضحكت من شافته ينسق لها اسود باسود ونطقت بصدمه : ليه طيب كل شي اسود ؟
ذياب بابتسامه : مادري
آلماس : خلصت
هز راسه بالايجاب يروح يحاسب طلعت تنتظره برا طلع لها وقالت : بروح محل الميكب هذاك
مشت وهو يلحقها دخلت المحل واخذت واقي شمس وارواج ومكياج عطاها ذياب البطاقة تحاسب اخذتها وراحت تحاسب طلعت وراحوا يجلسون بكوفي طلبوا قهوة ونطقت : متى الرحله ؟
ذياب : بكره آخر الليل
آلماس : جت الجوازات ؟
ذياب : ايه توصل اليوم
< بالديرة >
جلس الجد بالصالة يشوفهم يلعبون وقال بصدمه : نمت الظهر وانتوا تلعبون وقمت وانتوا باقي !
سلطان : مافيه جداول ياجدي سوني وبس
الجد : اقول بعده وحط لي الاخبار
عزيز : ياجدي تكفى خلنا نلعب
الجد : قول ل امك تسوي لي قهوه اخلص
عزيز : امي وعمتي ووهج والهنوف راحوا عند الجيران
الجد بحده : قم انت وياه اجل سوولي
سلطان بصدمه : ياجدي مانعرف !
الجد رماه بالمخده وقال : قم ولا يكثر
قاموا سلطان وعزيز للمطبخ طلع الدله وقال : وش احط الحين ؟
سلطان طلع جواله : مالنا إلا الشيخ قوقل
ابتسم عزيز وطلع المكونات اللي مكتوبه بالجوال وصب عليها المويه الحاره بدون مايحطها على النار وصبها بالثالجه وقال سلطان : ياولد قد شفت امي تحطها على النار
عزيز بثقه : ياشيخ صدقني بتكون ألذ قهوه اذا ماطلبتوني كل يوم ماكون عزيز
حطها بالصحن وطلعوا للجد الجد بصدمه : مسرع سويتوها ؟
جلس سلطان بجانب الجد عزيز وهو يصب : صدقوني بتكون ألذ قهوه ذوقوا بس
اخذ الجد الفنجال وشرب منه غص انصدم عزيز ونطق : يعني لهدرجه حلوه ياجدي ؟
تجمع وجهه الجد بقرف وقال : وش ذا ؟؟ ماهي بمطبوخه ومليانه زنجبيل
سلطان : والله ياجدي اني قايل له حطها على النار مارضى
جلس عزيز بزعل واخذ فنجال يذوقها كح من حرارة الزنجبيل ضحك سلطان بعّلو صوته خزّه عزيز بحده
الجد بحده : مابوه عشاء ؟
هز سلطان راسه بالنفي ناظروا صقر اللي نازل :
ريحة حريق !
الجد : ماطفيتوا النار ؟
عزيز : ماشغلناه
الجد : وينهو فيه ابوكم ؟
سلطان : بالديوانيه مع عماني
قام الجد ونطق : بروح معهم لو جلست معكم بنّجن
ضحكوا سلطان وصقر وعزيز بيده مبروكه وعمر وقاموا يلحقونه دخلوا الديوانية وجلسوا
< عند ريناد >
تأففت بطفش لانها بالبيت لحالها قفلت التلفزيون من على مسلسلها تروح المطبخ سوت لها قهوة وراحت للصالة تناظر بفراغ اشتاقت لآلماس وفهد وهي الحين لوحدها وقالت بضحك : كلكم تزوجتوا وباقي انا !
