نجمة سهيل

༘18✶ ⋆｡

‏{وَأَنِ اسْتَغْفِرُوا رَبَّكُمْ ثُمَّ تُوبُوا إِلَيْهِ}

⊱──────────⊰
نجمة سهيل
بقلم الكاتبه
نجد الدليم
⊱──────────⊰

نشَف ريج الحزن والوادم تغني
وأنه مِن بعيد أحَِب المارضَه يحبني

نجمة __أنتِ تستحقين أن يحبك أحدهم بكل قلبه گانك معجزة تذكري ذلك جيداً 🦋

ضي _بابا طلع للدوام وعمه والبنات رجعن للبيت ضليت وحدي افتر بالبيت باوعت للكاميرات سيارة طابكه يمنا بس ما يبين منو بيها شوي وراحت اتصلت على بابا مغلق اكيد هسه بالعمليات وساد جهازو رحت للمطبخ شربت مي ورجعت لكيت نفس سياره ركضت اتاكد من الباب مقفول نزلوا ثنين ملثمين أول ما صعدو للكاميرات كسروهن بحديده صرت ما اشوفهم من قريب اتصل على بابا ماكو كسرو الكاميرا الثانيه معاد اشوفهم ركضت لغرفتي
من سمعت ضرب على  الباب
شسوي هسه رح يموتوني ومحد يدري بيه يمان ايي يمان يجي

مخلد _ يماان يمااان.

يمان _ همم

مخلد _ تلفونك صرعنا رد عليه

يمان _ اي

مخلد  _يا اي خلي صامت نريد نام

يمان _ اهوو منو يتصل هسه

مخلد _ سده فد مره

ضي _ ليش ترفض رد عفيه ماعندي غيرك ررررد

يمان _ ألوو

ضي _ حجيت واني صوتي يرجف ميته خوف ييم يمان وينك تعال

يمان _ ها يابه شكو وين اجي

ضي _ لبيتنا بابا بدوام وثنين كسرو الكاميرات رح يدخلون للبيت عفيه رح اموت من الخوف

يمان _ اقفلي الباب لا تطلعين جايج خلي الخط مفتوح

ضي _ ع عفيه عسريع يماااا ان

يمان _ لا تخافين جييت. وين مفاتيح سياره يماااا.

مخلد _ شبيك شصاير

يمان _ ضييي خلي الخط مفتوح .. مخلد اتصل على محمد خلي يطلع ويه جماعته لبيت سهيل عسريييع

ضي _ عفيه جاي يكسرون الباب

يمان _ جيتج لا تخافين خبرت الشرطه بعد ضي ضييي

ضي _ ابجي بصوت ناصي لان كل جسمي يرجف أول مره يصير وياي هيج موقف  حييييل خايفه