في الاسفل بداخل قاعة الرجال
ارتج القصر بإرتفاع صوت ليث العالي: وانا قولت مش هيحصل فاهمين
عزيز: يا أبني متتعبش قلبي عشان خاطر ابوك
ليث وهو يدفع الطاوله بغضب وتقع هيا وما فوقها: انا قولت كلمه وخلاص علي كده هتتسمع ولا لا
حاتم ببعض الهدوء: خلاص يا ليث اهدي
وقف عثمان: بس خلاص يا عزيز سيبه يهدي ويفكر
ليث وهو يرفع يده بإنهاء للنقاش: مش هفكر تاني خلاص الرد هيكون بالرفض وبدون سبب انا مزاجي كده
فيصل: طب يا ليث انا هقول كلمه وحده واخيره خلاص بس اي سبب الرفض
ليث بجمود: مفيش
فيصل: كده هتغلط نفسك بنفسك
ليث: ايوا اغلط نفسي بنفسي محدش ليه عندي حاجه ولا ليه عليا كلمه
عثمان: طب افرض عليا عايزاه انت هتفرض رأيك عليها
ليث بنفاذ صبر وصرامه: ايوا هفرض رأيي عليها ووقت ما تطلع من تحت طوعي هبقي قاطع راسها من جسمها
عزيز: خلاص يا ابني الي انت عايزه هيحصل وانا هرد علي عمك علاء بالرفض مع ان دا هيسبب مشكله كبيره بينا وهيعمل فجوه كبيره بينا بالذات احنا الاخوات
ليث وهو يهم بالخروج من المجلس: الي يحصل يحصل مش فارقه معايا
نظر حاتم ل ماهر: ما تقول حاجه
ماهر: اقول اي انا ساكت احسن كده كده الكلام مش مسموع من الكبار هيسمع مننا احنا
حاتم: والحل انا مستغرب سلمان اقرب واحد ل ليث هو وسفيان اي الي حصل يخلي ليث يعمل كده ويرفض الرفض القاطع ده
ماهر: والله ما عارف انا شاكك في حاجه بس اتأكد منها واقولك
حاتم: لو الي بفكر فيه فا معتقدش
ماهر: لا هيطلع ده السبب احنا لازم نكلم سفيان ينزل ويحاول معاه
حاتم: معاك حق نبقي نكلمه ونشوف الدنيا اي
🪸💓🪸💓🪸💓🪸💓🪸💓🪸💓🪸💓
في الاعلي ب جناح ميسا وليث
ميسا بقلق: ليث بيتخانق مع مين وليه بيزعق كده
صفيه بقلق هيا الاخري: معرفش بيزعق ليه
ميسا: طب روحي شوفي
صفيه: مش مستغنيه عن عمري انا اقف قدام الموت ومقفش قدام ابني وهو غضبان
انفتح الباب علي مصرعيه ودخل ليث وهو غاضب بشده ووجهه منصرم من شدة الغضب
نظر لميسا التي تنظر له بخوف: فين الصندوق الي قولتلك تخبيه
أنت تقرأ
جبروت الصعيد
Randomكلــمته ســيف علــى رقــــبة أى رجــل فــما بــالك بــأمــرأه؟ لا يــوجد فــى قـامـوسه كـلمة لا او مستـــحيل ف هــو المستــحيل بــنفـسه ڪ الرعــد لا يُــقاوم ولا يُــقـهر ولا يُــــثني.