اخذت جوالها تطلع لغرفتها ناظرت الشباك اللي على بيت ابو محمد شهقت بصدمه تشوف النار بالبيت كله وقاعد يتحطم ويطيح نزلت دموعها وهي تتمتم باسم صقر اخذت جلالها وركضت تطلع من البيت تشوفهم بالديوانيه زفرت من شافت صقر من بينهم ودخلت تبكي عندهم فزوا ونطق صقر : شفيتس بسم الله ؟
أشرت ريناد على البيت ويدها ترجف : بيتكم يحترق قاموا بصدمه يطلعون من الديوانية وهم يركضون جمّدوا بمكانهم هز راسه صقر بالنفي بصدمه يشوف بيتهم وبيت طفولتهم يحترق ويتحطم اخذ عزيز لّي الماء يطفي الحريق ناظروا من دخلت سيارة ذياب وقفها ونزل ومعه آلماس ركضت لختها اللي تبكي بصدمه ربط ذياب ثوبه وركض يدخل لجوا يطفي النار ناظرته ذياب وصارخت باقوى ماعندها : ذيااااااب لاا
ابو محمد بحده : ذياب ارجع اتصلنا على المطافي
هز راسه بالايجاب وراح لآلماس اللي خافت وتبكي حضنها ونطق : هّدي ماصار شي
ابو محمد : يامحمد وين زوجتك ؟؟
محمد : عند خواتها
طلعوا بنات خالد يناظرون بصدمه صارخت اصايل خافت تحسب محمد داخل راح لها محمد وحضنها ونطق : هذاني لاتخافين
وصلوا المطافي وبّعدوا عزيز وطفوا النار بس للاسف ماعاد باقي شي من البيت طاحت جدرانه وتحطم تماماً ناظرت ريناد صقر اللي يبكي بهدوء شافت الكل مو منتبهين وراحت تركض تحضنه حط راسه على كتفها ودموعه مثل المطر بيتهم راح اللي بنو فيه ذكرياتهم وطفولتهم نزلت دموعها لاول مره تشوفه بذا الضعف بّعدت عنه طلع رجل المطافي وقال : للاسف الله يعوضكم ، السبب كان ماس كهرباء بالمطبخ
هز راسه الجد بتإسف وعيونه تدمع مسح دموعه يحضن عزيز اللي يبكي ويحضن قطوته مبروكه
ابو فهد : لاتزعل ياخوي بتسكنون عندنا والبيت بيتكم
طبطب ابو محمد على كتف اخوه بحنيه رفعت راسها آلماس تشوف ذياب يمنع دموعه تنزل ومايبي يضعف قدامهم ميّلت راسها تناظر فيه حضنته باقوى ماعندها نزلت دمعته ومسحها بسرعه سلطان راح للجد اللي أشر له يجي حضنه من على اليمين وعلى اليسار عزيز
وبالوسط عمر
ابو فهد بهدوء : تعالوا ببيتي
مشوا الكل وتجمعوا بالصالة ونطق ابو فهد : آلماس ريناد روحوا جهزوا مفارش الرجال بالمقلط والحريم بغرفتكم
قاموا آلماس وريناد
سلطان بهمس لعزيز : اخذت السوني ؟
عزيز بهدوء : ايه شوفه بالديوانيه
الجد : لا عاد اشوف احد حزين كل شي خيره سامعين ؟؟
هزوا الكل روسهم بالايجاب دخلوا الحريم وقالت ام محمد بصدمه : ياراشد وش صار بالبيت ؟
ابو محمد : احترق
الجوهرة : وين عمر ؟؟
ركض عمر لامه واخته ناظرت الهنوف لابوها وراحت تجلس بجانبه وتحضنه ابتسم يمسح على راسها بحنيّه
ام فهد : ذياب وين آلماس ؟
ذياب : بالمقلط
ركضت ام فهد وحضنت بناتها بكت آلماس ونطقت : يايمه اول مره اشوف ذياب يبكي يايمه !
