نجوم محرقة وليل "دامس"

بارت ٤٨

#نجوم_محرقة_وليل_دامـس

للتواصل انستگرام// ze8.h

حسابي الواتباد // zai9_hr

تصويت وتعليق بين الفقرات لطفاً
~~~~~~~~~~~~~~~~~~~~~~~
مثل سبحه وعفتني مطشر عله الگاع
يسألوني واگلهم بالخرز يجــــمع
المايسوه سحگني وترڪ بيه اثار
والمادره بجرحڪ هم يجي ويسمع
~~~~~~~~~~~~~~~~~~~~~~~~~~~~~~~~~~~~~

نــــجمة :: كاعده بالغرفة گبال خاله ســـعُاد تسألني ويـــــن جنت عايشه كل هالمده سؤال افهمة وسؤال تكرره مره ومرتين يله افهم شنو تحجي .

كلامها زين ينفهم بـــــس لسانها شوي ثگيل وحركة زين تتحرك وإذا رادت تكعد عدل هي تكعد نفسها بلا اي مساعده ، حالتها هواي احسن من اول ما شفتها ، گـــــلبي نار واجه .... لـيـل من الصبح طلع يدور على مــــروة هوَّ ولولد وماكو .

::- خاله كايمة هناك اكعد بالطارمة تردين شي .

غمضت تبلع ريك نفـــس كل مره حتى يسهل نطقها وتلفط كلمتها بسرعة
- ابقي ابقي يــــمة ويـــــن ترحين هنا ابقي يمي .

::- خـــــاله عفيه ضجت شوي وارجع

حتى ما انتظرتها تحجي كمت طالعة احس گـــــلبي
يوجعني ، كعدت على تريشه مال الباب رجليه الصدري وايديه عاصره راسي وعيني طبعت بالباب شوكت يرجع واللـــه طول ، كمت افتر وآكل بشفتي والف سالفه ببالي ، صار بيه شي اخاف لگاها وتعاركوا لو يروح يكتل هـــمام ويرجع يعــــوفني نوب يعـــوفني ، وكفت وفتحت عيني جسمي كله رجف اتخبل اذا رجع وعافني هالمره .

ركضت بـــــس لبست نعالي حتى ما انطيت روحــــي
مجال البسه عدل بقيت واني اركض اعدل بلبسه جريت الباب وطلعت نفـــــسي وكف اركض الراس الفرع .

اركض واتلفت منا ومنا لحد ما طلعت من الفرع ومشيت بدربونا تصعد على شارع ، اتلفت على بيبان
هاي اطفال تلعب واكو ساحة على جهة بيها مجموعة يلعبون طوبه ، واكو جهال بباب بيتهم يباوعن سـكت .

وكفني شي ضرب ظهري التفتت اسب واشوفها طوبه
ضربتني وكعت بالكاع تدحرج بعيده عني صاح واحد من بين الجهال الجانوا يلعبون .

- خـــــاله بربج شوتيها .

::- ركضت بسرعة دنكت اخذتها وهمَّ كلهم يباوعلي رفع أيـــــدة الولد القبل شوي حجة واردف .

- شمريها خـــــاله .

::- اولاً خلخاله تخلخل عضامك على كبري تگلي خاله وثانيا ما انطيها الا واحد واحد يجي يعتذرلي .