ايقونه في ميزان القاضي

البارت ٢٨

ايقونه في ميزان القاضي .

سعاد: قلقل وخوف وهو كل شويه يطلع برا يدخن جكارته ويرجع اجت عمتي تلكيتها .

ام محمود:ها بشري جابت بعدها.

سعاد:لحد الان محد بين علينا كعدي والله كريم منو جابج ..

ام محمود:عمج علي ومهند امج ضال بالها وخابرتني تلوب شعجب محد من اهل بطه  .

سعاد:اتصل بيهم وكالو جايين ياعمه لو تشوفين حالها تكسر الكلب تباوع بالوجوه .

ام محمود:رب العالمين احن من كل بشر .

بطيطه:الم الولاده كوم وحالتي كوم ثاني احس كلام الممرضات وهنه يتشاورن ع رجفتي وحده تكول لثانيه خطيه مريضه عبالنه ترجف خوف لو بردانه لحد ماصاحت بيهن الدكتورة حمدت ربي ع لطفه وكرمه ماتوقعت توم لحد ما سمعت صوت بجيهم تنفست براحه
وجانت سحر محضرة كل شيء الي وللاطفال  انطتهم الملابس وغيرتلي ورتبت شعري يووو عمه فدوه بس طلعيني منا .

سحر:جنج العافيه  كولي ياالله  .

بطيطه :من العيب والفشله جاهدت حته انزل السديه ونقلوني عبالك غرفة عروس التفت عليها ربي يحفظج ماقصرتي عمه شكرا .

سحر:الغاليه مرت الغالي انتي تدللين عيني نفسج بطه لاترجفين هسه راح اخليهم ينطوج علاج كلهم برا خلي اطلع  تلكيهم بقلق .

سعاد:ولهينا نفسنا بالسولف لان الانتضار يموت طلعت سحر احس رجليه ماتن اريدها تحجي ماكو معوده وكفتي كلبي شسالفه تاخرت  .

سحر:الف الحمد الله ولدت وصحتهم تمام بين مانقلناها للغرفه  .

ام محمود:هيه شلونها عوفي الفرخ اهم شي البت .

سحر:يا عمه شنو فرخ اولاد ٢ .

ام محمود:صلوات ع النبي .

سعاد:ركضت ابشرهم بس شافني وكف ع حيله كسر خاطري القلق واضح عليه ضحكت اريده يطمن بدون مايلتفت ع الولد توجهه للداخل  اشرت لموفق بمعنى ٢ وتبعته لكيت عمتي تبوس بي .

ام محمود؛الحمد الله ع سلامتها ومبارك ماجاك .

سعاد: طلعت الدكتورة مبتسمه باوعلها بنضرت استفهام .

الدكتور:الاول خليت بيده لاسق جروح  .

ابو الحكم:طمنيني ع الام .

سعاد:ردت وهيه تمشي متوجهه لغرفتها واحنه وراها عبالك سباق .

الدكتورة:تمام الحمد لله  تبقى اليوم حته نطمن ع حالتها .

ابو الحكم:اكو شي .

الدكتور:اذ بخصوص الولاده الحمد الله بس افضل لو تخبرون دكتورها لان الخوف والالم سبب للتوتر العصبي وزات من حالتها .

ابو الحكم:حسب تعليماته ماكو مانع تاخذ علاجها مدام ولدت واساسا الاطفال راح تكون رضاعتهم صناعيه ممنون منج .