تنهدت ريناد تبي تشكي لها عن صقر بس ماتقدر
مسحت على شعورهم ريناد باللون البني الفاتح وآلماس الاسود وقالت : شي طبيعي يابنتي بيتهم ،
قوموا نجهز لهم حرام تعبانين
قاموا مع امهم يفرشون
بالصالة قام ذياب وقال : بروح اجمع الملابس اللي بالدواليب واجيبها
صقر : بجي اساعدك
طلعوا سوا ميّل راسه ذياب يناظر كل شي فوق بعض
اخذ ذياب وصقر الاغراض ورجعوا البيت تجمعوا الرجال كلهم ينامون في المقلط والحريم بغرفة آلماس وريناد
كانت بغرفتها ناظرت الكل نايمين ماغير الهنوف اللي على جوالها تنهدت بطفش وهي بعيده عنه ناظرت جوالها من وصلها رساله ابتسمت من شافته هو وردت : اي صاحيه
ذياب : انزلي تحت بالصالة
آلماس : تمام
راحت للتسريحه تتعطر وتفك شعرها اخذت جلالها ونزلت بسرعه شافته بالصاله ونطقت : ليه مانمت ؟
ذياب بابتسامه : بروح انام بس قلت بشوفتس
ابتسمت وجلست قدامه ونطق : اغراضنا شفيها عند الباب الملابس وشنط السفر
هزت راسها بالايجاب آلماس : اسوي لك اكل ؟
ذياب : اي والله جوّيع
قامت للمطبخ تطلع التوست وتحط له مربى ولبنه واخذت له لبن وطلعت اخذه ونطق : تسلم يدينتس
جلست ونطقت : بالعافيه
ذياب بضحك : والله لو تشوفين عزيزوه نايم مع قطوته ويشاخر وهي نايمه
ضحكت ونطقت : شكله كان خايف عليها
ذياب : تصدقين اول مره اشوف جدي يبكي ؟
آلماس : واول مره اشوفك انت بعد
ذياب بضحك : ول مابكيت انا ! غلطتي شكلتس
ضحكت وقامت تشغل المكيف رجعت تجلس وفتحت جوالها تكتب الروايه ونطق : وش تكتبين ؟
آلماس بابتسامه : الرواية
ذياب : الله يوفقتس ويسخر لتس خلّقه
ابتسمت بحنيه ونطقت : الله يسمع منك
ورجعت تكتب
ذياب : تلعبين سوني ؟
آلماس بضحك : لا ماعرف !
قام ذياب يشغله واعطاها يد ونطق : بعلمتس
آلماس : يعني مابتخليني اكتب !
هز راسه بالنفي
بدت اللعبه وكانت عن قتال رمت اليد برعب وغمضت عيونها وصارخت باقوى ماعندها ضحك بصدمه ركض يسكتها لان نايمين ناظرته ونطقت : وش ذاااا يخووف !
ضحك باقوى ماعنده : طيب بلا صراخ ماتوقعت بتخافين
قامت اخذت اليد ورمتها عليه ونطقت : مابلعب
ذياب بصدمه : ليه طيب ؟
آلماس : ماقدر انام اذا لعبت تخوف
غمز لها ذياب : اي والله وماعندتس الامان اللي هو انا
ضحكت : ياثقه انت !
بدا يلعب وهي بجنبه تكتب ونطق : روحي سوي لنا شاي
آلماس : شاهي الحين !
ذياب بابتسامه : اي عادي
قامت وراحت المطبخ طلعت براد الشاهي وحطت سكر وحبق وشاهي حطته على النار وجهزت فنجالين
واخذته وطلعت له جلست وصبت له اخذه وشرب ونطق باعجاب : ياجعل ذا اليدين ماتمسها النار
ابتسمت ورجعت على جوالها وهو يلعب السوني قفله وناظر فيها
ذياب : مافيني نوم !
قفلت جوالها وقالت بحماس : تبي اجيب الايباد نشوف موفي ؟
ذياب : تم وبروح اسوي فشار انا
قامت وطلعت لفوق وهو دخل المطبخ اخذ الفشار وحطه بالقدر انصدم من شاف الفشار انتثر بكل المطبخ دخلت وضحكت بصدمه تشوفه ماغطى القدر حك حاجبه بفشله وضحك معها طلعت الصحن ولمتهم وراحو للصالة فتحت الايباد ونطق : عندي فيلم حلو والله
آلماس صغرت عيونها : رعب اكيد !
ذياب بضحك : ايه رعب بس والله خطيييير
اعطته الايباد وحطه ميّلت راسها بنوم على كتفه
ذياب : نقوم ننام ونتابعه بكره بالطياره ان شاء الله
هزت راسها بالايجاب وقامت حضنته ابتسم يبادلها ويمسح على شعرها بحنيه تركته وابتسمت وطلعت لغرفتهم دخلت ضحكت الهنوف ونطقت : كنتي عند الحب ها ؟
ضحكت آلماس تروح لها : اي كنت عنده
حضنتها الهنوف : اشتقت لتس ياحماره
ناظرهها آلماس ونطقت : كم قدلنا ماسولفنا مع بعض !
