🦋 إسكريبتات شروق حسام 🦋

إسكريبت 🦋 الجمال الداخلي 🦋

إسكريبت 🦋 بقلم شروق حسام 🦋

_" رحبوا معايا بتريلة الدفعة الجديدة يلا صقفة كبيرة "

الكل صقف بإجبار لأنهم عارفين إنها بنت العميد وممكن تبدأ تتنمر عليهم زي اللي فاتوا واللي جايين

سلمى بإستعلاء " بصي بقي يا بقبوظة أنتِ أنتِ هنا تسمعي كلامي زيك زيهم فاهمة ولو عملتي العكس هخلي بابي يتطردك بره الكلية "

هي سلمى بس شخصيتها عكس إسمها ولا فيها هدوء ولا فيها سلام

ميادة فضلت واقفة مكانها حاسة بإحراج ودموعها بتنزل علي خدها بغزارة هي لحد دلوقتي مش مستوعبة اللي إتقال هو معقولة التنمر لسه موجود لحد دلوقتي بعد ما وصلوا ل 2024 وكل حاجة إتطورت لسه فيه تنمر هم مش في كوريا الجنوبية عشان يحصل لها كده

شوية بصوا لها بشفقة وشوية بحزن وقلة قليلة بصوا لها بشماتة

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

بعد شوية
في الكافتيريا

_" هههه شوفي البت يا سولي كانت هتموت من كتر الإحراج بجد موتتني من الضحك "

سلمى بضحك " فعلًا كمان الناس اللي زي دي آخرها تتداس تحت الرجلين "

ردت صاحبتهم التالتة ملك بغضب " ماسة سلمى فيه إيه إتلموا شوية مش معني إن أنا ساكتة علي الكلام اللي أنتم بتعملوه ده يبقى هتتمادوا فيها "

_" بطلوا القرف ده عشان ممكن في يوم تبقوا مكان كل واحد إتريقتوا عليه "

سلمى بعدم اهتمام " أهدي يا لوكة إحنا بنتسلي بس فريلاكس يا بيبي "

ملك بحدة " أنتِ بالذات مافيش فايدة في الكلام معاكِ أنا لولا إنِ صاحبتك من الحضانة كنت سيبتك من زمان ماعرفش إيه اللي حصل لك خلاكي تبقى كده "

_" لو مارجعتيش سلمى صاحبتي اللي كانت قبل كده ماترجعيش تكلميني تاني ونفس الكلام ليكِ يا ماسة "

خلصت كلامها وسابتهم ومشيت 

تحت نظرات سلمى الغاضبة منها ومن طريقة كلامها معاها

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

عدي أيام كتير لحد ما عدي شهر ونص علي بداية الدراسة

وسلمى زودت التنمر علي ميادة وكانت مركزة عليها هي بالذات بتفضي غضبها من ملك بالطريقة الغلط وبسبب كده ميادة كرهت الكلية وكرهت كل حاجة حواليها لدرجة إنها حاولت تنهي حياتها بس أهلها لحقوها علي آخر لحظة

وعرفوا اللي كان بيحصل لها في الكلية فحولوها لكلية تانية وماعملوش حاجة لسملى ولا إشتكوا عليها وسابوها منها لربنا هيجيب حق بنتهم 

واللي حصل مع ميادة الكلية كلها عرفته وبدأ كرههم لسلمى يزيد وبقت هي اللي بتتعرض للتنمر وكل ده وباباها أصلًا مش مهتم كل تركيزه علي الكلية وشغله وسايبها علي راحتها بس اللي مايعرفوش ان ده إسمه إهمال وعدم اهتمام  

سلمى ماقدرتش تستحمل كل ده وبقت حابسة نفسها دايمًا في أوضتها وجالها اكتئاب بسببه فضلت تأكل كتير بقت تأكل أي حاجة قدمها من الزعل هي ماعرفتش اللي كانت بتعمله ده كان مؤذي إزاي غير لما جربته

وبسبب أكتئابها بقت من بنت جميلة ومحافظة علي قوامها لبنت وزنها 100 كيلو مش مهتمة لنفسها ولا مهتمة بصحتها

وبقت تتكسف تنزل الكلية بس بقت مجبرة تنزل عشان إمتحانات نص السنة

#الجمال الداخلي
#شروق_حسام