#غزال الأجرام
بقلم: الـڪِاتبة دجـلة
انـه اجَيــت بــطرگ گـلبي وانــتَ وعِيونك عليـه !
ـــــــــــــــــــــــــــــــــــــــــــــــــــــــــــــــــــ❥❥
مريم:- مابيه شي بويه عليش تاخذوني دكتور ترا مو خرسه
بس انه ماريد احجي هسه لان كلش نفسيتي تعبانه ومالي خلك وشويه ضايجه على امي واخواني
ام قاسم:- يمه والله حجيت وي ابوج وماقبل يخليكم
يمي ارتفع ضغطه وجدج عصب كال عوفو هسه بعدين يهدأ
ويرجع البيته هاي مرته مخربه عقله علينا هوَ مابيده شي
قصي:- على كولـة اهلنا الشيعه وام البنين وابو فاضل "عليهم السلام" اخلي طلقه تسلم على طلقه براسها
شنو عبالكم الدنيا تايهة ومالهن جبير انه لحد هسه ساكت لا عمي ولا جدي ولا ابوي يوكف بوجهي لو اريد
ابقيهن هنا والـ هوَ زلمه يحاول يتقرب منهن بالعباس غير احرك البيت والبي انتو شنو من أهل لا احساس ولا
ضمير بنات بعدهن جهال طايشات مراهقات شنو ادزهن وي هيج وحده لا تحلل ولا تحرم شلون تثقون بيها مو انتم
كلكم تعرفون ماضيها الوصخ وتاريخها وتاريخ اهلها
شنو من بشر الخاطر الله يول هاي عدها عادي تسوي علاقه حته
وي ابوي يوميا وي واحد هيه على شرفها ما حافظت تردوها تحافظ
على بنات رجلها لاتخلوني احطها براسي وانعل والديها او والد الي يطلع وراها برب** جنج حيه سوده
نسرين:- اهدأ يمه لايصير بيك شي
صاح بصوت عالي
قصي:- هوَ شنو اهدأ بيكم شي انتو متلبسكم جن اكلكم ...
قبل لا يكمل كلامه دخل جدو باوع على قصي وكال
ابو قاسم:- شنو دكول الهن مثلاً؟
قصي:- مريم وريام ميروحن ..
ابو قاسم:- لا يروحن
انتفض قصي وكال
قصي:-ليش مو انتم اهلهن لو تردون تتبرون من دمكم ولحمكم !
جدو كعد على الكرسي وذب العوجيه وضل يدگ على راسه
ابو قاسم:- مصيبه فوك مصيبه ياربي شمسوي جواك انه
ام قاسم:- ياستار شكو!
ابو قاسم:- ليش ماعرفتي منو رجع للمنطقه !
ام قاسم:- منو ؟
ابو قاسم:- رحيم ومرته
ام قاسم:- ورسول وياهم!!
ابو قاسم:- اي وحاط الشر بعيونه
بيبي لطمت بيبي على وجها وكالت
ام قاسم:- قاسم وين اتصل عليه يرجع للبيت لو دبرله سياره ياخذ بناته ويطلع من الأنبار كلها لا يضل هنا
قصي:- هذا شرجعه والله اله اعدمه كدام باب بيته اخلي
عبره لأمــة محمد هذا يريد يخلي راسنه بالكاع افــاا ماعاش
انه قصي يولو والله اليجيب معدل عمي لو ابوي والله لو ادري اروح بيها اعدام اله ابرد گلبي بي واعدمه كدام باب بيته
أنت تقرأ
غزال الأجرام
Romanceالفڪره مـن حُبك شنو؟ لا بـي فـرح لا شـي حـلو غـشيتني بـ ڪلمة دفو طلـعِت احضانـك بارده لا تنحـزر لا تنفـهم تجـرح ومـا عـِندك عِـلم خليـني اصحى من الحـلم ليـش الأذيـه الزايـده ...