الهنوف : اي والله
قامت الهنوف وسحبت آلماس : امشي نطلع للسطح
آلماس بتعب : ياختي توني صرفت ذياب تعبانه بنام !
الهنوف : قومي اقول لاحقه على النوم
قامت آلماس واخذت جاكيت لها وللهنوف طلعوا للسطح ابتسمت تشوف القمرا والنجوم والقريه هاديه جداً
الهنوف : الاجواء تجنن
آلماس : ياختي شوي وبدوخ نوم وش تبين ؟
الهنوف غمزت : اشوف النوم مايجي مع البدّوي
آلماس بابتسامه : لا والله اني صرفته قبل شوي تعبانه
الهنوف : آلماس باعترف لك
آلماس باستغراب : وشو ؟
الهنوف بهدوء : اني احب الدكتور عز
ضحكت آلماس باقوى ماعندها ونطقت : صحصحت انا من الصدمه
الهنوف : والله انتس سامجه ! وبعدين ترا عندي رقمه ونسولف انا وياه واعترف لي بس مارديت انا
آلماس بصدمه : يالهنوف مايجوز تكلمينه ماهو بمحرم لتس
الهنوف : والله انه طيب يآلماس ماهو من عيال الحرام ذولي
آلماس : طيب دامه مو من العيال ذولي خليه يتقدم لتس
الهنوف بهدوء : قد قالي اكثر من مره بس رفضت
آلماس : خير ؟ ليه رفضتي ؟
الهنوف : عشان ابوي توه ميت وماودي اتزوج الحين
آلماس : يالهنوف كم صارله ابوتس ميت الله يرحمه بيكمل ثلاث شهور واكثر حتى !
الهنوف : انسي الموضوع ، شرايتس نطلع للملحق ؟
{ الملحق هو اللي اعلى من السطح بدون سور }
آلماس بخوف : لا والله وبعدين تتذكرين يوم طلعنا وحنا صغار وعصبو وهاوشونا
الهنوف : هذا قبل وبعدين الحين كلهم نايمين
وافقت آلماس من بعد اصرار الهنوف حطو السلم طلعت الهنوف وبعدها آلماس ابتسمت من هبّت عليها الرياح وعلى شعرها ناظرت الاطلاله تشوف كل القريه شهقوا من ناظروا السلم طيحته الرياح نطقت آلماس : وش نسوي الحين ؟
الهنوف بصدمه : ماعرف مايمدي حتى ننط
جلسوا ونطقت آلماس : تذكرت زمان لما كنا نسوي مصايب
ضحكت الهنوف : وحتى وانتِ متزوجه مستمرين
آلماس : معي جوالي برسل لذياب
الهنوف : ايييي تكفينن
ارسلت له : تعال السطح
ذياب : طيب
ناظرت الهنوف ونطقت : بيجي
الهنوف : الحمد لله باقي صاحي
قامت آلماس ناظرت ذياب اللي يدورهم وقالت : هنا ياذياب
انصدم من شافهم فوق ذياب بحده : وش مطلعكم فوق هناك !!
آلماس : تكفى مو وقت عصبيتك تعال نزلني
ناظر ذياب الهنوف ونطق : وبعد راس المصايب معتس
ضحكت الهنوف
فتح لها حضنه وقالت : متاكد بتمسكني ؟ اخاف اطيح
ذياب : معليتس بمسكتس اخلصي
طاحت بحضنه ووجهه بشعرها استنشقه وابتسم يتركها ونطقت بابتسامه : جنتل مان بدّوي
ضحك بخفه وهو ينزل الهنوف
رفع اصبعه بتحذير لهم : لاعاد اشوفكم تطلعون هنيّا ياويلكم مني انتِ وياها
هزوا راسهم بالايجاب ورحوا لغرفتهم ونزل ذياب
< يوم جديد ، بيت ابو فهد >
فتح الجد باب المقلط وصارخ : قوموا الساعه ١٢ فطور
فزوا بخوف فتح ذياب جواله ونطق بصدمه : باقي الساعه تسع الصبح !
