مُنـقِـذي

14

صحيت من النوم إلا القى أحد جالس فوق راسي
طالعت كانت عيني غباش
لقيت أبوي جالس و يناظر و أحس عيونه تدمع...

تالا: هلاا

أبوي: صباح الخير

تالا: صباح النور

أبوي: خلاص بتتركيني و بتروحي

تالا:(ضحكت) اي

ضمني لصدره...

أبوي: بنشتاق لك يا وردة البيت

تالا: حتى انا بشتاق لكم

أبوي: قومي بدلي ملابسك و انزلي

تالا: حاضر

قمت بدلت و نزلت
تذكرت أن اليوم مسويه حفلة بنات يعني صديقاتي فقط حفلة توديع عزوبيه لأني بتزوج بكرا..
اتصلت على صديقاتي و قلت لهم الوقت الي نتجمع فيه.. وحده من صديقاتي هي نورا و عزمتها..

على الساعه 4 العصر جات نورا و البنات معاها و شغلنا موسيقى و جلسنا نرقص و استانسنا بس نورا كانت جالسه بعيد و اذا قلنا لها تعالي ارقصي معنا تهز براسها بمعنى الرفض و كانت بس تتكلم بالجوال.. سحبتني صديقتي ريهام...

ريهام: تالا وش فيها نورا احسها متغيره؟

تالا: اي بس خلاص اتركيها هي حره بنفسها

ريهام: ترا كلنا تزوجنا و ما تغيرنا بس هي تغيرت

تالا: اتركيها الحين تعالي نكمل رقص

انتهى اليوم و رجعت كل بنت لبيتها و البنات ما قصروا معايا نظفوا المكان معي قبل لا يروحون..

جا أبوي و معه أمي للبيت لأنهم كانوا طالعين برا البيت عشان احنا بنات و ناخذ راحتنا مع بعضنا...

أبوي: ها إن شاءلله استانستي

تالا: اي استانست

ركضت على أبوي و ضميته..

أبوي: الله لا يحرمني منك

تالا: ولا يحرمني منك

أمي: اي و انا وين رحت؟

تالا: تعالي

ضميتها...

تالا: الحين بروح انام لأن بكرا عرسي (ضحكت)

أبوي: لا ما بزوجك خلاص بتقعدين عندي

انا انصدمت أبوي يتكلم صدق أو يمزح معايا