أنت تقرأ

ظلام اليالي

ChickLit

ظَلام دامس. خوف محتل المكان خفايا نوايا الناس هل هم اصحاب، أم احباب، أم قلبهم سواد الغراب اتهام، قتل، سلب، اعتراضلت..... بس عيب للأستسلام مو انا ليال اللي يخوفني سواد اليل وأشجارة انا اللي احرگ اخضر يابس بشرارة...

#تملك #خداع #ضياع

بارت (1)

2.1K 91 100 
                                    

                                              
{بســــم الله الرحمن الرحيم} 
اللهم صلِّ على محمد وآل محمد 
Sh9hd_96
بقلمي: شهد آل ابراهيم 
لاتنسون التصويت 
والتعليق بين الفراغات 
بدعمكم نستمر.... ♠
ــــــــــــــــــــــــــــــــــــــــــــ༻
﷽
وَڪئن للذڪـريات قلبــاً
لآ ينبـض ألا ليـــلاً... ♡
-------------------------------------༻
ــ بيوم الدنيا ليل وضلمة ومثل كل يوم 
مگابلة الشباك واباوع عل قمر وهوة منور بل ضلام
الدامس وبارز جمالة عن النجوم اللي حوالية 
والجو صافي وبي لسعة من البرودة مو حيل بارد 
مقبل على شتة وانا سارحة بخيالي وبغير عالم 
صحيت على نفسي من امي صاحتني على العشة 
لان چنا منتضرين ابوي يرجع من شغلة يلا نتعشة سوة هاي متعلمين لو مهما تئخر الوقت لازم الا يجي ابوية يلا نلتم سويه وسفرة وحده وسعيدين بهل شي... 
فاطمة: يلا بنتي حطينه عشة ما تجين. 
ــ جيت يمه جيت. 
رحت شفت ابوي تعبان من شغلة يطلع من الصبح 
ما يرجع لليل ومبين حيل تعبان هل مرة بس رغم تعبة يضل يبتسم بوجهنة وحنانتة طاغية عن كلشي رحت بوستة وحضنتة اقلل من ضغطه حت لو شوي... 
ــ حبيبي بابا گواك الله شلوك. 
أحمد: هلا ببنيتي هلا بل غالية بخير من اشوف ضحتج بنيتي انتِ. 
راح يغسل وانا رحت اكمل تحضير المواعين ويه امي واختي عائلتنا مو چبيرة فقط انا وامي وابوي واختي غزال ف كملنة سفرتنة الصغيرة الحنينة اللي على گدنة واجة ابوي تعشينة ومن سوالف ابوي الطيبة وتريح الگلب وحنان امي ومتونسين 
حچت غزال اللي ابد ما تسكت... 
غزال: اگلك ابي الغالي الحنين الطيب الطيووووب. 
أحمد: اكيد عندچ مطلب احچي بنتي. 
غزال: أحمم أحمم انطيني الامان. 
أحمد: الچ كل الامان بس احچي. 
غزال: أءءءء شسمه يردوك عل مدرسة اليوم. 
فاطمه: اكيد مسوية طلابة ما تگعدين يا بنيتي هسه عبريلچ چم يوم بدون هل طلايب التعبانه امشي بدربج وما عليج بحد خلي اللي يحچي يضر نفسه.
ظلام الياليحيث تعيش القصص. اكتشف الآن