عزيز بنوم : كذا جدي يمشي بالوقت عشان نقوم
الجد بحده : قوموا للحين ماصليتوا الفجر حتى ، ماغير صقر اللي يقوم يصلي معي
سلطان : صقر مثالي ومحترم ماهو بمثلنا
عزيز : شقصدك !
سلطان : سلامتك
قام ذياب ونطق : قوموا انت وياه عشان نصلي جماعه
عزيز : ياخي ذا بيجلس ساعتين يتسبح مابننتظره
سلطان : لا مابطول
صلوا وخلصوا طلعو للصالة يناظرون الكل يفطر جلسوا ابتسم يشوف آلماس تفطر بجانب اختها
ريناد : يبه اليوم بروح للجامعه أكد القبول لاتنسى
صقر : بودي وهج للمستشفى تعالي معها اوديتس
ابو فهد : اي روحي مع ولد عمتس مشغول مع عمانتس انا
هزت راسها ريناد بالايجاب ونطقت : بروح اتجهز
نزلت وهج بالبالطو صفقوا لها الكل ابتسمت باحراج
الجد : الله يوفقتس يارب
وهج بابتسامه : امين يارب
جلست تفطر قام صقر ونطق : انا برا انتظركم
هزت راسها بالايجاب تشوف ريناد تنزل وطلعوا معه
الجد : عزيز وسلطان اليوم نروح نتقضى
سلطان باستغراب : وش نتقضى ؟
عزيز : ياغبي شفيك تنسى ! كل شهر نروح للمستودع ناخذ اكل
الجد بابتسامه : بسم الله عليك ياعزيز اول مره تكون ذكي
عزيز : دايما ياجدي الله يسعدك مو اول مره
ضحك الجد وضحك معه عزيز
< عند صقر والبنات >
صقر يسوق ووهج وريناد ورا
ريناد بابتسامة : تدرين انقبلت طب ؟
وهج : ما شاء الله ياقلبي الله يوفقتس
ريناد : وياتس يارب
وقف صقر عند المستشفى نزلت وهج ونطقت : مع السلامه
ريناد وصقر : الله يحفظتس
مشى صقر ابتسمت ريناد تشوفه يناظرها من المرايه
نزلت راسها باحراج ضحك من لاحظها
صقر بابتسامه : كبرتي ودخلتي الجامعه
ابتسمت وماقدرت تقول شي استحت
وقف بالاشاره ونطق : تتذكرين يوم كنت بالمتوسط وانتِ صغيره تجين وتذاكرين معي رغم انتس صغيره ؟
ضحكت بخفه ونطقت : ايه اتذكر وكنت اسمع لك رُغم اني ماعرف اقرأ
ضحك باعلى صوته ضحكت من ضحكته
صقر بابتسامه : يشهد ربي انتس غييير عندي الله يوفقتس ويسر لتس
نزلت راسها ريناد : ياحلوك ياصقر شكراً
وقف عند الجامعة ونطق : بنتظرتس هنا
هزت راسها بالايجاب ونزلت ناظرها واقفه عند السكرتير عقّد حواجبه يسمع صراخها نزل ونطق : وش فيه ؟
ريناد : يقول وريني وجهتس ودخلتس !
