نجوم محرقة وليل "دامس"

بارت ٤٥

#نجوم_محرقة_وليل_دامس

حـساب الانستا // ze8.h

𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬
خذت ذبت النهر من يزعل وي الريح
يذب لومة على روحة وبالجرف يطبر .

𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬𓇬
.

آســـــيا ::- كمت توضيت وصليت ابين ما كاعده على مصلى جاي اسوي تسبيح فاطــــــمة الزهــــراء والباب اندك ونفتح التفتت فاتت عــــمة ، اجت وكفت كبالي تباوعلي وتحجي .

- مكملة عــــمة .

هزيت راسي اي وخليت السبحة بالمصلى وكمت
::- اي وهسه كايمة اسوي ريوك .

- لا لا أكـــــعدي عوفج من ريوك لاحگين عليَ تــعالي
يمي احجي وياج .

نفخت نفــــس اكيد سمعت بموضوع عركتنا البارحة
خليت المصلى على ميز واجيت كعدت بصفها خلت ايدها على ايــــدي تباوعلي بعيون متوسله وتحجي بصوت خافت .

- هذا الغبي ضاربج البارحة .

احتقن صوتي وما كدرت احجي مو سهله على وحـــــدة اذا تنسأل رجلج صدك ضاربج لو لا تحس جوابها حمل جبال مو كم كلمة ، هزيت راسي اي

- كسر بايده الدلوع هذا يروحلج فدوه عــــمة وعلي
كون حسيت وسمعت ابد هسه من كــــــرم سمعت .

::- ميخالف معذورة .

- كالي كــــــرم تردين لاهلج شنو .

- اي .

رفعت ايدها مسدت شعري من بدايتة لحد ما وصلت حد وياه ظهري ثبتت ايدها تحجي .

- زعلانة لو تشوفينهم .

هزيت راسي لا وحجيت بخنك
::- أريــــــد اطلك تعــــــبت عــــمة .

- بــــس مو حل هذا .

::- لا حل ومادام بعدنا بالبداية نطلك احسن لا يجي يصير عندنا طفل وراح يتعذب ويانا بالمستقبل .

- ما اوافقج الرأي أنـــــتِ أكـــــعدي وياه وتفاهموا ولا تخربين زواجكم بهالسوالف المزعطية يا عــــمة .

::- عــــمة ابنج ما يحبني شسويله اجبره كوه يحبني
كل مره اكلج ابنج هيج وهيج وهيج أنـــــتِ تكليلي هذا طبعة اذا هذا طبعة أنـــي شنو ذنبي واتعذب عــــمة ترا بعدني صغيره وجديد مزوجة مو الفروض هسه وحـــــدة غيري مدللـه مو تركض ورا وتتنطره شوكت حضرة جنابة السفيه يحن ويجي مو عيشة هاي اذا طبعة مشكلتة ويتحمل نفسة شنو ذنبي اني التحمل كلشي .