طلعت عيون صقر : ابن ابوي
سحب السكرتير من ياقته وثبته على الجدار ولكمه ونطق بكل حده : محارمنا ماهم عندك لعبه يابن اللذينا سامممع ؟؟
هز راسه بالايجاب بخوف
رماه على الارض بحده وعيونه تطلع شرار ناظرها ونطق : ادخلي بنتظرتس هنيّا
ابتسمت له ودخلت
< بالديره >
الجد بصراخ : ياصبي انت وياه تاخرت امشوا
طلعوا سلطان وعزيز نطق : هذانا جينا
الجد بحده : وش الكشخه ذي ! رايحين زواج حنا
ضحك عزيز : عادي اخذ مبروكه تتسوق معنا ؟
خزّه الجد وضحك سلطان يطلعون
سلطان : وش ناخذ سياره ياجدي ؟
الجد : الشاص مير بنحمل كثير
هز راسه بالايجاب يروح يطلع الشاص وركبوا الجد وعزيز حرك سلطان وعزيز بالنص والجد عند الباب نطق عزيز : شرايك ياجدي نتطرب ؟
الجد : ياصبي اصبح
عزيز : حلفت بشغل لك نانسي
الجد باستغراب : ومنهي نانسي ذي ؟
عزيز : افا ماتعرفها
الجد : مابغى اعرفها اسكت وخلني اذكر ربي
نزلوا للسوق ونطق الجد : عزيز روح جيب عسل ومربى
وانت ياسلطان كرتون تمر اخلصوا
راح عزيز ياخذ مربى ناظر اليد الناعمه حاطه مناكير اللي بجانب يده على نفس المربى ناظر بعيونها الوساع السُود نسى من نفسه وجلس يناظر فيها استحت ونزلت عيونها ونطق بابتسامه : خذيه يامُ العيون الوساع
ابتسمت تاخذه ونطقت : شكراً
راحت وجيّم بمكانه حك حاجبه يتذكر عيونها وصوتها
عزيز بهيام : سبحان اللي خالقتس واحسن صورتس
جاء سلطان ونطق : شفيك ماجبت الاغراض ؟
اخذ عزيز المربى والعسل وراح لعند جده تنهد من شاف جده يهاوش العامل عشان الاسعار
الجد : عطني الكيلو بعشر ريال ولا يكثر
العامل : مافي عشر ريال سعر هوا تلاتين
عزيز بضحك : ياجدي خذه ببلاش احسن لك ساعه تكاسر
الجد بحده : انطم انت
عزيز : سمّ
ضحكت وهي بجنبه ناظر وشافها تضحك عليه ابتسم من ضحكتها راحت عند امها وهو باقي يناظر فيها
سلطان بضحك : وشفيك راحت علومك ؟
حك حاجبه ونطق بخفه : اي بالله
ضحك سلطان بعّلو صوته
الجد بحده : فضحتنا انت ضحكتك بالسوق كله
سلطان : اضحك على حفيدك الخفيف ذا
عزيز : ها ياجدي خلصت مكاسره؟
الجد : ايه اخذتها بعشر ريال
مشوا يطلعون من السوبر ماركت ركبوا السياره وعزيز كل تفكيره فيها رجع راسه لورا وضحكتها تنعاد بأذنيه
< عند وهج >
سمعت الباب يدق ونطقت : تفضل
السكرتيرة : دكتورة وهج عندك مريض ادخله ؟
وهج : طبعاً دخليه
دخل ببدلته العسكرية رفعت عيونها تشوفه ابتسم وقفل الباب ونطق : الدكتورة وهج ؟
وهج بصدمه : ضيدان ؟
جلس امامها ضيدان : الله الله كيفتس ؟
وهج بحده : وش تسوي هنا ؟ دامك تحب وحده ثانيه ليه جاي عند مضيع ؟
ضيدان : اعيد ابي جلسات عندتس
وهج : مو لازم انا ! روح في دكاتره غيري
ميّل راسه ينطق : مابي الا انتِ لانتس علاجي الوحيد
وهج : ياولد الناس مافهمك انا مره معي ومره علي
ضيدان بابتسامه : معتس لاتخافين
جلست وهج ونطقت : طيب عندك مشكله نفسيه ؟
هز راسه بالايجاب وكملت : وش هي طيب ؟
ضيدان بهدوء : قصه اعاني منها من زمان ولا قادر انساها وللحين اخذ حبوب نفسيه
صغرت عيونها بحزن ماتوقعته كذا لانه دايماً يقابلها بابتسامه وقوة شخصيته قامت تجلس على الكرسي اللي قدامه ونطقت : ممكن اعرف القصه ؟
امتلت عيونه دموع ونطق : تربيت بالميتم دخلته وعمري خمس سنوات وفقدت امي وابوي واختي الصغيره حادث من بعدهم والله يابنت الناس ماني بخير عشت طفوله مؤلمه جداً ماتمر ثانيه وحده من غير مايطرون على بالي الحين عايش لحالي ! ودي انهم معي ولا مت معهم احسن عشان ماحس بالاحساس ذا
شهقت ونزلت دموعها على خدها تنطق بصوت مبحوح : بسم الله عليك لاتقول كذا ! كل شي خيره ياضيدان
غطى وجهه يخفي دموعه مدت له منديل اخذه
وهج بابتسامه : شف شخص ناجح وعسكري عميد
رجع ظهره لورا يناظر فيها وبعيونها الخُضر ونطق بابتسامه مكسوره : مثل جمال عيونتس ماقد شفت
نزلت راسها باحراج ونطقت : شكراً يالمزيون
ضحك من سمعها تناديه كذا
< الليل ، بالديرة >
فتح الباب ودخل ونطق : يمه وين آلماس ؟
ام محمد : فوق بغرفتها
هز راسه بالايجاب يطلع لفوق دق الباب ونطق : آلماس
آلماس : ادخل مافي احد
فتح الباب يشوفها تجهز الشنط انحنى لها يسحبها من يديها قامت وحضنها خافت ونطقت : فيك شي ؟
ذياب : مشتاق لتس
ضحكت بسحى تحس بانفاسه الحاره برقبتها تضايقت من بدأ يتدهور الوضع وابعدت عنه حك حاجبه
ذياب : خلصتي من الشنط ؟ الحين رايحين
آلماس : ايه خلصت باقي البس عبايتي
هز راسه بالايجاب ياخذ الشنط ينزلهم اخذت عبايتها ونقابها وشنطتها ومشت تلحقه ابتسمت من سمعتهم يودعون نزلت وركضت لها ريناد تحضنها ونطقت : بشتاق لتس ياحماره !
ضحكت آلماس : وانا بعد
راحت تحضن امها وابوها والهنوف ووهج فتح الباب ذياب ينتظرها تخلص ناظرته وراحت بجانبه ابتسم
ام فهد : الله يحفظكم
ام محمد : توصلون بالسلامه
الجد : اذا وصلتوا اتصلو علينا
عزيز : جيبولي هديه لاتنسون ولا والله مافتحلكم الباب
ضحك ذياب ونطق : بنروح صقر ينتظرنا ودعتكم الله
ركبوا السيارة ذياب قدام وآلماس ورا بعد ساعه وصلوا للمطار نزل صقر ينزلهم الشنط ويدخل معهم حضن ذياب ونطق : انتبهوا لانفسكم ودعتكم الله
هز راسه ذياب بالايجاب
صقر : توصلون بالسلامة يام حمد
آلماس بابتسامه : الله يسلمك ياصقر
ابتسم يشوفهم يدخلون جوا وطلع يركب سيارته راجع للديره وهو يفكر بالخبر اللي بيقوله لاهله بعد شوي
< عند ابطالنا >
ركبوا الطيارة جلست عند الشباك وهو بجانبها ابتسمت تسمع دعاء السفر وتردده اقلعت الطيارة وطلعت كتابها تقرأ ونطق : يعني حتى الكتاب بالسماء ؟
هزت راسها بالايجاب تنطق : اكيد ذا الكتاب ' الشاعر '
يروح معي اي مكان
ضحك يرجع راسه لورا ويفتح له فيلم وهي تقرأ بجانبه مسكت راسها بألم من اذانيها بسبب الاقلاع ناظرها ونطق : فيتس شي ؟
آلماس : أذاني توجعني
ذياب مد لها علك واخذته : اذا وجعتس قولي لي
هزت راسها بالايجاب تكمل تقرأ كتابها ناظرته نايم والموفي شغال ضحكت تطفيه ، اخذت سماعاتها وفتحت جوالها تكتب البارتات طفشت وفتحت على الكاميرا تصور نفسها وذياب اللي نايم بجانبها ونزلته ستوري قفلت جوالها تتسمع وتناظر الغيوم من الشباك اتسع مبسمها وادركت انها اول سفرة مع ذياب كانت تحلم بس الحين قاعده تعيشها واقع غمضت عيونها تحمد ربي وتشكره فتحت جوالها تشوف مسلسلها وباقي على وصولهم خمس ساعات
< بيت اول مره نزوره ، بيت عز >
ناظر القصر اللي شراه جديد ابتسم يسمع عهد تتنقل بين الغرف وتختار بينهم حقق حلم امه وصار افضل دكتور بالمملكة واشهر دكتور وقريب يفتح له مستشفى خاص له نزلت عهد تركض تحضنه ونطقت : والله قصر يفتح النفس ذوييق ياعز
ابتسم عز يعلق صور امه واخواته وهو بالصالة على المدخل وقف يتأمل صورة امه وعيونه امتلت دموع ونطق بهدوء : ياليتك معي بذا اليوم ولدك صار افضل دكتور يايمه الله يرحمك ويغفر لك ياحبيبتي
ميّلت راسها عهد ودمعت عيونها تشوف اخوها اقوى واحد بنظرها ضعيف قدام امه مسحت دموعها تركض تحضنه بكى بحضنها وبكت معه تنطق : مابي اشوفك ضعيف كذا ! اذا تحبني لاعاد اشوفك تبكي كذا ياعز
عز بضعف : ماقدر ياعهد ماقدددر الشي الوحيد اللي اتمناه حالياً هو امي ياعهد ابيها تشوفني ناجح وشريت قصر من فلوسي
تركته تمسك وجهه وتنطق : هي فرحانه الحين بقبرها انت بس اللي عليك تترحم عليها
مسح دموعه ينطق : الله يرحمها ويغفرلها
ضحك من سمع توق تدخل وتنطق : بجي انا وزوجي نسكن معكم
ضحكت عهد : ياويلك عاد باخذ راحتي
توق بابتسامه : الف الف مبروك ياعز تستاهل كل خير ياحبيب قلبي
عز : الله يبارك فيك ياخيتي
< بالديرة >
دخل صقر يشوفهم متجمعين ونطق : الحمد لله انكم متجمعين به موضوع بقولكم عنه
الجد : خير ان شاء الله
صقر : دورتي الليلة بروح للحد الجنوبي
انصدموا الكل ونطق الجد : وكم مدتها ؟
صقر : قصيره نحمد الله كل ابوها اسبوعين
ام محمد : الله يحفظك ويسدد رميك ياوليدي
قام صقر ونطق : اللهم امين
اخذ شنطته يطلع قامت تلحقه ونادت له ناظرها وركضت له تحضنه ابتسم من حضنها ونطق : ماني بمحرم لتس يابنت الاجاويد
بكت بحضنه غمض عيونه يسمع شهقاتها ونطق :
إلا دموعتس مابي اسمعها
تركته تناظر بعيونه وتنطق : بس انت قلت اليوم بالصباح اني من محارمك !
ضحك صقر : هالحين لا بس قِريب قِريب
مسكت يده وقالت ريناد بابتسامه :
استودعتك الله وأنت أغلى وداعه
في حفظ الرحمن وين ماتحل خطاويك

اتسع مبسمه من كلامها ونطق : انتبهي لنفستس ودعتس الله
دمعت عيونها تشوفه يركب سيارته ويلوح لها طلع من البوابه مسحت دموعها وتنهدت تدخل البيت وتطلع لغرفتها
< فرنسا ، عند ابطالنا >
بعد ست ساعات وصلوا فرنسا تحديداً باريس نزلوا من الطيارة اخذتهم سيارة ابتسمت من الاجواء المعتدلة نزلوا للفندق دخلوا غرفتهم اتسع مبسمها من شافت الاطلالة على برج إيفل والعالم تحت والحياة بفرنسا ناظرت ذياب من نطق : شرايتس بالفندق ؟
آلماس بابتسامه : مره حلوه حتى الفيو يجنن
ذياب : البسي بنطلع نفطر
هزت راسها بالايجاب تطلع لها لبس ووقفت عند المراية تسوي شعرها ويڤي حطت ميكب خفيف واخذت شنطتها ولبست كعبها ونطقت : خلصت
ابتسم يناظرها ذياب : حطي على شعرتس الكاب
حطته وطلعوا مسك يدها ومشوا يتمشون بشوارع باريس واجواءها الجميلة دخلوا مطعم اطلالته على البرج جاء فطورهم كروسان وتشوكلت طلعت جوالها تصور واكلوا وخلصوا ونطق : تبين نتسوق الحين ولا ننام ونخليها بكره ؟
آلماس : احس ننام ونصحى بالليل
هز راسه بالايجاب وقاموا يروحون للفندق ينامون
ابتسمت تنام على اطلالة برج إيفل
ذياب : تدرين برج إيفل عادي وجداً بس جيت فرنسا عشان كورشوفيل نترلج بس
آلماس : اي يمدحونها مره